Universiteit van Mpumalanga

Universiteit van Mpumalanga
Leuse in Afrikaans:	Skep Geleenthede
Leuse in Engels:	Creating Opportunities
Gestig:	22 Augustus 2013
Tipe:	Openbare universiteit
Kanselier:	Cyril Ramaphosa
Ligging:	Mbombela, Mpumalanga 25°26′11.472″S 30°58′54.4872″O
Kleure:	Blou en rooi
Webtuiste:	[1]

Die Universiteit van Mpumalanga is gevestig in Mbombela, Suid-Afrika. Dit is in 2013 aangekondig deur die President Jacob Zuma en in 2014 is daar 'n beskeie inname van honderd en veertig studente. Die Universiteit sluit in die infrastruktuur van drie bestaande instellings - die Laeveld Kollege van Landbou, die gasvryheidskool by KaNyamazane en die Siyabuswa-onderwyskampus.

Geskiedenis

In 1996 het die Universiteitsopvoedingskomitee en die Universiteits Technikon-onderwyssamewerkingskomitee saamgesmelt en was die taak om die vestiging van 'n Universiteit in die provinsie deur die voormalige Lid van die Uitvoerende Raad (LUR) vir Onderwys, Mnr David Mabuza, te bewerkstellig. Die Nasionale Instituut vir Hoër Onderwys in Mpumalanga, wat in 2006 gestig is, onder leiding van wyle Prof CC Mokadi, het die voorsiening van Hoër Onderwys in die provinsie gekoördineer. 'n Belangrike mylpaal was die besluit wat tydens die Nasionale Kongres se Nasionale Algemene Raadsvergadering gehou is in Durban waar daar in 2010 besluit is om twee nuwe universiteite te stig. Hierdie besluit was instrumenteel in die fasilitering van die vestiging van 'n universiteit in die provinsie Mpumalanga, wat tot dusver nie oor 'n openbare universiteit beskik het nie.

In 2010 het die Minister van Hoër Onderwys en Opleiding, Blade Nzimande, twee taakspanne aangestel om die lewensvatbaarheid van nuwe universiteite in Mpumalanga en die Noord-Kaap te ondersoek. Die Mpumalanga-taakspan wat in September 2011 'n gunstige verslag voorgelê het, het die vestiging van 'n nuwe Universiteit in Mpumalanga aanbeveel, onder leiding van Prof. TZ Mthembu.

In Julie 2013 het die Staatspresident, Jacob Zuma, die naam van die nuwe universiteit as die Universiteit van Mpumalanga bekend gemaak asook die name van die lede van die tussentydse raad om sy formele toesig te hou. Die Universiteit van Mpumalanga, 'n omvattende openbare universiteit, is op 22 Augustus 2013 formeel en wetlik afgekondig deur die publikasie van Staatskoerant-kennisgewing (Nr 36772).

Kampusse

Die universiteit is verdeel in twee akademiese kampusse - die hoofkampus op Mbombela en die onderwysersopvoedingkampus op Siyabuswa.

Akademiese aanbiedinge

Huidiglik bied die universiteit die volgende kursusse aan:

• Baccalaureus Art (BA) Graad
• Baccalaureus Educationis (Grondslagfaseonderrig) Graad
• Baccalaureus in Landbou (Landbou Uitbreiding) Graad
• Baccalaureus Scientiae (BSc) Graad
• Baccalaureus in Ontwikkelingstudies
• Baccalaureus Commercieel Algemeen (BCOM) Graad

• Diploma in Gasvryheidsbestuur
• Diploma in Landbou (Plantproduksie)
• Diploma in Inligtingskommunikasie Tegnologie (Toepassingsontwikkeling)
• Diploma in Natuurbewaring