Tomáš Berdych

Tomáš Berdych

Tomáš Berdych tydens die Franse Ope in 2015
Land	Tsjeggië
Woonplek	Monte Carlo, Monaco
Geboortedatum	17 September 1985 (1985-09-17)
Geboorteplek	Valašské Meziříčí, Tsjeggo-Slowakye (nou Tsjeggië)
Lengte	1,96 m
Gewig	91 kg
Begin professioneel	2002
Spelstyl	Regshandig (tweehandig handrughou)
Loopbaan-wengeld	$27 226 515
Amptelike webblad	tomasberdych.cz
Enkelspel
Loopbaanrekord	604–314 (65,80%)
Loopbaantitels	13
Hoogste rang	No. 4 (18 Mei 2015)
Huidige rang	No. 14 (22 Mei 2017)
Grand Slam-uitslae
Australiese Ope	HE (2014, 2015)
Franse Ope	HE (2010)
Wimbledon	E (2010)
VSA-Ope	HE (2012)
Toereindronde	HE (2011)
Olimpiese Spele	KE (2004)
Dubbelspel
Loopbaan-rekord	103–109
Loopbaantitels	2
Hoogste rang	No. 54 (10 April 2006)
Huidige rang	No. 158 (15 Mei 2017)
Australiese Ope	KE (2005)
Franse Ope	2R (2005)
Wimbledon	2R (2005)
VSA-Ope	2R (2004)
Laaste opgedateer op: 15 Junie 2017.

Tomáš Berdych tydens die VSA Ope in 2009.

Tomáš Berdych tydens die VSA Ope in 2009.

Tomáš Berdych tydens die VSA Ope in 2009.

Tomáš Berdych (Tsjeggiese uitspraak: [toˈmaːʃ ˈbɛrdɪix], ; * 17 September 1985 in Valašské Meziříčí) is 'n Tsjeggiese professionele tennisspeler. Hy is 'n lang, skraal speler wat sy vlak houe as wapen aanwend en sedert 2002 professioneel deelneem. In 2010 het hy die halfeindstryd van die Franse Ope en die eindstryd van die Wimbledon-kampioenskap bereik. Op 18 Mei 2015 was hy nommer vier in wêreldtennis vir mans.

Loopbaan

Tydens die Paryse Meesters van 2005 het Berdych sy eerste ATP Masters Series-titel gewen. Hy het in hierdie toernooi Jiří Novák, die tweede geplaasde Guillermo Coria, die dertiende geplaasde Juan Carlos Ferrero, die sewende geplaasde Gaston Gaudio, die agtste geplaasde Radek Štěpánek en die sesde geplaasde Ivan Ljubičić verslaan. Ander hoogtepunte in 2005 was sy oorwinning oor die wêreldnommertwee Rafael Nadal in die eerste rondte van die Cincinnati Masters, die haal van die eindstryd in die Sweedse Ope en die haal van die halfeind in Washington. In 2006 het Berdych tydens die Gerry Weber Ope sy eerste graseindstryd gehaal, waarin hy teen die wêreld nommer een Roger Federer 0-6, 7-6, 2-6 verloor het. Nog 'n hoogtepunt in 2006 was sy oorwinning oor die wêreldnommertwee Rafael Nadal tydens die Kanadese Meesters 6-3, 4-6, 7-6(5).

In Oktober 2006 het Berdych sy tweede ATP-eindstryd van daardie jaar in Moembaai gehaal, maar hy is deur die Rus Dmitri Toersoenov verslaan. In die meesterstoernooi van Madrid het Berdych vir Roddick en Nadal geklop en sodoende die halfeind bereik.

Berdych is as gevolg van sy oorwinning oor die Spanjaard Rafael Nadal nie gewild by die Spaanse tennisliefhebbers nie. Tydens die wedstryd tussen die Spanjaard en Berdych is daar gereeld in laasgenoemde se rigting geskreeu. In die halfeind teen Fernando González is Berdych se spel hierdeur beïnvloed en hy het die wedstryd verloor.

Berdych kon nie sy Meesterstitel in Parys behou nie: hy het teen Dominik Hrbatý in die kwarteindstryd verloor. In die rondtes voor dit het Berdych Olivier Rochus en Robby Ginepri uitgeskakel.

Grand Slam-rekord

Die tabel toon Berdych se prestasie tydens elk van die Grand Slam-toernooie in mansenkels waaraan hy deelgeneem het:

Jaar	Australiese Ope	Franse Ope	Wimbledon	VSA Ope
2003	Nie deelgeneem nie	Nie deelgeneem nie	Nie deelgeneem nie	Rondte 2
2004	Rondte 2	Rondte 1	Rondte 1	Rondte 4
2005	Rondte 1	Rondte 2	Rondte 3	Rondte 3
2006	Rondte 2	Rondte 4	Rondte 4	Rondte 4
2007	Rondte 4	Rondte 1	Kwarteindstryd	Rondte 4
2008	Rondte 4	Rondte 2	Rondte 3	Rondte 1
2009	Rondte 4	Rondte 1	Rondte 4	Rondte 3
2010	Rondte 2	Halfeindstryd	Eindstryd	Rondte 1
2011	Kwarteindstryd	Rondte 1	Rondte 4	Rondte 3
2012	Kwarteindstryd	Rondte 4	Rondte 1	Halfeindstryd
2013	Kwarteindstryd	Rondte 1	Kwarteindstryd	Rondte 4
2014	Halfeindstryd	Kwarteindstryd	Rondte 3	Kwarteindstryd
2015	Halfeindstryd	Rondte 4	Rondte 4	Rondte 4
2016	Kwarteindstryd	Kwarteindstryd	Halfeindstryd	Nie deelgeneem nie
2017	Rondte 3	Rondte 2

Eksterne skakels

• Wikimedia Commons het meer media in die kategorie Tomáš Berdych.
• (cz) Amptelike webwerf