Lucas Johannes Meyer

Lêer:Lucas Meyer.jpg

generaal Lucas Meyer tydens die Tweede Vryheidsoorlog

Lucas Johannes Meyer (19 November 1846, Sandrivier – 1902) was 'n Boere Generaal en die President van die kortstondige Nieuwe Republiek en was verantwoordelik vir die stigting van die hoofstad daarvan Vryheid.

Nadat die Nieuwe Republiek opgeneem is in die Zuid-Afrikaansche Republiek is Meyer verkies tot lid van die Volksraad van die Zuid-Afrikaansche Republiek. Hy was oënskynlik simpatiek teenoor die saak van die uitlanders en het soms met Kruger se beleide gebots. Hy het egter wel die wapen opgeneem toe die Tweede Vryheidsoorlog uitbreek en die Boere magte aangevoer wat Dundee in die Slag van Talana aangeval het. By die Slag van Modder Spruit het hy as gevolg van swak gesondheid ineengestort. Nadat hy in Pretoria hesrstel het het hy na Natal teruggekeer en Boere magte op die Tugela aangevoer. 'n Gebrek aan verstroue deur sy manskappe lei egter daartoe dat hy van sy bevel onthef word en terggeroep word na Pretoria. Hy het in die ZAR regering onder Schalk Burger, die waarnemende President, gedien toe dit na Tautesberg in noordoos Transvaal geskuif is in Desember 1901. Hy het ook die kongres tussen die ZAR en die Oranje-Vrystaat bygewoon wat gehou is ter voorbereiding van vredesamesprekinge in April 1902. Hy het die Vrede van Vereniging mede onderteken in sy rol as lid van die Uitvoerende Raad van die ZAR.

Hy is in Augustus 1902 oorlede en is in Vryheid begrawe.