Universiteit van die Vrystaat: Verskil tussen weergawes
+ Commons & Koördinate |
k Kategorieë gealfabetiseer |
||
| Lyn 145: | Lyn 145: | ||
* [http://www.ufs.ac.za/ Universiteit van die Vrystaat se amptelike webtuiste] |
* [http://www.ufs.ac.za/ Universiteit van die Vrystaat se amptelike webtuiste] |
||
| ⚫ | |||
[[Kategorie:Geboue en strukture in Bloemfontein]] |
[[Kategorie:Geboue en strukture in Bloemfontein]] |
||
| ⚫ | |||
Wysiging soos op 12:20, 20 November 2017
| Universiteit van die Vrystaat | |
|---|---|
| Motto: | In Veritate Sapientiae Lux |
| Motto in Afrikaans: | In waarheid is die lig van wysheid |
| Gestig: | 1904 |
| Tipe: | Openbare universiteit |
| Rektor: | Jonathan Jansen |
| Studente: | 27 600 |
| Ligging: | Bloemfontein, Vrystaat, Suid-Afrika
29°06′16″S 26°10′31″O / 29.10444°S 26.17528°OKoördinate: 29°06′16″S 26°10′31″O / 29.10444°S 26.17528°O |
| Voormalige name: | Grey-universiteitskollege Universiteitskollege van die Oranje-Vrystaat Universiteit van die Oranje-Vrystaat |
| Bynaam: | Kovsies |
| Webtuiste: | http://www.ufs.ac.za/ |
Universiteit van die Vrystaat (UV) is 'n universiteit wat in Bloemfontein, die hoofstad van die Vrystaat, Suid-Afrika, geleë is. Studente verwys na hulself as "kovsies".
Die Universiteit se kampus word soms as 'n akademiese dorp beskryf, omrede alle lesingsale, laboratoria, kantore, koshuise, sport- en studentefasiliteite, en 'n opleidingshospitaal binne loopafstand in 'n veilige kampus geleë is. Die kampus is op sy beurt naby Bloemfontein se stadskern geleë.
Die universiteit is in 2010 deur Webometrics as die 9de beste universiteit in Suid-Afrika, en as die 2095ste beste ter wêreld aangewys.[1]
Geskiedenis
Die universiteit het oor die jare verskeie name gehad:
- 1904 Grey-kollege, aanvaar vir die eerste keer matrikulante vir 'n B.A.-kursus in 1904.
- 1906 Grey-universiteitskollege, in 1906 van die Grey-kollege afgeskei.
- 1940's Universiteitskollege van die Oranje-Vrystaat.
- 1950 Universiteit van die Oranje-Vrystaat.
- 2001 Universiteit van die Vrystaat.
Fakulteite
Die instansie bied studierigtings in die volgende akademiese afdelings aan:
- Ekonomiese en Bestuurswetenskappe
- Geesteswetenskappe
- Gesondheidswetenskappe
- Natuur- en Landbouwetenskappe
- Opvoedkunde
- Regsgeleerdheid
- Teologie
Omstredenheid
Die Reitz-vier
In 2007 het vier studente (RC Malherbe, Johnny Roberts, Schalk van der Merwe en Danie Grobler) swart werkers "verneder" deur hulle aan 'n ontgroeningseremonie by die Reitz-koshuis te laat deelneem. 'n Video is van die gebeure geskiet en is later oor die internet versprei. Die video het opslae in Suid-Afrika en internasionaal gemaak. Hulle is later op 'n klag van crimen injuria skuldig bevind en is elk 'n boete van R20 000 opgelê.[2]
Nadat appèl aangeteken is, is hulle vonnisse drasties verminder. Die regter het herken dat die landdros by die eerste vonnisoplegging wesentlike mistastings rakende die aard en die erns van die misdaad gemaak het.[3]
Verwydering van 'God' uit leuse
Die senaat en universiteitsraad het laat 2010/begin 2011 besluit om die universiteit se leuse In Deo Sapientiae Lux (In God is die lig van wysheid) na In Veritate Sapientiae Lux (In waarheid is die lig van wysheid) te verander. Die verwydering van die woord 'God' is sterk gekritiseer.[4]
Verbonde
As hoogleraar
- Dirk du Toit (1943–2009), politikus
As student
- Charles Robberts Swart (1894–1982), politikus
- Bram Fischer (1908–1975), advokaat en burgerregteaktivis
- Pieter Willem Botha (1916–2006), politikus
- Willem Ouweneel (1944), bioloog, filosoof en teoloog
- Antjie Krog (1952), digter en skrywer
- Pedro Crous (1963), mikoloog en fitopatoloog
- Hansie Cronjé (1969–2002), krieketspeler
Eredoktoraat
- Hendrik Pieter Nicolaas Muller (1859–1941), koopman, wêreldreisiger, etnograaf, publisis, diplomaat en filantroop
- Karel Schoeman (1939), skrywer
- Oprah Winfrey (1954), geselsprogram aanbiedster
Noemenswaardige alumni
Enkele van die noemenswaardige alumni wat die instansie opgelewer het:
- Leon Schuster, komediant, akteur en vervaardiger.
- Roelf Meyer, Suid-Afrikaanse politikus.
- Martinus de Beer, skrywer.
- Jaap Steyn, Afrikaanse skrywer.
- Pieter Willem Botha, 8ste President van Suid-Afrika.
- Deon Meyer, Afrikaanse skrywer.
Sportlui
Rugby
- De Wet Ras
- Gysie Pienaar
- Johan Wessels
- CJ van der Linde
- Juan Smith
- Heinrich Brüssow
- Meyer Bosman
- Theuns Stofberg
- Coenie Oosthuizen
- Andries Strauss
- Robert Ebersohn
- Sias Ebersohn
- Pieter van Zyl
- Ashley Johnson
Verwysings
- ↑ "Top Africa". Ranking Web of World Universities. Besoek op 26 Februarie 2010.
- ↑ R20 000 boete vir die Reitz-vier, Nuus24, besoek op 9 Januarie 2011.
- ↑ Reitz-4 se vonnisse drasties verminder, Nuus24, 24 Junie 2011.
- ↑ 'God' uit Kovsies se leuse gehaal, Nuus24, besoek op 9 Januarie 2011.
Eksterne skakels
Wikimedia Commons het meer media in die kategorie Universiteit van die Vrystaat.- Universiteit van die Vrystaat se amptelike webtuiste
