Mikroskoop

'n Ou ligmikroskoop

'n Elektronmikroskoop

Die Mikroskoop is 'n instrument met vergrotingslense wat kleiner voorwerpe sodanig vergroot dat dié wat nie met die oog gesien kan word nie, mikroskopies besigting kan word. Daar is verskeie tipe mikroskope:

• Ligmikroskoop
• Oordragelektronmikroskoop
• Skandeerelektronmikroskoop

Wie die mikroskoop uigevind het, en wanneer die uitvinding plaasgevind het, is ongelukkig onbekend. Dit is wel bekend dat dit die werk van 'n Nederlander was. Miskien was dit Zacharias Janszoon of sy seun Hans, twee brilmakers in die Nederlandse stad Middelburg. Of dalk was dit Hans Lippershey, 'n ander beroemde Nederlandse lens- en brilmaker.

Nog bespiegelinge is dat dit moontlik dieselfde persooon was wat ook die eerste teleskoop gebou het. Of dat die uitvinding van die teleskoop tot die uitvinding van die mikroskoop gelei het.

Die berigte oor die eerste teleskope en mikroskope is ongelukkig so onvolledig dat die waare verhaal oor die ontstaan van die twee instrumente onbekend is. Al sekerheid is dat albei in Nederland ontstaan het, waarskynlik tussen 1590 en 1610.

Sien ook

• Elektronmikroskopie
• Galileo Galilei
• Robert Hooke
• Antonie van Leeuwenhoek

Bronnellys

• Dokter in die huis, Dr Jan van Elfen, 1993 ISBN 0 624 03234 5
• KENNIS,  vol 6, 1980, bl. 1104–1105, ISBN 0 7981 0828 2

Eksterne skakels

• Wikimedia Commons het meer media in die kategorie Mikroskoop.
• Wikiwoordeboek het 'n inskrywing vir mikroskoop.