Pedro II van Brasilië

Pedro II van Brasilië
Keiser van Brasilië
Dom Pedro II
Vorstehuis	Braganza
Titels	Keiser van Brasilië
Regeer	7 April 1831 – 15 November 1889
Kroning	18 Julie 1841
Voorganger	Pedro I
Monargie afgeskaf	Manuel Deodoro da Fonseca
Volle naam	Pedro de Alcântara João Carlos Leopoldo Salvador Bibiano Francisco Xavier de Paula Leocádio Miguel Gabriel Rafael Gonzaga de Bragança e Habsburgo
Gebore	2 Desember 1825; Rio de Janeiro, Brasilië
Oorlede	5 Desember 1891; Parys, Frankryk
Eggenoot	Teresa Cristina
Kinders	Afonso Isabel Leopoldina Pedro
Vader	Pedro I
Moeder	Maria Leopoldina van Oostenryk
Handtekening

Pedro II van Brasilie (2 Desember 1825 – 5 Desember 1891) was die tweede en laaste keiser van Brasilie. Sy volle naam was Pedro de Alcântara João Carlos Leopoldo Salvador Bibiano Francisco Xavier de Paula Leocádio Miguel Gabriel Rafael Gonzaga de Bragança e Habsburgo.

Keiserskap

Dom Pedro II omstreeks 1887.

As 'n seun van vyf het Pedro die Keiser van Brasilië geword, net nadat sy vader Pedro I van Brasilië geabdikeer het om 'n politieke en militêre oorlog in Portugal te steun. Laasgenoemde oorlog het daartoe gelei dat Pedro II se suster, Maria II, koningin van Portugal sou word.

Pedro II het vir 58 jaar regeer. Gedurende sy heerskappy het industriële ontwikkeling in Brasilië begin. Hy het gesorg vir veel vooruitgang en ontwikkeling in sy land. Pedro II het ook na die Verenigde State gereis waar hy Alexander Graham Bell ontmoet het en so die eerste Brasiliaan geword wat 'n telefoon gebruik het.

Pedro II was 'n liberale leier en het slawerny op 13 Mei 1888 as onwettig verklaar. Alhoewel hy 'n populêre figuur was het Dom Pedro II absolute mag oor die parlement gehad en sommige het hom beskou as 'n stuimelblok op die pad na modernisme. Op 15 November 1889 het 'n militêre staatsgreep hom onttroon, waarna Dom Pedro II en sy familie na Portugal gevlug het.

Hy sterf Desember 1891 in Parys en beide sy oorskot asook dié van sy vrou word in 1920 na Brasilië geneem. Hulle word in Petropolis, die voormalige somerwoning van die keiserlike familie, begrawe.

Bronne

Hierdie artikel is 'n gedeeltelike vertaling van die Engelse Wikipedia artikel Pedro II of Brazil.