Klawer, Wes-Kaap

Klawer is 'n redelike klein dorp in die Noordweste van die Wes-Kaap aan die N7- nasionale pad, 24 km wes-suidwes van Vanrhynsdorp en 283 km van Kaapstad. Die naam is ontleen aan die wildeklawer wat in die omgewing groei.

Geskiedenis

Dit is een van die jonger dorpe in munisipale gebied Matzikama. Die NG gemeente is op 14 Desember 1949 gestig. Die hele gemeente van 560 lidmate was, met uitsondering van 10 huisgesinne, voorheen deel van die gemeente Vanrhynsdorp.

Besienswaardighede

Klawer word jaarliks in die lente in 'n tipiese Namakwalandse blommeparadys omskep. Die Doringrivier bied river rafting, 'n ideale manier om die rivier te verken, asook rotskuns naby sy walle. Die plaas Windhoek, sowat 7 km buite die dorp, bied 'n geskiedkundige blik op die omgewing. Hier het die troepe van generaal Jan Smuts en die Britte slaags geraak in 1902. Die Khoi en Boesmans se nalatenskap van rotskuns kan ook hier gesien word.

Eksterne skakels

• Toeriste-inligting
• Amptelike Weskus-toerismeblad