Jared Leto: Verskil tussen weergawes

in Wikipedia, die vrye ensiklopedie
Content deleted Content added
Lyn 39: Lyn 39:
* [http://www.jaredleto.com/ Amptelike webtuiste]
* [http://www.jaredleto.com/ Amptelike webtuiste]
* {{IMDb naam|0001467}}
* {{IMDb naam|0001467}}
{{CommonsKategorie-inlyn}}
{{Commons-kategorie inlyn}}
* [[Lêer:Crystal txt.png|15px]] Hierdie artikel is vertaal uit die [[:en:Jared Leto|Engelse Wikipedia]]
* [[Lêer:Crystal txt.png|15px]] Hierdie artikel is vertaal uit die [[:en:Jared Leto|Engelse Wikipedia]]



Wysiging soos op 19:41, 17 Januarie 2019

Jared Leto
'n Beeld van die betrokke persoonlikheid.
Leto in 2009 in Venesië.

Geboorte 26 Desember 1971 (1971-12-26) (52 jaar oud)
Bossier City, Louisiana, VSA
Nasionaliteit Amerikaans
Beroep(e) Akteur, musikant (alternatiewe rock), aktivis, fotograaf, sakeman
Aktiewe jare 1992 – hede
Webwerf http://www.jaredleto.com
Internet-rolprentdatabasis-profiel

Jared Leto (geb. 26 Desember 1971 in Bossier City, Louisiana) is ’n Amerikaanse akteur, musikant, vervaardiger, aktivis, fotograaf en sakeman. Hy het sy loopbaan vroeg in die 1990's afgeskop in die TV-reeks My So-Called Life (1994).

Loopbaan

Leto tree in Nederland op.

In 1995 het hy sy rolprentdebuut gemaak in How to Make an American Quilt en in 1997 lof ontvang vir sy spel in Prefontaine. Leto het hierna byrolle gehad in The Thin Red Line (1998), Fight Club (1998) en American Psycho (2000), sowel as die hoofrol in Urban Legend (1998). In 2000 het hy lof ontvang vir sy uitbeelding van die heroïenverslaafde Harry Goldfarb in Requiem for a Dream (2000). Hy het daarna op sy musiekloopbaan gekonsentreer en toe in 2002 in Panic Room (2002), Alexander (2004), Lord of War (2005), Lonely Hearts (2006), Chapter 27 (2007) en Mr. Nobody (2009) gespeel. Hy het sy debuut as regisseur in 2012 gemaak met die dokumentêre prent Artifact.

Leto het groot lof ingepalm vir sy rol as ’n transgender-vrou in Dallas Buyers Club (2013) en het in 2014 onder meer ’n Oscar as beste manlike byspeler daarvoor gewen. Hy word beskou as ’n metodetoneelspeler wat sy rolle deeglik navors en dit met oorgawe vertolk.[1][2] Hy is ook baie kieskeurig met sy rolle.[3]

Musikant

Leto is die hoofsanger en -liedjieskrywer van die musiekgroep Thirty Seconds to Mars, wat hy in 1998 in Los Angeles, Kalifornië, gestig het saam met sy ouer broer, Shannon Leto. Hul debuutalbum van 2002 met dieselfde naam het groot lof ingepalm, maar beperkte sukses behaal.[4] Die groep het wêreldwyd roem behaal met hul tweede album, A Beautiful Lie (2005). Ook hul volgende albums, This Is War (2009) en Love, Lust, Faith and Dreams (2013), het lof ingepalm en sukses behaal.[5] In Mei 2013 het die groep reeds meer as 10 miljoen albums wêreldwyd verkoop.[6]

Leto was ook die regisseur van musiekvideo's, onder meer The Kill (2006), wat die MTV Video Music Award gewen het, Kings and Queens (2009) en Up in the Air (2013).

Verwysings

  1. Whitham, Alexis. "Fantastic Trasformations". California Film Institute. Besoek op 24 Januarie 2014.
  2. Peppers, Margot (29 Mei 2013). "Jared Leto opens up about his 'food-stamp poor' childhood and dealing with critics of his double life as actor and rock star". Daily Mail. Besoek op 24 Januarie 2014.
  3. Bentley, Rick (20 November 2013). "Jared Leto gave his pounds of flesh for 'Dallas Buyers Club' role". The Fresno Bee. Besoek op 24 Januarie 2014.
  4. Winwood, Ian (18 Februarie 2012). "10 Years of Life on Mars". Kerrang!. Bauer Media Group (1402): 22.
  5. Hall, David (9 Oktober 2013). "Thirty Seconds to Mars rises to new heights". The Orange County Register. Besoek op 28 Januarie 2014.
  6. Makarechi, Kia (17 Mei 2013). "Jared Leto On Thirty Seconds To Mars' 'New Chapter,' 'Love Lust Faith + Dreams' And His Return To Film". The Huffington Post. Besoek op 18 Mei 2013.

Eksterne skakels