Verskil tussen weergawes van "Johannes Petrus van der Walt"

Jump to navigation Jump to search
k
Opruim using AWB
k (Opruim using AWB)
[[Beeld:Teologiese Skool Burgersdorp 1904.jpg|duimnael|regs|320px|Die laaste groep professore en studente van die [[Teologiese Skool Burgersdorp]], 1904. Voor v.l.n.r.: D.J. du Plessis, J.J.A. Coetsee, P. Coetzee, S. Vorster, [[J.H. Kruger]], R.S. Postma. Middel: [[Jan Boneschans|J.H. Boneschans]], [[H.J.R. du Plessis]], prof. [[Ferdinand Postma]], prof. [[Jan Lion Cachet]], prof. [[Dirk Postma, seun van Marthinus|Dirk Postma]], [[J.H. Kruger]], T.N. Venter. Agter: H.J.J. van der Walt, [[Johannes Christiaan van der Walt|J.C. van der Walt]], B.J.M. Kruger, [[Hendrikus Pasch|H.P.J. Pasch]], '''J.P. van der Walt''', [[Dirk du Plessis|D.P. du Plessis]], B.R. Grobler en [[Pieter Bingle|P.W. Bingle]].]]
 
[[Beeld:Algemene Sinode van die Gereformeerde Kerk, Reddersburg, 1910.jpg|duimnael|links|320px|Die Algemene Sinode van die GKSA wat in 1910 op [[Reddersburg]] vergader het. Voor: Di. [[Koos van Rooy|J.A. Van Rooy]], [[Martinus Postma]], [[Petrus Postma]], W.J. Snyman, prof. [[Jan Lion Cachet]], di. [[Louw du Plessis|L.J. du Plessis]], [[Louis Vorster]], [[Pieter Biewenga]]. Tweede ry: Di. [[J.G.H. van der Walt]], [[Jacobus du Plessis]], [[Willem Johannes de Klerk|W.J. de Klerk]], [[G.H.J. Kruger]], [[Dirk Postma, seun van Martinus|Dirk Postma]], [[H.J.R. du Plessis]], [[Willem Postma]], [[Hendrikus Pasch|H.P.J. Pasch]]. Derde ry: Di. [[Johannes Petrus van der Walt|J.P. van der Walt]], [[N.H. van der Walt]], T.N. Venter, [[Flippie Snyman|P.C. Snyman]], [[J.H. Kruger]], [[Totius|J.D. du Toit]] (Totius), dr. [[Sietse Los|S.O. Los]], T. Hamersma en [[Derk Rumpff]].]]
 
Johannes van der Walt was die oudste seun van Tjaart van der Walt van die plaas Bluegumboom. Hy is gedoop op [[2 Maart]] [[1879]] in die [[Gereformeerde kerk Ladybrand]], wat op [[20 Desember]] [[1872]] van die [[Gereformeerde kerk Reddersburg]] afgestig het. Sy eerste skoolopleiding ontvang hy op Ladybrand en op die jeugdige ouderdom van ses jaar verlaat hy die ouerhuis. In 1897 lê hy die matrikulasie-eksamen op [[Burgersdorp]] af en sit hier sy studie voort en studeer in die teologie. Met die uitbreek van die [[Tweede Vryheidsoorlog|Driejarige Oorlog]] in 1899 sluit hy by die ambulanskorps aan, dog word ná ’n paar maande gevang en na [[Kaapstad]] gestuur. Gedurende die oorlog rig hy ’n versoek tot die owerheid om hom na [[Bloemfontein]] terug te stuur ten einde sy moeder te versorg wat in die konsentrasiekamp was met ses kinders. Aan sy versoek is voldoen.
 
Ná die beëindiging van die oorlog bly hy in Bloemfontein en aanvaar ’n betrekking in die staatsdiens en besluit om nie verder in die teologie te studeer nie. In 1904 oorweeg hy dit egter om vir predikant te leer en voel hom geroepe weens die ernstige tekort aan predikante in die Gereformeerde Kerk. In Julie 1904 vertrek hy na [[Burgersdorp]], waar hy sy studie voortsit aan die [[Teologiese Skool Burgersdorp|Teologiese Skool]], en in Desember 1908, nadat hy saam met die Skool na [[Potchefstroom]] verhuis het, lê hy die proponentseksamen af.
 
In Januarie 1909 is hy beroep na [[Gereformeerde kerk Waterberg|Waterberg]]-[[Gereformeerde kerk Pietersburg|Soutpansberg]]-kombinasie. Hier word gearbei onder uiters moeilike omstandighede daar die gemeente nog moes worstel ná die oorlog en groot armoede geheers het. Aan die begin van sy bediening moes die dorp [[Nylstroom]] telkens onder kwarantyn geplaas word weens die ooskuskoors. Destyds was ossewaens die enigste vervoermiddel en gevolglik moes Nagmaalsviering en belydenis op ander plekke in die distrik gehou word en is gebruik gemaak van tente om die lidmate te huisves. Met sy inseëning op [[3 April]] [[1909]] is die dorp net ’n paar dae voor die plegtigheid onder kwarantyn geplaas met die gevolg dat die kerkraad nie ’n kworum kon vorm nie en moes die plegtigheid uitgestel word ten einde nog ’n kerkraadslid te gaan haal sowat 50 myl van die dorp af sodat die kerkraad voltallig kon wees.
 
Ook was daar destyds nog baie [[malaria]]. Die werk was moeilik deur die groot afstande wat met primitiewe vervoermiddels afgelê moes word. Dit het gebeur dat die leraar soms ses weke van huis afwesig was sonder dat enige tyding van hom ontvang is. Hyself het ook aan die begin van sy bediening ernstig siek geword, wat vir hom ’n swaar beproewing was, dog het hy die arbeid met ywer en moed voortgesit.
 
Op [[28 Januarie]] [[1910]] is hy op [[Fauresmith]] in die [[Oranje-Vrystaat]] getroud met [[Miemie van der Walt|Maria Magdalena Henning]] (gebore op [[Burgersdorp]] op [[8 Mei]] [[1891]], maar ten tyde van haar huwelik op of by Fauresmith woonagtig). Die bruidegom was dus reeds 31 jaar oud en die bruid 18. Ses kinders is uit dié huwelik gebore, van wie ’n seuntjie, Andries, jonk oorlede is. Daar was nog twee seuns en drie dogters. (Volgens ’n ander bron was dit drie seuns en vier dogters.)
 
Vanaf 1920 bearbei hy slegs Waterberg aangesien [[Gereformeerde kerk Pietersburg|Soutpansberg]] toe selfstandig was. Sy gesondheid het toe alreeds baie verswak maar nog het hy die lang afstande afgelê en moedig het hy die gemeente bearbei. Op sy laaste reis word hy ernstig siek en breek sy kar weens die onrybare pad met die gevolg dat vriende hom tuis moes bring. Sy begeerte was om nog een diens waar te neem en kon hy ook met die geleentheid sy jongste kind doop.
 
Ds. Van der Walt het Waterberg net sowat 13 jaar en vier maande bedien, want in Augustus 1922, 27 dae voor sy 44ste verjaardag, is hy in Johannesburg weens kanker oorlede ná ’n bittere lyding nadat hy daarheen gegaan het vir ’n mediese ondersoek op die advies van sy geneesheer. Hy het, volgens ’n bron, die ewige rus met ’n vaste geloof ingegaan en is op 5 Augustus 1922 op Nylstroom begrawe. Miemie van der Walt het 74 jaar oud geword en is op [[18 Mei]] [[1965]], 10 dae ná haar verjaardag, op [[Potchefstroom]] oorlede. Blykbaar het sy in die amper 43 jaar tussen haar man se dood en haar eie nooit hertrou nie. Sy en haar man is albei op Nylstroom begrawe.
* {{af}} [[Hendrik Johannes Venter|Venter, H.J.]] 1959. ''Eeufeesgedenkalbum van die Gereformeerde kerke in die Klassis Waterberg 1859–1959''. Potgietersrus: Deputaatskap vir die Gedenkalbum.
 
{{DEFAULTSORT:Van der Walt, Johannes}}
[[Kategorie:Gereformeerde Kerke in Suid-Afrika]]
[[Kategorie:Suid-Afrikaanse predikante]]
 
{{DEFAULTSORT:Van der Walt, Johannes}}

Navigasie-keuseskerm