Olimpiese Somerspele 1936

Spele van die XIe Olimpiade

Olimpiesespele van 1936 Gehou in Berlyn, Duitsland Deelnemende lande 49 Deelnemende atlete 3 963 (3 632 mans, 331 vroue) Items 129 in 19 sporte Openingseremonie 1 Augustus 1936 Sluitingseremonie 16 Augustus 1936 Amptelik geopen deur Kanselier Adolf Hitler Atlete-eed Rudolph Ismayr (gewigoptel) Beampte-eed – (sedert 1972) Olimpiese vlam Fritz Schilgen (atletiek) Vorige Spele 1932: Los Angeles (VSA) Volgende Spele 1940: Helsinki (Finland)

Die Olimpiese Somerspele 1936 (Duits: Olympische Sommerspiele 1936), amptelik bekend as die Spele van die XIde Olimpiade, is tussen 1 en 16 Augustus 1936 in Berlyn, Duitsland, aangebied. In 1931 is Berlyn deur die Internasionale Olimpiese Komitee (IOK) bo Barcelona as gasheer vir die Spele verkies. Berlyn het 43 teenoor Barcelona se 16 stemme gekry. In 1936 het die destydse Nazi-Duitsland ook die Olimpiese Winterspele aangebied, in Garmisch-Partenkirchen in die Alpe. Dit was die laaste Olimpiese Somerspele voor die uitbreek van die Tweede Wêreldoorlog drie jaar later, wat met die Duitse Inval van Pole begin het.

Die Olimpiese Stadion in Berlin, 1936.

Lêer:Jesse Owens2.jpg

Jesse Owens hardloop die 200 meter.

Toe Adolf Hitler in Januarie 1933 aan bewind kom as kanselier, klink daar stemme op om die Spele na 'n ander land te skuif. In die Verenigde State was daar selfs 'n veldtog om die Spele te boikot. Avery Brundage, die voorsitter van die Amerikaanse Olimpiese Komitee, spreek hom teen 'n verskuiwing van die Spele uit, en hy kry ook steun van De Coubertin.

Hoewel die Spele dus aan Berlyn toegeken is voordat die Nazi's in Duitsland aan bewind gekom het, sien die owerheid die Spele as 'n geleentheid om sy fascistiese ideologie uit te dra. Leni Riefenstahl word aangestel om 'n film oor die Spele te maak. Die film Olympia kan as propaganda bestempel word, maar gebruik 'n getal ongewone tegnieke wat destyds nog nie in sportfilms aangewend is nie.

Om soveel moontlik oorwinnings te verseker, stel die Duitse owerheid anaboliese steroïde en testosteroon aan hulle atlete beskikbaar. Duitsland oorheers die Spele en het heelwat meer medaljes as enige ander land ingepalm. In 'n weerlegging van die rassistiese Nazi-filosofie, behaal die swart Amerikaner, Jesse Owens, egter vier goue medaljes. Owens was gewild onder die toeskouers en Duitse publiek, en is meer entoesiasties as in sy tuisland ontvang. Hitler besluit egter om geen medaljes persoonlik toe te ken nie, moontlik omdat die swart Amerikaner, Cornelius Johnson, op die eerste dag van die Spele 'n goue medalje verower het.

Die superioriteit van die Reich kom ook tot uiting in die oorweldigende infrastruktuur wat vir die Spele opgerig is: 'n splinternuwe stadion is gebou ten weste van die Charlottenburg-kasteel met sitplek vir honderd-duisend toeskouers. Langsaan is die swembad met sitplek vir twintigduisend toeskouers opgerig.

Hitler pas die Olimpiese handves tot die letter toe, en beloof om nie 'n enkele toespraak tydens die Spele te hou nie. Verder pas hy ook geen rassediskriminasie tydens die Spele toe nie. Getuie hiervan was die opname van die Joodse skermster Helena Mayer. Maar buite die stadion draai die Duitse propagandamasjien vol spoed voort: die swastika was oral teenwoordig en daar het meer Nazi- as Olimpiese vlae gewapper.

Sporte

19 Olimpiese sporte is tydens die Spele beoefen.

• Atletiek (29)
• Basketbal (1)
• Boks (8)
• Fietsry
  • Baan (4)
  • Pad (2)
• Gewigoptel (5)
• Gimnastiek (9)
• Handbal (1)
• Hokkie (1)
• Kanovaart (9)
• Moderne vyfkamp (1)
• Polo (1)
• Roei (7)
• Ruitersport
  • Dressuur (2)
  • Driefasekompetisie (2)
  • Spring (2)
• Seil (4)
• Skermsport (7)
• Skyfskiet (3)
• Sokker (1)
• Stoei
  • Grieks-Romeins (7)
  • Vrystyl (7)
• Watersport
  • Sierduik (4)
  • Swem (11)
  • Waterpolo (1)

Deelnemende nasies

Kaart van deelnemende nasies in 1936:

   Neem vir die eerste keer deel

   Het reeds vantevore deelgeneem

Hier volg 'n alfabetiese lys van al die Nasionale Olimpiese Komitees wat deelgeneem het. Waar beskikbaar word die getal atlete per land in hakies aangedui:

•  Afghanistan (14)
•  Argentinië (51)
•  Australië (32)
•  België (120)
•  Bermuda (5)
•  Bolivië (1)
•  Brasilië (73)
•  Brits-Indië (27)
•  Bulgarye (24)
•  Chili (40)
•  Colombia (5)
•  Costa Rica (1)
•  Denemarke (116)
•  Duitsland (348)
•  Egipte (54)
•  Estland (33)
•  Filippyne (28)
•  Finland (107)
•  Frankryk (201)
•  Griekeland (40)
•  Hongarye (209)
•  Italië (182)
•  Japan (153)
•  Joego-Slawië (90)
•  Kanada (96)
•  Letland (24)
•  Liechtenstein (6)
•  Luxemburg (44)
•  Malta (11)
•  Meksiko (34)
•  Monaco (6)
•  Nederland (128)
•  Nieu-Seeland (7)
•  Noorweë (72)
•  Oostenryk (176)
•  Peru (40)
•  Pole (112)
•  Portugal (19)
•  Roemenië (53)
•  Republiek van China (54)
•  Suid-Afrika (25)
•  Swede (150)
•  Switserland (174)
•  Tsjeggo-Slowakye (162)
•  Turkye (48)
•  Uruguay (37)
•  Verenigde Koninkryk (207)
•  Verenigde State (310)
•  Ysland (12)

Suid-Afrikaanse deelname

Charles Catterall wen die silwer medalje in boks in die veergewig afdeling.

Getal medaljes

Die Olimpiese Stadion in Berlyn tydens die Olimpiese Somerspele 1936

Henri de Baillet-Latour (IOK-president), Adolf Hitler en Theodor Lewald (President van die reëlingskomitee) tydens die openingseremonie

Hier is die top tien lande wat medaljes by die Spele verower het:

Plek	Land	Deelnemers	Goud	Silwer	Brons	Totaal
1	Duitsland (GER)	348	33	26	30	89
2	Verenigde State (USA)	310	24	20	12	56
3	Hongarye (HUN)	209	10	1	5	16
4	Italië (ITA)	182	8	9	5	22
5	Finland (FIN)	107	7	6	6	19
	Frankryk (FRA)	201	7	6	6	19
7	Swede (SWE)	150	6	5	9	20
8	Japan (JPN)	153	6	4	8	18
9	Nederland (NED)	128	6	4	7	17
10	Verenigde Koninkryk (GBR)	207	4	7	3	14
25	Suid-Afrika (RSA)	25	0	1	0	1

Sien ook

• Olimpiese Somerspele 1916 in Berlyn beplan, maar weens die Eerste Wêreldoorlog gestaak
• Olimpiese Winterspele 1936 in Garmisch-Partenkirchen
• Olimpiese Somerspele 1972 in München

Verdere leesstof

• (en) David Wallechinsky (2004). The Complete Book of the Summer Olympics, Athens 2004 Edition. SportClassic Books. ISBN 978-1-894963-32-9.
• (en) Arnd Krüger (2005). The Nazi Olympics of 1936. ISBN 0-7623-1181-9. {{cite book}}: |work= ignored (hulp); Onbekende parameter |editors= geïgnoreer (hulp); Onbekende parameter |paages= geïgnoreer (hulp)
• (en) Arnd Krüger & William Murray (2003). The Nazi Olympics. Sport, Politics and Appeasement in the 1930s. Champaign, IL: Univ. of Illinois Press. ISBN 0-252-02815-5.
• (de) Volker Kluge (1997). Olympische Sommerspiele. Die Chronik Teil 1. Athen 1896 – Berlin 1936. Berlin: Sportverlag. ISBN 3-328-00715-6.
• (de) Friedrich Bohlen (1979). Die XI. Olympischen Spiele Berlin 1936. Köln: Pahl-Rugenstein. ISBN 3-7609-5016-7.

Eksterne skakels

• (en) Berlin 1936 Olympic.org. Internasionale Olimpiese Komitee.
• (en) Resultate en medaljewenners Olympic.org. Internasionale Olimpiese Komitee.

	Olimpiese Spele
Olimpiese Somerspele: 1896  • 1900  • 1904  • 1906*  • 1908  • 1912  • 1916  • 1920  • 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1996  • 2000  • 2004  • 2008  • 2012  • 2016  • 2020  • 2024  • 2028  • 2032 Olimpiese Winterspele: 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1994  • 1998  • 2002  • 2006  • 2010  • 2014  • 2018  • 2022  • 2026  • 2030 Internasionale Olimpiese Komitee – Nasionale Olimpiese Komitee (*) Die spele van 1906 is deur die IOK georganiseer, maar word nie amptelik deur die IOK erken nie.