Albertina Sisulu: Verskil tussen weergawes

in Wikipedia, die vrye ensiklopedie
Content deleted Content added
k thumb → duimnael
Lyn 32: Lyn 32:


== Geskiedenis ==
== Geskiedenis ==
[[Lêer:Sisulu wedding with mandela and lembede.JPG|thumb|links|Albertina Sisulu is in [[1944]] met [[Walter Sisulu|Walter]] getroud. [[Evelyn Mase]] is links en [[Anton Lembede]] is regs van die bruid. [[Nelson Mandela]] is ver links. Rosabella Sisulu kyk uit oor die paartjie.<ref>{{en}} {{cite news|last=Sisulu|first=Elinor|title=Tribute: Life, love and times of the Sisulus|url=http://www.thenewage.co.za/20336-1007-53-Tribute_Life,_love_and_times_of_the_Sisulus|newspaper=The New Age|date=10 Junie 2011|accessdate=4 Augustus 2013}}</ref>]]
[[Lêer:Sisulu wedding with mandela and lembede.JPG|duimnael|links|Albertina Sisulu is in [[1944]] met [[Walter Sisulu|Walter]] getroud. [[Evelyn Mase]] is links en [[Anton Lembede]] is regs van die bruid. [[Nelson Mandela]] is ver links. Rosabella Sisulu kyk uit oor die paartjie.<ref>{{en}} {{cite news|last=Sisulu|first=Elinor|title=Tribute: Life, love and times of the Sisulus|url=http://www.thenewage.co.za/20336-1007-53-Tribute_Life,_love_and_times_of_the_Sisulus|newspaper=The New Age|date=10 Junie 2011|accessdate=4 Augustus 2013}}</ref>]]
Albertina was van plan om 'n non te word, maar het toe gaan verpleeg. Op dié manier kon sy haar broers en susters finansieel ondersteun tydens hul studies. In 1944 is sy met [[Walter Sisulu]] getroud. Haar man het haar aangemoedig om betrokke te raak by die politiek en sosiale opheffingswerk. As verpleegster het sy byvoorbeeld geboortebeperking in Orlando bekend gestel.
Albertina was van plan om 'n non te word, maar het toe gaan verpleeg. Op dié manier kon sy haar broers en susters finansieel ondersteun tydens hul studies. In 1944 is sy met [[Walter Sisulu]] getroud. Haar man het haar aangemoedig om betrokke te raak by die politiek en sosiale opheffingswerk. As verpleegster het sy byvoorbeeld geboortebeperking in Orlando bekend gestel.



Wysiging soos op 09:07, 15 Januarie 2019

Albertina Sisulu
Albertina Sisulu ontvang 'n ere doktorsgraad van die Universiteit van Johannesburg vir haar rol as stryder teen apartheid (12 April 2007).
Gebore
Nontsikelelo Albertina Sisulu

21 Oktober 1918
Sterf2 Junie 2011
NasionaliteitVlag van Suid-Afrika Suid-Afrika
Bekend virAnti-apartheid-aktivis
Politieke partyAfrican National Congress
EggenootWalter Sisulu (1944–2003; sy dood)
KindersLindiwe Sisulu
Max Sisulu
Zwelakhe Sisulu
Ouer(s)Bonilizwe en Monica Thethiwe

Albertina Sisulu (gebore 21 Oktober 1918; † 2 Junie 2011)[1] was in 1918 in die Transkei gebore as die tweede kind van Bonilizwe en Monica Thethiwe. Haar ma se gesondheid het agteruitgegaan en met haar pa se dood in 1929 het hy Albertina, wat toe elf jaar oud was, gevra om na haar broers en susters om te sien.

Geskiedenis

Albertina Sisulu is in 1944 met Walter getroud. Evelyn Mase is links en Anton Lembede is regs van die bruid. Nelson Mandela is ver links. Rosabella Sisulu kyk uit oor die paartjie.[2]

Albertina was van plan om 'n non te word, maar het toe gaan verpleeg. Op dié manier kon sy haar broers en susters finansieel ondersteun tydens hul studies. In 1944 is sy met Walter Sisulu getroud. Haar man het haar aangemoedig om betrokke te raak by die politiek en sosiale opheffingswerk. As verpleegster het sy byvoorbeeld geboortebeperking in Orlando bekend gestel.

In 1955 het Albertina haar by die ANC se Vroueliga aangesluit. In 1956 het sy saam met Lilian Ngoyi, Helen Joseph en Amina Cachalia duisende vroue in die beroemde Vrouedag-optog na die Uniegebou gelei om teen die verpligte dra van "dompasse" te protesteer. Sy was ook een van die stigterslede van die United Democratic Movement (UDM).

Toe Walter verkies is tot die ANC se eerste voltydse sekretaris-generaal, het Albertina die gesin se enigste broodwinner geword. Sy het ook as skakel tussen die ANC-leiers in die tronk en diegene in ballingskap opgetree. Die Veiligheidspolisie het haar gedurig lastig geval en sy is verskeie kere beperkings opgelê, verban, onder huisarres geplaas of in hegtenis geneem - soms in alleenopsluiting.

Die Sisulu's het vyf kinders - Max, Lungi, Zwelake, Lindiwe en Nkuleko - en drie aangenome kinders gehad. Dié drie was Walter se suster se twee kinders, Gerald en Beryl, en Samuel, wat 'n hegte verhouding met Walter gesmee het tydens sy verblyf op Robben-eiland. Al hul kinders het grootgeword in hul huis in Soweto. Eers vier jaar voor Walter se dood het die paar na 'n huis in Linden, Johannesburg, verhuis.

Albertina se toewyding aan die "struggle" is na haar en Walter se kinders deurgegee. Hul oudste seun, Max, het byvoorbeeld op 17-jarige ouderdom reeds in aanhouding verkeer en het in ballingskap gegaan nadat sy pa in 1963 in Rivonia in hegtenis geneem is. Sy broer Zwelakhe was weer betrokke by die publikasie New Nation, wat verskeie kere beperkings opgelê is. Hy is ook self byna twee jaar lank sonder verhoor aangehou.

Sy is op 2 Julie 2011 op die ouderdom van 92 in haar huis in Linden oorlede.[3]

Prestasie

Albertina het haar reeds 50 jaar lank toegewy aan die Albertina Sisulu-stigting, wat die opheffing van kinders en bejaardes in Soweto ten doel het. Haar toewyding aan die stryd teen apartheid en haar welsynswerk onder vroue en kinders is vereer toe sy onlangs tot voorsitter van die Wêreldvredesraad in Basel, Switserland, verkies is. Haar skoondogter Elinor Sisulu het in 2002 'n biografie oor haar skoonouers uitgegee onder die titel Walter & Albertina Sisulu - In our lifetime, waarin die verhaal van hierdie merkwaardige paar vertel word.

In Julie 2007 is die R21-hoofweg tussen Pretoria en O.R. Tambo Internasionale Lughawe na Albetina Sisulu genoem.

Verwysings

  1. (en) Barry Bearak (5 Junie 2011). "Albertina Sisulu, Who Helped Lead Apartheid Fight, Dies at 92". The New York Times. Besoek op 17 Junie 2017.
  2. (en) Sisulu, Elinor (10 Junie 2011). "Tribute: Life, love and times of the Sisulus". The New Age. Besoek op 4 Augustus 2013.
  3. Zuma bring hulde aan Albertina Sisulu, Nuus24, besoek op 3 Junie 2011.

Eksterne skakels