10 Desember

10 Desember is die 344ste dag van die jaar in die Gregoriaanse kalender, (345ste in skrikkeljare). Daar volg nog 21 dae in die res van die jaar.

Gebeure

• 741 – Pous Sagarias volg Pous Gregorius III op.
• 1477 – Pous Sixtus IV stel sewe nuwe kardinale aan waaronder drie familielede, Cristoforo della Rovere, Girolamo Basso della Rovere en Raffaelle Sansoni Riario.
• 1508 – Die Heilige Bond kom tot stand onder leiding van Pous Julius II.
• 1607 – Pous Paulus V stel vyf kardinale aan, waaronder Maurizio di Savoia, nefie van die koning van Spanje.
• 1633 – Emilio Bonaventura Altieri (later Pous Clemens X) word goewerneur van Loreto.
• 1726 – Pous Benedictus XIII verklaar Dominic Gangala (Jacobus van die moerasse) en Turibus van Mogroveio heilig.
• 1792 – Pous Pius VI publiseer "Perpensis circumstantiis" oor die toestand in Frankryk.
• 1817 – Mississippi word die 20ste deelstaat van die Verenigde State.
• 1868 – Die eerste verkeersligte word buite die Westminsterpaleis in London geïnstalleer.
• 1869 – Wyoming, Verenigde State gee aan vroue die reg om te stem.
• 1898 – 'n Verdrag wat die Spaans-Amerikaanse oorlog beëindig, word in Parys, Frankryk onderteken.
• 1899 – Tweede Vryheidsoorlog: Die Slag van Stormberg vind plaas.
• 1901 – Die eerste Nobelpryse word toegeken.
• 1902 – Die eerste Aswan-dam in die Nylrivier voltooi.
• 1906 – Theodore Roosevelt wen die Nobelprys vir Vrede.
• 1936 – Edward VIII abdikeer. Hy is die enigste Britse monarg wat die troon vrywillig opgee.
• 1948 – Die Verenigde Nasies se Algemene Vergadering neem die Universele menseregteverklaring aan.
• 1953 – Dr. Albert Schweitzer wen die Nobelprys vir Vrede.
• 1963 – Zanzibar word van die Verenigde Koninkryk onafhanklik.
• 1975 – Andrei Sakharov wen die Nobelprys vir Vrede. Die prys word deur sy vrou Yelena Bonner namens hom aanvaar.
• 1978 – Menachem Begin en Anwar Sadat wen die Nobelprys vir Vrede.
• 1983 – Lech Wałęsa wen die Nobelprys vir Vrede. Die prys word deur sy vrou, Danuta, namens hom aanvaar.
• 1984 – Desmond Tutu (Suid-Afrika) wen die Nobelprys vir Vrede.
• 1993 – President Nelson Mandela en voormalige president Frederik Willem de Klerk (beide van Suid-Afrika) wen die Nobelprys vir Vrede.

Geboortes

• 1452 – Johannes Stöffler, Duitse wiskundige, sterrekundige, astroloog, predikant en professor.
• 1538 – Giovanni Battista Guarini, Italiaanse digter.
• 1585 – Gregor Francke, Duitse protestantse teoloog.
• 1588 – Isaac Beeckman, Nederlandse filosoof en wetenskaplike.
• 1588 – Johann Graf von Aldringen, Luxemburgse offisier tydens die Dertigjarige Oorlog.
• 1621 – Christian Albrecht von Dohna, Duitse generaal.
• 1676 – Johann George Schreiber, Duitse kartograaf en uitgewer.
• 1699 – Christian VI, koning van Denemarke en Noorweë, hertog van Schleswig en graaf van Holstein.
• 1702 – Moritz Adolf Karl von Sachsen-Zeitz-Neustadt, biskop van Leitmeritz.
• 1710 – Johan Christian Wentzinger, Duitse beeldhouer, skilder en argitek.
• 1724 – Karl Theodor, keurvors van die Palts en van Beiere.
• 1735 – Christian Gottlieb Gilling, Duitse teoloog.
• 1815 – Ada Lovelace, Britse wiskundige en skryfster, die eerste rekenaarprogrammeerder († 1852).
• 1830 – Emily Dickinson, digteres († 1886).
• 1851 – Melvil Dewey, bibliotekaris, skepper van die Dewey klassifikasiestelsel († 1931).
• 1863 – Alfred Geist, Duits-Baltiese protestantse martelaar († 1919).
• 1891 – Nelly Sachs, skrywer en ontvanger van die Nobelprys vir Literatuur in 1966 († 1970).
• 1907 – Rumer Godden, skrywer († 1998).
• 1937 – Piet Uys, Springbok rugbyspeler († 2009).
• 1960 – Kenneth Branagh, akteur en filmregisseur.

Sterftes

• 1865 – Koning Leopold I van België (* 1790).
• 1896 – Alfred Nobel, uitvinder van dinamiet en stigter van die Nobelprys (* 1833).
• 1898 – Thomas Upington, vierde eerste minister van die Kaapkolonie (* 1844).
• 1911 – Sytze Wierda, Nederlandse argitek in die Zuid-Afrikaanse Republiek (ZAR) (* 1839).
• 1917 – Sir Mackenzie Bowell, vyfde Eerste Minister van Kanada (* 1823).
• 1945 – August Vermeylen, Vlaams-Belgiese skrywer (* 12 Mei 1872).
• 1946 – Damon Runyon, skrywer (* 1884).
• 1951 – Algernon Blackwood, skrywer (* 1869).
• 1957 – Majoor James Stevenson-Hamilton in Skotland. Met sy aftrede is sy droom van die stigting van die Nasionale Krugerwildtuin in Suid-Afrika bewaarheid (* 1867).
• 1967 – Otis Redding, sanger (* 1941).
• 1968 – Thomas Merton, monnik en skrywer (* 1915).
• 1999 – Franjo Tuđman, president van Kroasië (* 1922).
• 2006 – Augusto Pinochet, Chileense generaal en politikus (* 1915).

Vakansie-, vierings- en waarnemingsdae

• Die Nobelprys-sermonie, 'n amptelike vlagdag in Swede.
• Menseregtedag soos ingestel deur die VN.
• Feesdag van Pous Miltiades in die Rooms-Katolieke Kerk. (Party bronne gee 10 Januarie).

Hierdie artikel is in sy geheel of gedeeltelik vanuit die Engelse Wikipedia vertaal.