Orrefors Kosta Boda: Verskil tussen weergawes

in Wikipedia, die vrye ensiklopedie
Content deleted Content added
+ Inligtingskas & Commons
k Verplasing van 2 interwikiskakels wat op Wikidata beskikbaar is op d:q2031565
Lyn 60: Lyn 60:


[[da:Orrefors glasværk]]
[[da:Orrefors glasværk]]
[[de:Orrefors Kosta Boda]]
[[en:Kosta Glasbruk]]
[[en:Kosta Glasbruk]]
[[sv:Orrefors Kosta Boda]]

Wysiging soos op 01:35, 8 November 2017

Kosta Boda
Tipe Privaatmaatskappy
Gestig 1742
Hoofkantoor Kosta, Swede
Gebied bedienWêreldwyd
IndustrieGlasware, Kunsmatige glas
Webwerfkostaboda.se

Orrefors Kosta Boda AB is 'n Sweedse onderneming wat gevorm is nadat die vroeër selfstandige glasfabrieke Orrefors, Kosta, Boda en Åfors in die sogenaamde "Glasryk" van die Suid-Sweedse provinsie Småland saamgesmelt het. Die onderneming maak sedert 2005 deel uit van die Sweedse New Wave Group AB.

Orrefors-glasfabriek

Orrefors, Sven Palmqvist "Fuga"
Orrefors, kristalglasskottel
Kosta Boda, Anna Ehrner, "Line"

Orrefors glasbruk is in die munisipaliteit Nybro in die historiese provinsie Småland geleë. Die glasfabriek is in 1898 gestig, maar het reeds sedert 1726 as ystersmeltery bestaan. Toe die verwerking van ystererts nie meer winsgewend was nie, het die onderneming oorgeskakel na die vervaardiging van glas vir geneeskundige en tegniese doeleindes asook glas vir huishoudelike gebruik. Vanaf 1914 is ook kristalglas vervaardig.

Danksy die kunstenaars Simon Gate (wat tussen 1916 en 1945 by Orrefors werksaam was) en Edward Hald (wat tussen 1917 en 1978 by die glasfabriek werksaam was) het Orrefors tydens die Eerste Wêreldoorlog tot 'n glasvervaardiger van wêreldfaam ontwikkel. Gate en Halde het innovatiewe tegnieke soos Graal (waarby 'n halfverwerkte glasvorm met verskillende verflae deur middel van 'n sandstraal of slypwerk met kunsvolle ornamente versier is) en Ariel. In 1954 het Sven Palmqvist (1906-1984) sy skottelreeks Ariel bekend gestel waarby glas vir die eerste keer gesentrifugeer is.

Kosta-glasfabriek

Kosta glasbruk is in die munisipaliteit Lessebo geleë. Die glasfabriek, wat in 1742 deur Anders Koskull en Georg Bogislaus Staël von Holstein gestig is, is die oudste van sy soort wat nog steeds bestaan. Die fabriek se naam is saamgestel uit die beginletters van die stigters se vanne. Aanvanklik het Kosta venster- en bottelglas vervaardig. Teen die einde van die 19de eeu het die fabriek met sy geslypte glas bekendheid verwerf. Beduidende glaskunstenaars was onder meer Edward Dahlskog (1894-1950) en Vicke Lindstrand (1904-1983).

Kosta het in 1990 met die Boda-glasfabriek saamgesmelt. Die Kosta glascenter en 'n fabriekswinkel is vandag toeriste-trekpleisters.

Boda-glasfabriek

Boda glasbruk is in 1864 in die munisipaliteit Emmaboda gestig. Aanvanklik het Boda eenvoudige glasprodukte vervaardig, maar later ook geslypte kristalglas aangebied. Die fabriek het in die 1960's bekendheid verwerf met werke van Erik Höglund en Signe Persson-Melin, later ook Ana Ehrner.

Åfors-glasfabriek

Die huidige Orrefors Kosta Boda AB sluit ook die klein glasfabriek Åfors glasbruk in wat in 1876 deur Carl-Albert Fagerlund in Åfors, 'n dorp in die munisipaliteit Emmaboda, gestig is. Hier is aanvanklik glas vir huishoudelike gebruik vervaardig. In die vroeë 1960's het die egpaar Bertil Vallien en Ulrica Hydman-Vallien begin om innovatiewe glaskunswerke te skep.

Verwysings

  • Hierdie artikel, of gedeeltes daarvan, is uit die volgende Wikipedia-artikel vertaal: Orrefors Kosta Boda

Eksterne skakels