Britse Vloot

Britse Vloot
Gestig	Vroeë 16de eeu
Land	Verenigde Koninkryk
Tipe	Vloot
Vaandel
Hoofkwartier	Ministerie van Verdediging se Hoofgebou, Whitehall
Aantal lede	90 skepe 33 landingstuie 149 vliegtuie
Kommandostruktuur	Vlootdiens, HM gewapende magte
Mars	Heart of Oak
Kleur	Rooi en wit
Veldslae	Amerikaanse Rewolusionêre Oorlog Anglo-Amerikaanse Oorlog van 1812 Eerste Opiumoorlog Tweede Opiumoorlog Eerste Wêreldoorlog Tweede Wêreldoorlog Korea-oorlog Viëtnamoorlog Golfoorlog Irakse Oorlog

Die Britse Koninklike Vloot (Engels: Royal Navy, afgekort RN) is die militêre vloot van die Verenigde Koninkryk. Dit is die oudste deel van die Britse krygsmagte, en word daarom ook die "Senior Diens" genoem. Vanaf die 18de eeu tot die Tweede Wêreldoorlog was dit die grootste en sterkste vloot ter wêreld. Die Britse Vloot het 'n belangrike rol gespeel om Brittanje tot die supermoondheid van daardie tyd te verhef.

Al die skepe van die Britse Vloot word "Haar Majesteit se Skip" (afgekort met HMS) genoem omdat die grondwet bepaal dat die koningin die skepe besit en bevel oor hulle uitvoer. In tye van 'n manlike monarg word "Haar" met "Sy" (in Engels "His") vervang. Die Engelse afkorting bly egter dieselfde.

Die Britse Vloot is een van die grootste vlote in die wêreld gemeet aan die bruto tonnemaat (massa en grootte van al hul skepe). Die Britse Vloot en die Britse Vloot se hulpdienste het ongeveer 98 skepe, insluitend vliegdekskepe, duikbote, mynveërs en patrollie-vaartuie.

Sien ook

• HMS Ark Royal (5 weergawes)
• HMS Illustrious
• HMS Invincible (7 weergawes)
• HMS Royal Oak

Eksterne skakels

• Wikimedia Commons het meer media in die kategorie Britse Vloot.
• royal-navy.org