Fort Klapperkop: Verskil tussen weergawes

in Wikipedia, die vrye ensiklopedie
Content deleted Content added
→‎Naam: Verbeter
→‎Naam: Skakel
Lyn 19: Lyn 19:


== Naam ==
== Naam ==
Die naam Klapperkop is ontleen aan die inheemse boom ''Strychnos spinosa'', in die volksmond bekend as die [[groenklapper]].
Die naam Klapperkop is ontleen aan die inheemse boom ''[[Strychnos spinosa]]'', in die volksmond bekend as die [[groenklapper]].


== Bibliografie ==
== Bibliografie ==

Wysiging soos op 13:58, 11 Mei 2017

Ingang na Fort Klapperkop met die vlag van die Transvaal wat op die dak wapper.
Binnekant van Fort Klapperkop
Lêer:SADF Commemorate.jpg
Die SAW-gedenkteken

Fort Klapperkop en drie ander forte, naamlik Fort Schanskop, Fort Wonderboompoort en Fort Daspoortrand, is op die vooraand van die Tweede Vryheidsoorlog rondom Pretoria gebou.

Ligging

Fort Klapperkop lê in die buurt Groenkloof en 3 km oos van Fort Schanskop. Die doel daarmee was om die suidelike toegangsroetes van Pretoria teen 'n verrassingsaanval op die goudvelde van die Witwatersrand te beskerm.

Konstruksie

Dieselfde ingenieurs, argitek, bou-aannemer en tegnici as by Fort Schanskop was by die oprigting van hierdie fort betrokke. By die oprigting van hierdie fort moes 22 000 m³ grond verskuif word om plek te maak vir die versterkte kaserne en magasyn. Rondom die fort is 'n grag (sonder water) en 'n ophaalbrug. Pres. Paul Kruger het die amptelike ingebruikneming op 15 Januarie 1898 waargeneem.

20ste eeu

Op 5 Januarie 1900 het die Royal Scot Fusiliers die fort oorgeneem sonder dat enige weerstand gebied is. Tot 1951 is die fort vir militêre doeleindes gebruik, alhoewel dit reeds op 8 Julie 1938 tot monument verklaar is. Tydens die Eerste en die Tweede Wêreldoorlog is dit as ammunisiedepot gebruik. In die 1960's is die gebou deeglik gerestoureer en tot militêre museum omskep. 'n Suid-Afrikaanse Weermag-gedenkteken is op 31 Mei 1979 op die terrein onthul. Dit bestaan uit 'n beeld van 'n soldaat met 'n R1-geweer en marmerborde met die name van soldate wat hulle lewens verloor het in militêre optrede.

Toekoms

In 2016 is daar sterk sprake dat die parlement dalk in die nabye toekoms van Kaapstad na Pretoria gaan skuif. Die stadsraad van Pretoria is van mening dat die terrein rondom die fort geskik is vir die oprigting van die nuwe parlementsgebou.

Naam

Die naam Klapperkop is ontleen aan die inheemse boom Strychnos spinosa, in die volksmond bekend as die groenklapper.

Bibliografie

Koördinate: 25°46′49″S 28°12′36″O / 25.78028°S 28.21000°O / -25.78028; 28.21000