Wikipediabespreking:Administrateur

Argief
Na Argief
Hoe word 'n argief aangelê?

U is welkom om ander gebruikers of uself te nomineer vir administrateurstatus.

Daar is geen amptelike vereistes vir adminskap nie, buiten 'n mate van vertroue deur ander gebruikers en die besit van 'n gebruikersrekening. Elke persoon het verskillende idees rakende administrateurskap en dit sal in hul ondersteuning of besware weerspieël word.

Gebruikers wat steun of beswaar aanteken is welkom om redes by te voeg. Indien u egter beswaar aanteken en die genomineerde gebruiker beskuldig van, byvoorbeeld, oortreding van die reëls, of onbeskaafde gedrag, moet u asseblief 'n verskilskakel ("diff") verskaf, sodat ander gebruikers die gedrag self binne konteks kan oordeel.

Anonieme gebruikers mag wel gebruikers nomineer, maar nie self stem nie (hul nominasie tel dus ook nie as 'n stem nie).

>>> Nomineer 'n gebruiker <<<

Voorgestelde beleid

Wie mag aansoek doen?

• Nominante moet gebruikers wees vir 'n geruime tyd en reeds vir meer as 'n jaar aktief wees by die Afrikaanse Wikipedia. Bydraes in enige naamruimte geld as aktiwiteit, maar betrokkenheid by gemeenskapsake en oordeelkundige betrokkenheid by dispute sal 'n groot rol kan speel.
• Nominante moet Afrikaans baie goed verstaan en hulself redelik verstaanbaar kan maak in Afrikaans.
• Nominante se optrede in hul hoedanigheid as gebruikers moet 'n groot begrip van, en konformiteit aan beleid toon. Onlangse blapse sal dus iemand se aansoek in 'n slegte lig stel.
• Nominante moet 'n geldige eposadres hê en ten minste 'n eenvoudige gebruikersblad.
• Selfnominasies is toelaatbaar. So 'n nominant moet natuurlik die nominasie aanvaar.
• Nominante wat nie in die afgelope drie maande onsuksesvol aansoek gedoen het nie.

Stemprosedure

• Slegs bydraers wat al vir 'n redelike tyd aktief is, mag stem. Ongeldige stemme mag gekanselleer word deur ander bydraers.
• Stemming word op hierdie blad onder die kandidaat se naam gedoen. Kommentaar, beswaar en/of vrae aan die kandidaat kan u stem vergesel. 'n Handtekening (met u gebruikersnaam en datum) moet in alle gevalle 'n stem/opinie vergesel.
• Stemming moet lank genoeg duur om die gemeenskap kans te gee om te stem en beswaar aan te teken.
• Stemme mag verander. U kan dus u stem terugtrek of verander terwyl stemming nog nie afgehandel is nie. Eerder as om u stem bloot uit te vee, trek dit eerder dood om misverstand te voorkom. Doen dit as volg:

<s>Ondersteun/Gekant. --ou handtekening</s> Stem teruggetrek/verander. --~~~~

Dit vertoon dan as

Ondersteun/Gekant. --ou handtekening Stem teruggetrek/verander. --Gebruikernaam 12:00, 1 Januarie 2005 (UTC)

• Alhoewel hierdie 'n stemming is, moet daar redelike konsensus bereik word, eerder as 'n blote meerderheid vir "ja" of "nee".
• Gebruikers wat teen die bevordering van 'n gebruiker gekant is, moet asseblief hulle redes hiervoor noem. So kan besware aangespreek word en moontlik ernstige probleme rakende 'n gebruiker geïdentifiseer word.

U is welkom om die volgende sjablone te gebruik:

• {{ondersteun}} ( Ondersteun)
• {{gekant}} ( Gekant)
• {{neutraal}} ( Neutraal)
• {{kommentaar}} ( Kommentaar)
• {{vraag}} ( Vraag)

Kandidate

Gebruikers wat kwalifiseer kan hier genomineer word.

Gebruiker:Suidpunt

Ek doen hiermee aansoek weens die groot plaag vandalisme wat tans bestry moet word.

Positief:

• Ek is hier sedert Augustus 2009. Ek is onlangs bekroon met 'n Ecce Lux ("Aanskou die lig")-toekenning deur Gebruiker:Aliwal2012.
• Ek het al 'n paar artikels bygedra en uitgebrei wat skoolleerlinge veral nuttig vind. Een kom nogal gereeld by die Top10 voor. Nogtans weet ek ook 80% van die artikels wat ek geskep het, word selde besoek.
• Ek was lank genoeg hier om te sien hoe mens nie jou taak as administrateur "teatraal" en "voortvarend" mag misbruik nie. Ek het veral twee gebruikers koppe sien stamp. Dit was tussen 'n manlike en 'n vroulike gebruiker, laasgenoemde in die omgang bekend as "die prima donna".
• Ek beskik tans oor onbeperkte ADSL (en 'n nagbank vol boeke).
• Ek het reeds 'n aktiewe e-posadres.
• In die werklike lewe mag hy miskien in die letterkunde agtergrond hê...

Negatief:

• ...maar 'n taalkundige is hy nog lank nie.
• Ek het in die verlede nie te veel patrolliewerk gedoen nie. Was ek op die Nederlandse en Deense Wikipedia, sou ek op 'n waglys geplaas word.
• As gebruiker het ek nog nie die diplomatieke vermoëns van Gebruiker:Voyageur ontwikkel nie. Maar ek is besonder versigtig met onkundige nuwelinge, en veral buitelandse gebruikers wat Afrikaans nog nie heeltemal goed magtig is nie, juis om hulle nie af te skrik nie.
• Ek is meer geneig om die besprekingsbladsye te besoedel as om nuwe artikels te skep. Maar, ek is lief vir "oorspronklike navorsing" binne perke. Hopelik vergoed my pogings daarvoor.
• Ek is wat politiek betref, nogal uitgesproke, maar dikwels meer uit 'n akademiese oogpunt. Behalwe as ek weet 'n akademiese werk of houding is doelbewus met politieke oogmerke bedoel - dan raak ek bedonnerd.

Vraag:

• Kan administrateurs geblok word? Wat is die prosedure? Suidpunt (kontak) 17:57, 22 Maart 2017 (UTC)

• Ondersteun -- Frank (kontak) 18:04, 22 Maart 2017 (UTC)

• Ondersteun -- Sobaka (kontak) 18:08, 22 Maart 2017 (UTC)

• Ondersteun -- Voyageur (kontak) 18:26, 22 Maart 2017 (UTC)

• Ondersteun -- Jcwf (kontak) 18:30, 22 Maart 2017 (UTC). is dit die begin van die ondergang..? Just kidding.

• Ondersteun – Groete. -- JCIV (Besprekings | Bydraes) 13:15, 25 Maart 2017 (UTC)

Gebruiker:Adriaan Joubert

Ek wil weer vir Adriaan nomineer. Hy was vantevore 'n produktiewe administrateur, maar sy regte is as gevolg van sy wiki-verlof opgeskort (heel onnodig, as jy my vra). Hy is egter nou terug en kan 'n waardevolle bydrae in die hoedanigheid maak.

• Ondersteun -- Frank (kontak) 19:40, 2 Mei 2017 (UTC)
• Ondersteun -- Oesjaar (kontak) 19:54, 2 Mei 2017 (UTC)
• Ondersteun --Voyageur (kontak) 21:13, 2 Mei 2017 (UTC)
• Ondersteun – Maar ek dink dat Gebruiker:Adriaan en Gebruiker:Adriaan Joubert twee verskeie mense is. Groete. -- SpesBona 21:15, 7 Mei 2017 (UTC)

Kommentaar – O genade, het ons die verkeerde een genomineer? Groete. Frank (kontak) 06:25, 8 Mei 2017 (UTC)

Kommentaar - Miskien is ek verkeerd, maar ek het 'n vermoede Adriaan het eintlik baie skrywersname. Soos Jaco Jacobs byvoorbeeld Tania Brink het vir sekere genres (Liefde laat jou rice krispies anders proe), of Leon van Nierop vir Jacqueline Brink het. Hulle is almal seker familie van die grootste pseudoniem in die geskiedenis (?): André P. Brink. Ek vermoed Beaumont877 is was een van hulle.

• Maar ek Ondersteun hom steeds -- Suidpunt (kontak) 07:16, 8 Mei 2017 (UTC)

Bedanking van Gebruiker:K175

Ek dien vandag my bedanking as administrateur by die Afrikaanse Wikipedia in. Dit volg op 'n string ongegronde aantygings en 'n patetiese rasseherrie wat Gebruiker:BooysenN probeer aanhits en my daarby probeer insluit. Ek voel dit is in die beste belang van die stabiliteit van die projek en die atmosfeer wat hier heers dat alle pogings aangewend moet word om hierdie negatiewe situasie te probeer ontlont. Nazeer is lief daarvoor om die arme slagoffer te speel om sy eie persoonlike idees by 'n klein, vatbare projek soos die Afrikaanse Wikipedia te probeer afdwing. Hy is egter nie in al sy uitsprake verkeerd nie: hy is reg, ek het al foute gemaak (bv. die kwessie oor of 'n gebruiker sy eie besprekingsbladsy mag vandaliseer - m.i. is dit nie 'n uitgemaakte saak nie en hoef ons nie noodwendig die Engelse Wikipedia se presedent te volg nie) en hy is reg, ek het nie adminregte nodig nie. Hier is genoeg admins vir 'n projek van ons grootte. Dat ek 'n rassis is of dat ek partydig is, is egter uiters aanstootlike en ongegronde aantygings, en m.i. 'n ernstige rassistiese oortreding op sigself, en deur as administrateur te bedank, hoop ek dat dit nie die projek verder sal affekteer nie. Dit sal Nazeer ook 'n geleentheid gun om hom met die reëls en konvensies te vergewis sodat as hy weer oortree, hy nie my as 'n swart skaap kan teiken om sy eie onkonstruktiewe gedrag te probeer regverdig nie. Ek sal steeds betrokke wees as 'n gebruiker sonder adminregte. K175 (kontak) 11:38, 10 September 2017 (UTC)

En nog meer persoonlike kommentaar van jou. Wat is "patetiese rasseherrie"?

"om sy eie persoonlike idees by 'n klein, vatbare projek soos die Afrikaanse Wikipedia te probeer afdwing"

Om die afdwinging van politieke idees te sien kyk net na [1] [2] x2 wysigingsoorlog deur K175 sonder enige bespreking. Ek wil net neutraliteit afdwing, om 'n woord VAN N BETROUBARE BRON aan te haal is nie die drywing van enige politieke agendas nie - dis die drywing van wikibeleid.

Jy noem vir my as 'n "vandal" en "ongeleerde". Sulke gedrag is onaanvaarbaar van 'n administrateur. Jy wil ook my laster met partydige waarskuwings op my kletsblad - ek is nou gatvol om myself weer en weer te herhaal terwyl jy en die IPs my beskuldig van die drywing van politieke agendas.

Alles in Wikipedia word aangeteken, die globale wikigemeenskap moet kom sien die manier waarop jy jou admninregte misbruik. --Nazeer (kontak) 13:12, 10 September 2017 (UTC)