28 November

28 November is die 332ste dag van die jaar in die Gregoriaanse kalender (333ste in skrikkeljare). Daar volg nog 33 dae in die res van die jaar.

President Steyn van die Vrystaat

Gebeure

• 1633 – Pous Urbanus VIII stel sewe nuwe kardinale aan, waaronder Benedetto Ubaldi, ouditeur van die Heilige Roomse Rota.
• 1660 – Die Royal Society word gestig.
• 1786 – Pous Pius VI publiseer Super solidate teen Eybel se kritiek op die pous.
• 1885 – Die spoorlyn tussen Kimberley en Kaapstad word geopen.
• 1899 – Die Slag van die Twee Riviere, waar Lord Methuen aan Britse kant die bevel voer, vind plaas.
• 1905 – Die Ierse nasionalis Arthur Griffith stig Sinn Féin as 'n politieke party met die doelwit om onafhanklikheid vir die hele Ierland te verkry.
• 1912 – Albanië word van die Ottomaanse Ryk onafhanklik.
• 1937 – Die Switserse volk keur ´n referendum af om die Vrymesselaars in Switserland onwettig te laat verklaar
• 1943 – Die begin van die Teheran-konferensie tussen Franklin D. Roosevelt, Winston Churchill en Josef Stalin.
• 1960 – Mauritanië word van Frankryk onafhanklik.
• 1987 – Die SAL-vliegtuig Helderberg met 159 mense aanboord stort naby Mauritius in die Indiese Oseaan neer. Almal sterf.

Geboortes

• 1796 – Colin Fraser, Skotse predikant in Suid-Afrika († 1870)

Sterftes

• 741 – Pous Gregorius III, 90ste pous van die Rooms-Katolieke Kerk (Die BBKL gee 10 Desember) (* onbekend).
• 1916 – MT Steyn, President van die Vrystaat (* 1857).
• 1962 – Wilhelmina, koningin van Nederland (* 1880).
• 2012 – Jakes Gerwel, akademikus, politikus en sakeman (* 1946).
• 2015 – Mark Behr, Suid-Afrikaanse skrywer (* 1963).

Vakansies, vierings, en waarnemingsdae

• Feesdag van Pous Gregorius III in die Rooms-Katolieke Kerk.