Opkwark

Die op-kwark of u-kwark (simbool: u, van die Engelse up quark) is die ligste van al die kwarke, ’n soort elementêre deeltjie, en ’n hoofbestanddeel van materie. Saam met die af-kwark vorm dit die neutrone (een op-kwark, twee af-kwarke) en protone (twee op-kwarke, een af-kwark) van atoomkerns. Dit is deel van die eerste generasie van materie, het ’n elektriese lading van +²⁄₃ e en ’n massa van 1,5–3,3 MeV/c².

Nes ander kwarke is die op-kwark ’n elementêre fermion met spin-¹⁄₂ en ervaar dit al vier fundamentele kragte: swaartekrag, elektromagnetisme, swak kernkrag en sterk kernkrag. Die antideeltjie van die op-kwark is die op-antikwark of anti-op), waarvan sekere eienskappe dieselfde magnitude maar teenoorgestelde teken het.

Hierdie artikel is vertaal uit die Engelse Wikipedia