Mahikeng

Mahikeng voorheen Mafikeng
Dorp
Obelisk, wat aan die Britse soldate herinner, wat tydens die beleg van Mafeking in die stad gesneuwel het
Mahikeng  Mahikeng se ligging in Noordwes
Koördinate: 25°51′S 25°38′O
Land	Suid-Afrika
Provinsie	Noordwes
Distrik	Ngaka Modiri Molema
Munisipaliteit	Mahikeng
Stigting	1852
Regering
• Uitvoerende burgemeester	Lenah Nontsama Miga
Oppervlak
• Totaal	24,57 km2 (9,49 vk. myl)
Hoogte	1 500 m (4 900 ft)
Bevolking  (2011)
• Totaal	15 117
• Digtheid	615/km2 (1 590/vk. myl)
Rasverdeling (2011)
• Wit mense	9.9%
• Indiërs/Asiërs	7.3%
• Bruin mense	7.5%
• Swart mense	74.5%
• Ander	0.8%
Taal (2011)
• Tswana	53.3%
• Engels	18.6%
• Afrikaans	14.1%
• Sotho	3.0%
• Ander	11.1%
Poskode (strate)	2745
Poskode (posbusse)	2745
Webwerf	http://www.mahikeng.gov.za/

Mahikeng (voorheen Mafeking, later Mafikeng) is die hoofstad van Noordwesprovinsie, Suid-Afrika, met omtrent 49 300 inwoners in 2001. Mahikeng vorm 'n eenheid met Mmabatho, wat voorheen die hoofstad van Bophuthatswana was.

Geskiedenis

Boere tydens die Beleg van Mafeking, 1899.

Die oorspronklike dorp Mafeking het in 1881 ontstaan toe die Boere 'n 140 plase gekry het van twee Barolong-opperhoofde vir dienste verskaf as huursoldate in 'n meningsverskil. Die nedersetters het besluit om die republiek Goosen te stig met Rooigrond as hoofkwartier, sowat 15 km vanaf Mahikeng. Die republiek is egter by Brittanje ingelyf gedurende 1885 deur 'n Britse ekspedisiemag onder leiding van sir Charles Warren. Hy het toe 'n dorp uitgelê waar Mahikeng vandag is. Die naam is Tswana en beteken plek van die klip. Die spoorlyn vanaf Kaapstad het Mahikeng in 1894 bereik en dié vanaf Johannesburg in 1912.

Drie gebeurtenisse van die verlede

Die dorp word vir drie redes onthou:

• Die Jameson-inval het hier begin
• Die Beleg van Mafeking tydens die Tweede Vryheidsoorlog
• Die Boy Scout-beweging is hier begin deur kol. Baden-Powell.

Bophuthatswana

In 1980 is die dorp ingelyf by die onafhanklike staat Bophuthatswana en Mmabatho is langs die dorp aangelê. In April 1994 het Bophuthatswana sy onafhanklikheid prysgegee en is weer by Suid-Afrika ingelyf.

Sien ook

• Gereformeerde kerk Mafikeng
• Lys van dorpe in Suid-Afrika

Bronne

• Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.

Eksterne skakels

• Wikimedia Commons het meer media in die kategorie Mahikeng.