Roald Dahl

Roald Dahl
Roald Dahl in 1954
Gebore	13 September 1916 Llandaff, Cardiff, Wallis
Sterf	23 November 1990 (op 74) Oxford, Oxfordshire, Engeland
Nasionaliteit	Verenigde Koninkryk
Beroep	Romanskrywer, digter, draaiboekskrywer
Bekend vir	Charlie and the Chocolate Factory, James and the Giant Peach, Fantastic Mr Fox, Matilda, The Witches, The Twits, The BFG, The Gremlins, George's Marvellous Medicine, Danny, the Champion of the World, The Wonderful Story of Henry Sugar and Six More, My Uncle Oswald, Tales of the Unexpected
Eggenoot	Patricia Neal (1953–1983 geskei) Felicity Ann d'Abreu Crosland (1983–1990, sy dood)
Kinders	Olivia Twenty (1955–1962) Chantal Tessa Sophia (* 1957) Theo Matthew (* 1960) Ophelia Magdalena (* 1964) Lucy Neal (* 1965)
Ouer(s)	Harald Dahl Sofie Magdalene Dahl (née Hesselberg)
Webwerf	www.roalddahl.com

Roald Dahl (1916–1990) was 'n Walliese romanskrywer, en kortverhaalskrywer, wat befaamd geraak het in die veertigerjare van die twintigste eeu weens sy kinder- en volwasse verhale. Sy kinderboeke, soos Charlie and the Chocolate Factory en James and the Giant Peach, is tegelyk snaaks en vreesaanjaend.

Biografie

Roald Dahl is op 13 September 1916 in Llandaff, Cardiff, Wallis gebore. Sy ouers was Noorweërs, Harald en Sofie Magdalene Dahl wat in die vorige eeu se tagtigerjare soontoe emigreer het. Sy vader sterf aan longontsteking toe hy vier jaar oud is.

Omdat hy lank was -- 1,98 m as volwassene -- het hy goed presteer in sport op skool. Vakansietye is gewoonlik in Noorweë deurgebring.

Na skool begin hy werk by die Shell-maatskappy, en word na twee jaar se opleiding verplaas na Dar-es-Salaam, Tanganjika (nou Tanzanië). Dahl sluit aan by die Britse lugmag in November 1939. Hy doen vliegsendings in Afrika en in Irak. Op 19 September 1940 stort hy neer in Libië nadat hy nie 'n landingstrook kon vind nie. Hy breek sy skedel en word tydelik verblind in die ongeluk. Nietemin herstel hy sodanig dat hy weer kan vlieg. Mettertyd ontwikkel hy egter verblindende hoofpyne en word hy terug na Brittanje gestuur. Hy word in 1942 na Washington, D.C. verplaas as attaché, en verskaf intelligensie, met die goedkeuring van die Britse regering aan William Stephenson, 'n beroemde Kanadese spioen.

Op 2 Julie 1953 trou hy met 'n Amerikaanse aktrise Patricia Neal in New York. Hulle bly 30 jaar lank getroud, en het vyf kinders, waarvan die oudste op sewejarige ouderdom sterf aan breinvliesontsteking. Na sy egskeiding trou hy met Felicity ("Liccy") d'Abreu Crosland, twintig jaar jonger as hy.

Hy is op 23 November 1990 in Buckinghamshire aan 'n vorm van bloedkanker oorlede.

Verkorte bibliografie

Kinderverhale

• The Gremlins – 1943
• James and the Giant Peach – 1961. Verskyn as 'n eponieme animasiefilm in 1996.
• Charlie and the Chocolate Factory – 1964. Verskyn as twee filmweergawes Willy Wonka & the Chocolate Factory 1971 en Charlie and the Chocolate Factory 2005.
• Fantastic Mr Fox – 1970. Verskyn as 'n eponieme animasiefilm in 2009.
• Charlie and the Great Glass Elevator – 1973. 'n Opvolgwerk van Charlie and the Chocolate Factory.
• Danny, the Champion of the World – 1975. Verskyn as 'n eponieme TV-film in 1989.
• The Twits – 1980.
• The BFG – 1982. Verskyn as 'n eponieme animasiefilm in 1989.
• The Witches – 1983. Verskyn as gelyknamige film in 1990.
• Matilda – 1988. Gelyknamige film verskyn in 1996.

Volwasse fiksie

Romans

• My Uncle Oswald – 1979.

Kortverhale

• Kiss Kiss – 1960.
• Tales of the Unexpected – 1979.

Nie-fiksie

• Boy – Tales of Childhood – 1984.

Draaiboeke

• Chitty Chitty Bang Bang – 1968.
• Willy Wonka & the Chocolate Factory – 1971.

Bronne

• Vertaal en verkort vanaf Roald Dahl op die Engelse wikipedia.