Gerry Adams: Verskil tussen weergawes
kNo edit summary Etiket: 2017-bronwysiging |
|||
| Lyn 1: | Lyn 1: | ||
{{Inligtingskas Ampsbekleër |
{{Inligtingskas Ampsbekleër |
||
| naam = Gerry Adams |
| naam = Gerry Adams |
||
| beeld = Gerry Adams |
| beeld = Gerry Adams Pre Election Press Conference.jpg |
||
| beeldonderskrif = Gerry Adams in 2013 |
| beeldonderskrif = Gerry Adams in 2013 |
||
| orde = President van [[Sinn Féin]] |
| orde = President van [[Sinn Féin]] |
||
Wysiging soos op 21:29, 8 Oktober 2017
| Gerry Adams | |
 Gerry Adams in 2013 | |
President van Sinn Féin
| |
| Ampsbekleër | |
| Termynaanvang 13 November 1983 | |
| Vise | Mary Lou McDonald |
|---|---|
| Voorafgegaan deur | Ruairí Ó Brádaigh |
Teachta Dála
| |
| Ampsbekleër | |
| Termynaanvang Februarie 2011 | |
| Voorafgegaan deur | Arthur Morgan |
LP vir Wes-Belfast
| |
| Ampstermyn 1 Mei 1997 – 26 Januarie 2011 | |
| Voorafgegaan deur | Joe Hendron |
| Opgevolg deur | Paul Maskey |
| Ampstermyn 9 Junie 1983 – 9 April 1992 | |
| Voorafgegaan deur | Gerry Fitt |
| Opgevolg deur | Joe Hendron |
LP van die Noord-Ierse Vergadering vir Wes-Belfast
| |
| Ampstermyn 25 Junie 1998 – 7 Desember 2010 | |
| Voorafgegaan deur | Nuwe pos |
| Opgevolg deur | Pat Sheehan |
Persoonlike besonderhede
| |
| Gebore | 6 Oktober 1948 Belfast, Noord-Ierland |
| Politieke party | Sinn Féin |
| Eggenoot/-note | Collette McArdle |
| Kind(ers) | 1 |
| Religie | Rooms-Katolieke Kerk[1] |
Gerry Adams (Iers-Gaeliese naam: Gearóid Mac Ádhaimh; 6 Oktober 1948-) is 'n Noord-Ierse politikus en die leier van Sinn Féin, 'n Ierse politieke party wat Noord-Ierland met die Republiek van Ierland wil verenig.[2] Hy is ook 'n voormalige parlementslid vir Wes-Belfast. Hy het egter nie parlementsittings bygewoon nie, omdat hy nie Brittanje se gesag oor Noord-Ierland erken nie.
Weens sy bande met die Ierse Republikeinse Leër (IRL) het die Britse regering Adams jare lank verbied om na Engeland, Skotland of Wallis te reis. In die laat 1990's het hy egter met die Britse regering en ander Noord-Ierse politieke partye in gesprek getree om vrede in die streek te bewerkstellig. Die IRL het vyandighede in 1995 gestaak en in 2005 verklaar dat die oorlog verby was.
Beknopte biografie
Gerard 'Gerry' Adams is op 6 Oktober 1948 vanuit 'n sterk nasionalistiese Katolieke familie gebore. Hy was 'n vroeë skoolverlater en 'n kroegman wat by die Ierse republikeinse beweging betrokke geraak het. In 1964 sluit hy by Sinn Féin en Na Fianna Éireann aan. Volgens hom was hy nooit 'n lid van die IRL nie, maar amptelike Britse en Ierse dokumente het hom as een van die hooggeplaaste IRL-figure in die vroeë jare sewentig beskryf.
Nadat aanhouding sonder verhoor in 1971 ingevoer is, is hy op die HMS Maidstone, 'n Britse gevangenisskip, aangehou. Hy word egter vrygelaat om aan die vredessamesprekings van 1972 deel te neem, maar is weer gearresteer om tussen 1973 en 1977 in die Long Kesh-interneringskamp, en later weer in 1978, aangehou te word.
Adams is op 14 Maart 1984 ernstig in 'n sluipmoordpoging in Belfast gewond. Drie verdagtes is vir die aanval vasgekeer en is later verhoor en gevonnis.[3] Adams het beweer dat die Britse leër vooraf van die voorval geweet het, maar dit toegelaat het om voort te gaan.[4]
Op 30 April 2014 is Adams as 'n verdagte in 'n moordsaak in hegtenis geneem. Jean McConville, 'n moeder van tien, is in 1972 deur IRL-lede ontvoer. Haar lyk is egter eers in 2003 gevind.[5] Adams is daarvan verdink dat hy destyds opdrag vir die moord gegee het. Sy betrokkenheid blyk uit die sogenaamde "Boston-tapes", onderhoude wat deur die Universiteit van Boston vir 'n geskiedenisprojek opgeneem is. Tydens die opnames het IRL-lede openlik oor hul verlede gepraat en Adams se rol in die McConville-saak aan die kaak gestel.[6] Hy is egter nie aangekla nie en het alle bewerings teen hom as kwaadwillig afgemaak en verwerp.[7]
Verwysings
- ↑ "Gerry Adams admits he was not always 'in tune' with Jesus". The Daily Telegraph. Besoek op 28 Januarie 2014.
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "1984: Sinn Féin leader shot in street attack". BBC. Besoek op 22 Maart 2007.
{{cite news}}: Italic or bold markup not allowed in:|publisher=(hulp) - ↑ Kevin Maguire (14 Desember 2006). "Adams wants 1984 shooting probe". BBC. Besoek op 22 Maart 2007.
{{cite news}}: Italic or bold markup not allowed in:|publisher=(hulp) - ↑ Gerry Adams opgepakt voor moord, NOS Nieuws, 30 April 2014
- ↑ De Boston-tapes: worden beruchte 40 jaar oude IRA-moorden opgelost?, De Volkskrant, 1 Mei 2014
- ↑ Sinn Fein-leier in hegtenis geneem, Die Republikein, besoek op 19 Desember 2015
Eksterne skakels
Wikimedia Commons het meer media in die kategorie Gerry Adams.
