Eugene Marais-hospitaal: Verskil tussen weergawes

in Wikipedia, die vrye ensiklopedie
Content deleted Content added
No edit summary
akkomodeer > akkommodeer
Lyn 24: Lyn 24:
In 1984 is 'n vleuel bokant die huidige apteek aangebou en is die hospitaal se bestuur deur die Afrox Healthcare-groep oorgeneem.
In 1984 is 'n vleuel bokant die huidige apteek aangebou en is die hospitaal se bestuur deur die Afrox Healthcare-groep oorgeneem.


In November 1985 word dit die eerste privaat hospitaal in Pretoria om magtiging vir die oplei van verpleegsters (van die Suid-Afrikaanse Raad van Verpleging) te ontvang. In dieselfde jaar is 'n bykomende vleuel geopen om die toeloop van pasiënte te akkomodeer.
In November 1985 word dit die eerste privaat hospitaal in Pretoria om magtiging vir die oplei van verpleegsters (van die Suid-Afrikaanse Raad van Verpleging) te ontvang. In dieselfde jaar is 'n bykomende vleuel geopen om die toeloop van pasiënte te akkommodeer.


In 1995 is moderne spinaal- en 'n vlakeen-traumaeenheid bygevoeg.
In 1995 is moderne spinaal- en 'n vlakeen-traumaeenheid bygevoeg.

Wysiging soos op 14:50, 9 Mei 2017

Die Eugene Marais-hospitaal se hoofingang in Vyfde laan, Les Marais, Pretoria
Aanwysingsbord voor die trauma- en noodeenheid
Die dokter en bekende digter, Eugène Marais

Die Eugène Marais-hospitaal is 'n hospitaal op die hoek van Vyfde laan en Fred Nicholsonstraat in Les Marais, 'n voorstad van Pretoria. Dit was aanvanklik 'n homeopatiese hospitaal wat later in 'n klein kliniek omskep is. Die hospitaal is op 19 Maart 1973 geopen en is na die dokter en digter, Eugène Marais, genoem. Dit is 'n deel van die Life Healthcare-groep.[1][2]

Dienste

Die hospitaal bied 'n wye spektrum van dienste, insluitend:

  • 'n Trauma-afdeling (vir noodgevalle, 24 uur per dag)
  • 'n Kritiekesorgeenheid
  • Ginekologie
  • Plastiese en torakale chirurgie
  • Laparoskopiese en ander endoskopiese chirurgie
  • 'n MR-eenheid (vir Magnetiese resonansie-beelding)
  • Verskeie fasiliteite vir die neem van X-strale

Die hospitaal het 'n helikopter-landingsplek wat vir mediese of trauma-noodgevalle gebruik kan word. Aanliggend tot die hospitaal is verskeie laboratoriums, ortopediese dienste en eenhede vir X-strale, asook die Les Marais MR-instituut.[3]

Geskiedenis

Die Eugène Marais-hospitaal staan op die presiese terrein waar die Sewendedag-Adventiste 'n homeopatiese hospitaal in die 1950's bedryf het. Die hospitaal is daarna deur 'n mev. Snyman in die Esperanza-kliniek, wat ook 'n ouetehuis was, omskep. In Mei 1968 is die gebou deur 'n groep dokters onder leiding van die psigiater, dr. J.P. Verster, gekoop. In 1969, ná 'n tekort aan privaat beddens in die provinsiale hospitaal ontstaan het, sluit nog dokters by hulle aan en is 'n nuwe vleuel aangebou.

Danksy die toewyding van drr. Lombard, Guldenpfennig, Buys en Nel is die suidelike vleuel geoormerk om as 'n algemene hospitaal te dien. Die eerste pasiënt is op 19 Maart 1973 in hiérdie vleuel opgeneem. Op aanbeveling van dr. Ivan McCusker is dit na Eugene Marais genoem.

In 1984 is 'n vleuel bokant die huidige apteek aangebou en is die hospitaal se bestuur deur die Afrox Healthcare-groep oorgeneem.

In November 1985 word dit die eerste privaat hospitaal in Pretoria om magtiging vir die oplei van verpleegsters (van die Suid-Afrikaanse Raad van Verpleging) te ontvang. In dieselfde jaar is 'n bykomende vleuel geopen om die toeloop van pasiënte te akkommodeer.

In 1995 is moderne spinaal- en 'n vlakeen-traumaeenheid bygevoeg.

In November 2000 is 'n nuwe vleuel, wat vir spesialiste se spreekkamers aangebou is, geopen.

Dié hospitaal se nuwe harteenheid van R30 miljoen is in 2002 vir pasiënte oopgestel.[4]

In 2005 is die Afrox Healthcare-groep se naam na Life Healthcare verander. Die hospitaal staan sedertdien as die Life Eugène Marais Hospitaal bekend.

In Julie 2006 is 'n rehablitasie-eenheid met 'n kapasiteit van 21 beddens op die grondvloer geopen.

Sien ook

Verwysings

  1. Voortdurend uitgebou, Beeld, 14 Augustus 2002
  2. Life Eugene Marais Hospital, mootpretoria.co.za, besoek op 3 September 2015
  3. Eugene Marais die plek vir trauma-pasiënte, Rapport, 25 Februarie 2001
  4. Hospitaal kry nuwe harteenheid, Beeld, 23 Januarie 2002

Koördinate: 25°42′34.56″S 28°11′39.84″O / 25.7096000°S 28.1944000°O / -25.7096000; 28.1944000