John Deere (persoon): Verskil tussen weergawes

in Wikipedia, die vrye ensiklopedie
Blaai deur geskiedenis
← Ouer wysigingNuwer wysiging →
Content deleted Content added
VisueelWikiteks
k Geboorte- en sterftejaarkategorieë bygevoeg
k wikidata interwiki
Lyn 57: Lyn 57:
[[Kategorie:Amerikaanse uitvinders]]
[[Kategorie:Amerikaanse uitvinders]]



[[fi:John Deere]]
[[Kategorie:Geboortes in 1804]]
[[Kategorie:Geboortes in 1804]]
[[Kategorie:Sterftes in 1886]]
[[Kategorie:Sterftes in 1886]]

Wysiging soos op 14:16, 26 Februarie 2018

John Deere
Gebore7 Februarie 1804
Rutland, Vermont
Sterf17 Mei 1886 (op 82)
Moline, Illinois
NasionaliteitAmerikaans
BeroepUitvinder
Bekend virDeere & Company, staalploeg
KindersFrancis Albert (1828-1848), Jeanette (1830-1916), Ellen Sarah (1832-1897), Frances Alma (1834-1851), Charles (1836-1907), Emma Charlotte (1840-1911), Hiram Alvin (1842-1844), Alice Marie (1844-1900), Mary Frances (1851-1851) [1]

John Deere (*7 Februarie 1804, Rutland, Vermont - †17 Mei 1886, Moline, Illinois) was ’n Amerikaanse grofsmid en uitvinder. Hy het Deere & Company begin, 'n groot maatskappy wat plaasimplemente vervaardig.

Vroeë lewe

Deere is in Rutland, Vermont gebore. Na ’n karige skoolopleiding het hy in 1821 as vakleerling gekwalifiseer onder Kaptein Benjamin Lawrence, ’n welvarende grofsmid van Middlebury waarna hy in 1825 self tot die handel toegetree het.[2][3]

Hy het in 1827 getrou en het nege kinders gehad.[4][5]

Staalploeg

’n Monument in Middlebury, Vermont wat die winkle aandui waar John Deere geleer het om ’n grofsmid te word.

Deere het hom in Grand Detour, Illinois gevestig. Aangesien daar geen ander grofsmede in die omgewing was nie het hy gesukkel om werk te kry. Deere het in sy vader se winkel in Rutland gewerk en naalde gepoleer en skerp gemaak deur dit deur sand te trek. Hierdie polering het gehelp dat die naalde deur sagte leer kan stik.[6] Deere het gevind dat die gietysterploeë nie goed gewerk het in die growwe prêriegrond van Illinois nie. Hy het teruggedink aan die naalde wat hy gepoleer het en tot die gevolgtrekking gekom dat ’n ploeg wat gemaak is van goedgepoleerde staal en ’n korrek gevormde gietvorm (die selfreinigende staalploeg) beter sou vaar in die grond op die prêrie, veral in die klewerige klei.[7]

Daar is verskeie weergawes van die inspirasie vir Deere se bekende staalploeg. In ’n ander weergawe het Deere gedink aan hoe gepoleerde staal hooivurktande deur hooi en grond beweeg en gedink dat dieselfde effek op ’n ploeg verkry kon word.[4]

In 1837 het Deere die eerste kommersieel suksesvolle gietstaalploeg ontwikkel en vervaardig. Die ploeg met ’n smeeysterraam het ’n gepoleerde staal skaar gehad. Dit het die ploeg ideaal gemaak vir die harde grond van die Amerikaanse Middeweste en het beter gewerk as ander ploeë.[4] Vroeg in 1838 het Deere sy eerste staalploeg voltooi en dit aan ’n plaaslike boer, Lewis Crandall verkoop en die nuus van die sukses van Deere se ploeg het vinnig versprei. Gevolglik het twee bure bestellings by Deere geplaas. Teen 1841 het Deere tussen 75 en 100 ploeë per jaar gemaak.[4]

In 1843 het Deere met Leonard Andrus in vennootskap gegaan om meer ploeë te vervaardig om aan die vraag te kan voldoen. Die vennootskap het egter nie lank gehou nie omdat Deere aan klante buite Grand Detour wou verkoop terwyl Andrus die bou van ’n treinspoor deur Grand Detour teengestaan het en omdat Deere nie vertroue in Andrus se rekenkundevermoë gehad het nie.[8] In 1848 het Deere die vennootskap met Andrus ontbind en na Moline, Illinois verhuis omdat die stad ’n vervoersentrum op die Mississippirivier was.[9] Teen 1855 het Deere se fabriek meer as 10,000 sulke ploeë verkoop. Dit het bekend geword as die “Ploeg wat die vlaktes gebreek het” en is also herdenk in ’n geskiedkundige plekmerker in Vermont.[10]

Deere het daarop aangedring om toerusting van hoë kwaliteit te maak. Hy het eenmaal gesê: “Ek sal nooit my naam op ’n produk sit as dit nie die beste daarin het, wat ook in my is nie.”[11] Soos wat sake meer vlot begin verloop het na die ekonomiese krisis van 1857, het Deere die dag-tot-dag bestuur aan sy seun Charles Deere oorgelaat.[12] In 1868 het Deere sy besigheid geïnkorporeer as Deere & Company.[12]

Latere lewe

Die John Deere-huis in Grand Detour, Illinois, gebou in 1836

Later in sy lewe het Deere sy aandag aan burgerlike en politieke sake gewy. Hy het gedien as die president van die Nasionale Bank van Moline, hy was ’n direkteur van die Moline Vrye Openbare Biblioteek en ook ’n trustee van die First Congregational Church.[3][13] Weens borspyne en maagkoors het Deere nie vir ’n tweede termyn gestaan nie.[3][14] Hy is in sy huis (bekend as die John Deere-huis of Red Cliff) oorlede.[15]

Verwysings

  1. ↑ (en) http://www.deere.com/en_US/compinfo/history/index.html
  2. ↑ (en) "Die vroue in John Deere se lewe: Sarah Yates Deere 1780-1826," Deere & Company, amptelike webblad. URL besoek op 22 Mei 2007.
  3. ↑ 3,0 3,1 3,2 (en) "John Deere: ’n Biografie," Deere & Company, amptelike webblad. URL besoek op 22 Mei 2007.
  4. ↑ 4,0 4,1 4,2 4,3 (en) Leffingwell, Randy. John Deere, (Google Books), MotorBooks/MBI Publishing Company, 2004, p. 8, (ISBN 0760318611) Verwysingfout: Invalid <ref> tag; name "leffingwell" defined multiple times with different content
  5. ↑ (en) http://www.deere.com/en_US/compinfo/student/DemariusDeerebio3.html
  6. ↑ (en) "170 Jaar van John Deere," The Toy Tractor Times, Januarie 2007. URL besoek op 22 Mei 2007.
  7. ↑ (en) Attoun, Marti. "American Innovator, Agricultural Icon," AmericanProfile.com, 17 April 2005. URL besoek op 22 Mei 2007.
  8. ↑ Neil Dahlstrom en Jeremy Dahlstrom, Die John Deere Storie: ’n Biografie van die ploegmakers John & Charles Deere. Northern Illinois University Press, 2005, pg. 18
  9. ↑ (en) Robert N. Pripps (1995). John Deere Fotografiese Geskiedenis. Voyageur Press. p. 18.
  10. ↑ (en) Hans Halberstadt (2003). Die Amerikaanse Gesinsplaas. MBI Publishing Company. p. 18.
  11. ↑ (en) Magee, David. Die John Deere-manier: Verrigting wat duur (Google Books), John Wiley and Sons, 2005, p. 36, (ISBN 0471734292), URL besoek op 21 Oktober 2008.
  12. ↑ 12,0 12,1 (en) Haycraft, William R. Geel Staal: Die Storie van die Grondskuiftoerustingindustrie, (Google Books), University of Illinois Press, 2002, p. 86, (ISBN 0252071042), URL besoek op 21 Oktober 2008.
  13. ↑ (en) "John Deere: Stigter en President 1837-1886," Deere & Company, amptelike webblad. URL besoek op 22 Mei 2007.
  14. ↑ (en) Dahlstrom, Neil en Dahlstrom, Jeremy.Die John Deere Storie: ’n Biografie van die ploegmakers John & Charles Deere. Northern Illinois University Press, 2005, pgs. 101-104
  15. ↑ (en) "John Deere Mansion Moline Il," John Deere Mansion, amptelike webblad.
Ontsluit van "https://af.wikipedia.org/w/index.php?title=John_Deere_(persoon)&oldid=1651410"