Matzikama Plaaslike Munisipaliteit: Verskil tussen weergawes

in Wikipedia, die vrye ensiklopedie
Content deleted Content added
Anrie (besprekings | bydraes)
k Sjabloon:Wes-Kaap
Morne (besprekings | bydraes)
No edit summary
Lyn 27: Lyn 27:


[[Kategorie:Wes-Kaap]]
[[Kategorie:Wes-Kaap]]
[[Kategorie:Weskus]]

Wysiging soos op 23:28, 10 Mei 2007

Matzikama is die mees noodwestelike plaaslike owerheid in die provinsie Wes-Kaap, binne die gebied van die Weskus-distriksmunisipaliteit. Dit word begrens deur die Atlantiese Oseaan in die weste, 'n distriksbestuursgebied van die distriksmunisipaliteit in die noorde, die Cederberg-munisipaliteit in die suide en die provinsie Noord-Kaap in die ooste. Die hoofdorp is Vredendal, met ander belangrike dorpe Vanrhynsdorp, Klawer, Wes-Kaap, Koekenaap, Strandfontein, Doringbaai en Lutzville. Die totale oppervlak van die munisipaliteit is sowat 5 549 km². Die naam is ontleen aan die Matsikammaberge, sowat 10 km suid van Vanrhynsdorp, tussen die Troe-Troe en Wiedourivier.

Bevolking

Die totale bevolking volgens die sensus van 2001 was 50 167. Van die totaal was 38 217 bruin, 9 124 wit, 2 800 swart en 65 Indiërs. Die oorgrote meerderheid van die bevolking is Afrikaanssprekend (47 751), gevolg deur Xhosasprekendes (1 667) en Engelssprekendes (459). Geen ander taal het meer as honderd sprekers gehad nie.

Opvoeding

Daar was in 2006 30 staats- en privaat skole binne die munisipale grense. Die hoërskole was: Vanrhynsdorp, Lutzville, Vredendal en Vredendal Sekondêr.

Polisiestasies

Daar was in 2006 'n polisiestasie op Vredendal, Vanrhynsdorp, Klawer, Lutzville en Doringbaai.

Gesondheid

Benewens klinieke op die meeste dorpe, is die enigste provinsiale hospitaal op Vredendal.

Media

Radio Namakwaland saai daagliks uit van Vredendal en het 'n Christelike inslag. Ons Kontrei is 'n weekblad wat op Vredendal uitgegee word, terwyl die Swartland en Weskus Herald sedert 2006 weekliks 'n uitgawe vir die Olifantsrivier-gebied publiseer. Die koerant se hoofkantoor is op Malmesbury, maar hy het ook 'n plaaslike kantoor op Vredendal.

Besienswaardighede

Die gebied word jaarliks druk besoek deur blommekykers, wat spesifiek hierheen kom om die lente-blomme te kyk, of op pad is na Namakwaland, noord van Matzikama.

Eksterne skakels


Vlag van Suid-Afrika

Provinsie Wes-Kaap

Hoofstad:

Kaapstad

Streke:

Kaapse Skiereiland | Kaapse Wynlande | Sentraal Karoo | Overberg | Tuinroete | Weskus

Grootste stede en dorpe:

Kaapstad | George | Mosselbaai | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester

Munisipaliteite:

Beaufort-Wes | Bergrivier | Bitou | Breedevallei | Kaap Agulhas | Cederberg | Drakenstein | George | Hessequa | Kaapstad | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Prins Albert | Saldanhabaai | Sentraal Karoo | Stellenbosch | Swartland | Swellendam | Theewaterskloof | Tuinroete | Weskus | Witzenberg