Gereformeerde kerk Harare

Gereformeerde Kerk Harare
Sluit in	Harare
Klassis	Trans-Limpopo
Huidige predikant(e)	M.C. Boshoff (laaste)
Belydende lidmate	102 (1978)
Dooplidmate	34 (1978)
Adres	H.v. Nicholl- en McChlerylaan Eastleigh, Harare
Geskiedenis
Stigtingsdatum	1914
Eerste predikant	D. Kempff
Datum ontbind	1984

Die Gereformeerde kerk Harare was ’n gemeente van die GKSA met middelpunt in die Zimbawiese hoofstad, Harare, wat vir die grootste deel van sy bestaan as die Gereformeerde kerk Salisbury bekendgestaan gestaan het.

Hierdie gemeente is reeds in 1914 gestig, 13 jaar ná die NG gemeente Salisbury, wat vandag (2016) nog bestaan. Met die land se onafhanklikwording in 1980 het Salisbury nog 80 belydende lidmate gehad nadat die belydende en dooplidmate 20 jaar vantevore onderskeidelik 170 en 145 was, die grootste gemeente in die destydse Klassis Trans-Limpopo, waartoe al die kerke in Suid-Rhodesië, Noord-Rhodesië en Kenia toe behoort het.

Hier het die orrel van die Gereformeerde kerk Eldoret in Kenia ’n tuiste gevind, maar eindelik het dit ’n staanplek in die Gereformeerde kerk Chinhoyi gevind, die laaste Gereformeerde kerk in Zimbabwe. Die Gereformeerde kerk Harare het in 1984 ontbind, drie jaar ná die Gereformeerde kerke Bulawayo, Fort Victoria-Nuanetsi en Gwelo Gatooma.

Predikante

1. Snyman, Pieter Gert Wessel, 1944 – 8 Februarie 1948 (oorlede in die amp; blykbaar woonagtig op Enkeldoorn)
2. Kempff, dr. Dionysius, 1953 – 1957
3. Maritz, Willem Johannes, 1958 – 1961
4. Van Wyk, dr. Jan Harm, 1962 – 1965
5. Bester, Gert Barend Cornelius, 1965 – 1968
6. Boneschans, Jan Hendrik, 1969 – 27 Oktober 1971
7. Du Plessis, dr. Marthinus Johannes, 1973 – 1975
8. Kits, Jelte, B.Com., 1976 – 1977
9. Boshoff, Marthinus Christoffel, 1979 – 1982 (in kombinasie met Sinoia)

Galery van leraars

• 
  Ds. P.G.W. Snyman, leraar van 1944 tot sy dood in 1948, toe hy in 1929 'n Potchefstroomse student was.
• 
  Ds. P.G.W. Snyman, die eerste leraar (1944–'48) saam met sy vrou en kinders in die pastorietuin in Salisbury.
• 
  Die Gereformeerde kerk in Salisbury.
• 
  Dr. en mev. Dionysius Kempff, die leraarspaar van 1953 tot 1957.
• 
  Ds. W.J. Maritz, leraar van 23 Februarie 1958 tot 12 Februarie 1961.
• 
  Ds. J.H. (Amie) van Wyk, leraar van 1962 tot 1965, toe hy die beroep aanneem na Johannesburg-Sentraal.
• 
  Die kerkraad met die gemeente se halfeeufees in Maart 1964. Dr. Jan Harm (Amie) van Wyk sit vyfde van regs.
• 
  Ds. G.B.C. Bester, van 1965 tot 1968 die vyfde leraar, en sy gesin: Anita, Alrina en Bone.
• 
  Ds. Jan Boneschans, leraar van 1969 tot Oktober 1971, toe hy oorlede is in die amp.
• 
  Dr. M.J. du Plessis, leraar van 1973 tot 1975.
• 
  Ds. P.G.W. Snyman se graf in Harare.

Bronne

• (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
• (af) Venter, ds. A.A. (hoofred.) 1960. Almanak van die Gereformeerde Kerk in Suid-Afrika vir die jaar 1961. Potchefstroom: Administratiewe Buro.
• (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.

Sien ook

• NG gemeente Harare