NG gemeente Roodepoort: Verskil tussen weergawes

in Wikipedia, die vrye ensiklopedie
Content deleted Content added
Morne (besprekings | bydraes)
No edit summary
Morne (besprekings | bydraes)
No edit summary
Lyn 7: Lyn 7:
[[Beeld:Ds JP Theron en gesin.jpg|duimnael|regs|250px|Ds. J.P. Theron en gesin. Hulle het die pastorie bewoon van 1951 tot 1953.]]
[[Beeld:Ds JP Theron en gesin.jpg|duimnael|regs|250px|Ds. J.P. Theron en gesin. Hulle het die pastorie bewoon van 1951 tot 1953.]]
[[Beeld:Gedenkboek NG gemeente Roodepoort.jpg|duimnael|regs|220px|In 1955 het die gemeente 'n gedenkboek uitgebring ter viering van sy 50-jarige bestaan.]]
[[Beeld:Gedenkboek NG gemeente Roodepoort.jpg|duimnael|regs|220px|In 1955 het die gemeente 'n gedenkboek uitgebring ter viering van sy 50-jarige bestaan.]]
[[Lêer:Hoeksteen van ou NG kerk Roodepoort, Rudi van Wyk, Januarie 2018.jpg|duimnael|regs|270px|die ou kerk se hoeksteen, ingemessel in die nuwe.]]


Die '''NG gemeente Roodepoort''' is 'n gemeente van die [[Nederduitse Gereformeerde Kerk]] in die Sinode van Wes-Transvaal.
Die '''NG gemeente Roodepoort''' is 'n gemeente van die [[Nederduitse Gereformeerde Kerk]] in die Sinode van Wes-Transvaal.

Wysiging soos op 08:48, 19 Januarie 2018

Die huidige kerkgebou.
Ds. P.J. Ebersöhn was leraar van Roodepoort van 1920 tot 1925. Dié gesinsfoto is tydens sy bediening hier geneem.
Ds. C.A. van der Merwe, van 1905 tot 1909 die gemeente se eerste leraar.
Die kerkgebou nadat die toring in 1955 aangebou is.
Ds. T.D. Potgieter, leraar van 1926 tot 1931.
Ds. Marthinus Cornelis Hattingh, medeleraar van 1946 tot 1949.
Ds. J.P. Theron en gesin. Hulle het die pastorie bewoon van 1951 tot 1953.
In 1955 het die gemeente 'n gedenkboek uitgebring ter viering van sy 50-jarige bestaan.
die ou kerk se hoeksteen, ingemessel in die nuwe.

Die NG gemeente Roodepoort is 'n gemeente van die Nederduitse Gereformeerde Kerk in die Sinode van Wes-Transvaal.

Die kerkgebou is geleë op die hoek van Rubidgelaand en Orangeweg, Roodepoort-Wes. In 2013 was die gemeente vakant. Daar was in daardie jaar 48 doop- en 280 belydende lidmate.

Geskiedenis

Die gemeente is op 17 Mei 1905 van Krugersdorp afgestig. Ds. Gustav Radloff (leraar van Krugersdorp) was die eerste konsulent. Ds. C.A. van der Merwe was in die tyd hulpprediker van genoemde gemeente en is op 26 Junie 1905 na die afgestigte gemeente beroep. Op 2 September van dieselfde jaar is hy bevestig en dien tot 1909. 'n Kerkmeester is aangestel, maar wat sy pligte sou wees, word nie vermeld nie.

Eers is 'n pastorie vir die bedrag van £843 gebou, en om die geld te vind moes die kerkraad sy bankrekening met £600 oortrek. Die salaris van die predikant is vasgestel teen £300 per jaar. Aan hom is 'n bedrag van £2.10.0 vir reparasie aan sy rywiel en £1.10.0 per maand vir "paarden voer" toegeken. Die bestaande skoolgeboutjie wat as vergaderplek moes dien is vergroot met 76 sitplekke vir die bedrag van £76.10.0.

Ná ds. Van der Merwe volg: di. J.F. Naudé, P.J. Ebersohn, T.D. Potgieter (1926–'31), in wie se tyd die kerkgebou ingewy is in 1927, Ph. Pistorius (1932–36), J.C.G. Kotzé (1936–'37), D.J.J. de Vos (1937–'40), J.F. de Vos, hulpleraar (1937–'40) — sierlike saal as eeufeesmonument opgerig, 1938, C.B. Brink (1941–'45), R.J.N. van Tonder, medeleraar (1945–'48), M.C. Hattingh (1946–'49), H.W. Ziervogel (1949) en Joz. P. Theron (1951).

Gedurende 1946 is Luipaardsvlei afgestig, en Ontdekkers in 1947. Gedurende 1949 is Roodepoort deur 'n geweldige orkaan getref. Ontsettende materiële skade is aangerig en talle van ons gemeentelede was dakloos. Op wonderbaarlike wyse was daar onder ons gemeente geen lewensverlies nie. Ook die materiële skade is spoedig herstel met behulp van gulle ondersteuning wat in die vorm van geldelike bydraes uit alle oorde ingestroom het.

In 1951 was die ledetal van die gemeente ongeveer 1 750. In 1952 berig Ons gemeentelike feesalbum: "As onthou word dat die gemeente in 1905 met 400 lidmate gestig is en dat die ledetal saam met dié van die dogtergemeentes vandag ongeveer 3 200 tel, dan kan die indruk gevorm word van die geweldige uitbreiding wat ons Kerk in hierdie omgewing in die afgelope halfeeu belewe het."

Kerkbou

Die vorige kerkgebou is op 5 Februarie 1927 ingewy nadat die boukommissie al in 1911 aangestel is, maar weens die gemeente se geldelike probleme het die saak baie stadig gevorder en moes die pogings kort-kort tydelik onderbreek word. Die gebou was reeds in 1938 te klein vir die groeiende gemeente, maar die middele was nie daar om te vergroot nie. Dis in die laat sewentigerjare gesloop omdat die stadsraad van Roodepoort die pad wou verbreed. Die gebou is ontwerp deur Gerard Moerdyk[1] en lyk baie na byvoorbeeld die kerkgebou van die gemeente Turffontein, wat afgebrand het.[2]

Enkele leraars

  • Carel Aron van der Merwe, 1905–1909
  • Jozua Francois Naudé, 1911–1919
  • Petrus Johannes Ebersöhn, 1920–1925
  • Theodorus Daniel Potgieter, 1926–1931
  • Philippus Villiers Pistorius, 1932–1936
  • Jozua Petrus Theron, Februarie 1951 – Oktober 1953 (waarna eerste leraar van Roodepoort-Noord)
  • Johannes Gerhardus Odendaal, 1960–1964
  • Hendrik Jacobus Brandt, 1962–1964
  • Albert Myburgh Burger, 1966–1971

Bronne

  • Small, Mario (samesteller). 2013. Jaarboek van die NG Kerke. Wellington: Tydskriftemaatskappy van die NG Kerk NPC – 'n divisie van Bybel-Media.

Verwysings

  1. (en) Besonderhede op die webtuiste Artefacts.co.za. URL besoek op 21 September 2015.
  2. (af) Brandstigting dalk rede vir kerkbrand Beeld berig oor brand.

Sien ook

Eksterne skakel