Sebra: Verskil tussen weergawes

in Wikipedia, die vrye ensiklopedie
Content deleted Content added
kNo edit summary
k →‎Eksterne skakels: Skakel Wikiwoordeboek using AWB
Lyn 46: Lyn 46:
== Eksterne skakels ==
== Eksterne skakels ==
{{CommonsKategorie|Zebras}}
{{CommonsKategorie|Zebras}}
{{Wikt|sebra}}
* [http://www.pbs.org/wnet/nature/horsetigers/index.html PBS Nature: Horse Tigers (Sebras)]
* [http://www.pbs.org/wnet/nature/horsetigers/index.html PBS Nature: Horse Tigers (Sebras)]
* [http://encarta.msn.com/encyclopedia_761575094_2/Zebra.html Encarta artikel in Engels: Zebra]
* [http://encarta.msn.com/encyclopedia_761575094_2/Zebra.html Encarta artikel in Engels: Zebra]

Wysiging soos op 16:40, 17 Desember 2017

Sebra
Wetenskaplike klassifikasie
Koninkryk:
Filum:
Klas:
Orde:
Familie:
Genus:
Subgenus:
Hippotigris en
Dolichohippus
Spesies

Equus zebra
Equus quagga
Equus grevyi

Die sebra, in die volksmond ook kwagga genoem, is 'n soogdier van die familie perdagtiges wat aangetref word in Sentraal- en Suider-Afrika. Hulle het swart en wit strepe wat vertikaal loop oor die liggaam van die dier, en 'n wit pens. Elke sebra se strepe is uniek. Meeste dierkundiges het voorheen gereken dat die strepe vir kamoeflering is, en ander weer dat die strepe 'n rol speel in sosiale interaksie (omdat klein variasies die diere in staat stel om mekaar uit te ken). 'n Meer hedendaagse teorie, wat ondersteun word deur eksperimente, stel voor dat die strepe 'n effektiewe metode is om die visuele stelsel van die tsetsevlieg te verwar.[1]

'n Sebra kan 'n topspoed van 55 km per uur behaal, stadiger as 'n perd. Hulle het egter groter uithouvermoë. 'n Sebra kan in een dag 40 km ver loop, net om weer in die aand na die trop terug te keer.

Spesies

Sebras in Botswana.
Sebras in Zambië.

Daar is drie spesies en verskeie subspesies. Sebrabevolkings in verskillende dele verskil baie, en die wetenskaplike klassifikasie van verskeie spesies is onduidelik.

Die mees algemene spesie is Equus quagga (voorheen Equus burchelli), die bontsebra (En: Plains Zebra). Hierdie spesie het vyf subspesies in suider- en oos-Afrika. Die mees bekende subspesie is die kwagga, Equus quagga quagga, wat reeds uitgesterf het.

Die bergsebra (Equus zebra) van suid-wes Afrika het 'n slanker pels met 'n wit maag en nouer strepe as die bontsebra. Dit het twee subspesies wat bedreig word.

Grevy se Sebra (Equus grevyi) is die grootste tipe sebra, met regop maanhare, en 'n lang, nou kop wat dit na 'n esel laat lyk. Hierdie sebras kom voor in die semi-bar grasvelde van Ethiopië, Somalië en noordelike Kenia. Grevy se Sebra word ook bedreig.

Kruisteling

'n Mak sebra wat gery word vroeg in die 1900's in Oos-Afrika.

Sebras word soms gekruisteël met ander lede van die perdfamilie. 'n Perd wat kruisgeteël is met 'n sebra word in Engels 'n zorse genoem, en 'n donkie-sebra kruisteling 'n zedonk.

Sien ook

Verwysings

Eksterne skakels