Franz Liszt

Franz Liszt
Gebore	22 Oktober 1811
Sterf	31 Julie 1886 (op 74)

Franz Liszt (Hongaars: [ˈlist ˈfɛrɛnt͡s]; 22 Oktober 1811 – 31 Julie 1886) was 'n produktiewe 19de-eeuse Hongaarse komponis, virtuose pianis, dirigent, musiekonderwyser, verwerker, orrelis, filantroop, skrywer, nasionalis en 'n lid van die Fransiskaanse derde-orde.

Liszt het bekendheid verwerf in Europa gedurende die vroeë negentiende eeu vir sy ontsaglike virtuose vaardigheid as 'n pianis. Hy was 'n vriend, musikale promotor en weldoener vir baie komponiste van sy tyd, insluitend Frederic Chopin, Richard Wagner, Hector Berlioz, Robert Schumann, Camille Saint-Saëns, Edvard Grieg, Ole Bul, Joachim Raff, Michail Glinka, en Alexander Borodin.

As 'n komponis was Liszt een van die mees prominente verteenwoordigers van die Nuwe Duitse Skool (Neudeutsche Schule). Hy het 'n uitgebreide reeks van uiteenlopende werke nagelaat waarin hy sy toekomsgerigte tydgenote beïnvloed het en het veel verwag van die 20ste-eeuse idees en tendense. Sommige van sy mees noemenswaardige musikale bydraes was die uitvinding van die simfoniese gedig, die ontwikkeling van die konsep van tematiese transformasie as deel van sy eksperimente in musikale vorm, en die invoer van radikale afwykings in harmonie.

Sy uitvoeringstyl

Daar is min, indien enige, goeie bronne wat 'n indruk gee van hoe Liszt regtig geklink het in die 1820's. Carl Czerny beweer Liszt was 'n natuurlike pianis wat volgens gevoel gespeel het, en resensies van sy konserte loof die briljantheid, krag en presisie in sy spel. Ten minste een noem ook sy vermoë om absolute tempo te behou, wat kan wees weens sy pa se aandrang dat hy met 'n metronoom oefen. Sy repertoire in hierdie tyd bestaan hoofsaaklik uit stukke in die styl van die briljante Weense skool, soos concerto's deur Hummel en werke deur sy voormalige onderwyser, Czerny.

• 
  Franz Liszt hou 'n konsert vir Keiser Franz Joseph I
• 
  'n Vleuelklavier van Franz Liszt in sy woning.
• 
  Franz Liszt fantaseer voor sy klavier (1840), 'n skildery deur Josef Danhauser.

Sien ook

• Lys van komponiste

Eksterne skakels

• Wikimedia Commons het meer media in die kategorie Franz Liszt.