Chris Chameleon: Verskil tussen weergawes

in Wikipedia, die vrye ensiklopedie
Content deleted Content added
Lyn 76: Lyn 76:
[[Kategorie:Suid-Afrikaanse musici]]
[[Kategorie:Suid-Afrikaanse musici]]
[[Kategorie:Geboortes in 1971]]
[[Kategorie:Geboortes in 1971]]
[[Kategorie:Lewende persone]]
[[Kategorie:Lewende mense]]

Wysiging soos op 22:59, 30 Januarie 2019

Chris Chameleon
Chris Chameleon in Mosselbaai, Suid-Afrika, Desember 2006
GeboortenaamChris Mulder
Ook bekend asChris Chameleon
Gebore28 Julie 1971 (1971-07-28) (52 jaar oud)
Johannesburg
GenresVolksmusiek
Afrikaans
Beroep(e)Musikant
Jare aktief2003 — hede
Webwerfwww.chrischameleon.com

Chris Chameleon (1971-) is 'n Suid-Afrikaanse sanger, akteur en liedjieskrywer. Hy is op 28 Julie 1971, as Chris Mulder in Johannesburg gebore. Hy het in 1989 begin optree toe hy die eerste Dalro- Nasionale Akteurskompetisie gewen het. In die volgende vyf jaar het hy in meer as 20 televisiereekse gespeel. Hy was ook die hoofsanger van 'n musiekgroep met die naam Blue Chameleon, waarna hy Nederland toe is om daar vir 'n teatermaatskappy te werk.

In 1996 het hy na Suid-Afrika teruggekeer en twee jaar lank agter die skerms as assistentregisseur gewerk. Aan die einde van 1997 het hy weer op die verhoog verskyn, as die voorman van die monki-punk-groep Boo!. Die groep het baie gewild geword, sowel in Suid-Afrika as in Europa. Ná 800 vertonings in sewe jaar in sewentien lande het hulle egter ontbind.

Tydens 'n Boo!-toer in Nederland het Chameleon 'n dokumentêre program oor Ingrid Jonker gesien: Het Uur van de Wolf. Toe die vervaardigers van 7de Laan hom vra om 'n liedjie van 'n Afrikaanse digter te toonset en in die sepie te sing, het hy op 'n gedig van Jonker besluit. Later in 2005 het hy die album Ek Herhaal Jou uitgebring met gedigte van Jonker wat hy getoonset het. Die album het goue status behaal (meer as 25 000 CD's verkoop) en Chameleon het in dié jaar landwyd daarmee getoer.

In Junie 2006 het hy die Engelse album Shine uitgereik. Later die jaar het die vervaardigers van 7de Laan hom genooi om weer in die sepie te speel. Die Afrikaanse album 7de Hemel, wat in dieselfde jaar uitgereik is en platinumstatus behaal het (meer as 50 000 CD's verkoop), bevat liedjies wat sy karakter Liam in die sepie gesing het.

In 2010 ontvang hy 'n SAMA-toekenning in die kategorie beste kontemporêre album (Afrikaans) vir Kyk Hoe Lyk Ons Nou.[1]

Sedertdien het verskeie CD’s en DVD’s van hom verskyn, waaronder Droomland (2013), wat hy saam met die Drakensberg-seunskoor opgeneem het.[2]

Diskografie

Chris Chameleon tydens 'n optrede.
  • Ek Herhaal Jou, 2005
  • Volkleur, DVD, 2005
  • 7de Hemel, 2006
  • Shine, 2006, sy eerste Engelse album.
  • Flight of an Extraordinary Alien DVD, 2007
  • Ek vir Jou, 2007
  • Klassieke Chameleon, CD & DVD, 2008
  • Made Available, sy tweede Engelse album, 2008
  • Kyk Hoe Lyk Ons Nou, 2009
  • My Storie DVD, 2009[3]
  • Live at the Folkwoods Festival, 2009
  • As Jy Weer Skryf, 2011
  • Droomland, 2013
  • Herleef 2013
  • Posduif 2014
  • Firmament, 2016
  • Jy en Ek en Ek en Jy, 2017

Verwysings

  1. Afrikaanse kunstenaars tops by Samas, Nuus24, besoek op 18 Maart 2010.
  2. HAT Taal-en-feitegids, Pearson, Desember 2013, ISBN 978-1-77578-243-8
  3. http://chrischameleon.com/discography/

Sien ook

Eksterne skakels