Potchefstroom

Potchefstroom
Stad
Potchefstroom se stadsaal
Vlag
Byname:  Potch
Leuse(s):  Stad van Deskundigheid Motswe Wa Boitseanape City of Expertise
Potchefstroom  Potchefstroom se ligging in Noordwes
Koördinate: 26°42′S 27°05′O
Land	Suid-Afrika
Provinsie	Noordwes
Distrik	Dr. Kenneth Kaunda
Munisipaliteit	JB Marks
Stigting	1838
Regering
• Gestig deur	Hendrik Potgieter
Oppervlak
• Totaal	185,4 km2 (71,6 vk. myl)
Hoogte	1 350 m (4 430 ft)
Bevolking  (2011)
• Totaal	149 230
• Digtheid	805/km2 (2 080/vk. myl)
Rasverdeling (2011)
• Wit mense	20,7%
• Indiërs/Asiërs	1,0%
• Bruin mense	7,1%
• Swart mense	70,7%
• Ander	0,4%
Taal (2011)
• Tswana	41,1%
• Afrikaans	27,9%
• Suid-Sotho	10,9%
• Xhosa	9,5%
• Ander	10,6%
Poskode (strate)	2520
Poskode (posbusse)	2520
Skakelkode	018
Webwerf	http://www.potch.co.za/

'n Straat omsoom met eikebome in Potchefstroom

Potchefstroom is 'n stad in die Noordwesprovinsie van Suid-Afrika. Dit was die tweede oudste dorp in die ou Transvaalprovinsie naas die naburige Klerksdorp. Dit is in November 1838 deur Voortrekkerleier Hendrik Potgieter aan die oewers van die Mooirivier gestig. Die stad staan ook as die "Stad van Deskundigheid" bekend. Dit beslaan 2 573 km² en het 162 762 inwoners (munisipaliteit 2011). Dit is 'n handel- en nywerheidsentrum vir die omliggende land- en mynboustreek. Potchefstroom is 120 km wes-suidwes van Johannesburg.

Naamsverandering

Daar was tans 'n poging deur die ANC munisipale owerheid om die dorp se naam na Tlokwe te verander, maar baie inwoners het in opstand gekom teen die besluit – hierdie opstand was deur die organisasie Aksie Potchefstroom gelei. Die stadsraad staan nou bekend as JB Marks Plaaslike Munisipaliteit.

Universiteit

Hoofgebou van Potchefstroomkampus

Potchefstroom is 'n groot akademiese dorp. Die Teologiese Skool van die Gereformeerde Kerke in Suid-Afrika, wat in 1869 op Burgersdorp gestig is, is in 1905 na Potchefstroom verskuif. In 1919 het "Het Potchefstroom Universiteitskollege voor Christelike Hooger Onderwijs" ontstaan uit die Literariese Departement van die Teologiese Skool. In 1951 is die PUK erken as 'n selfstandige universiteit wat bekend sou staan as die Potchefstroomse Universiteit vir Christelike Hoër Onderwys (PU vir CHO).

Die PU vir CHO het in 2004 met die University of the Northwest in Mahikeng saamgesmelt om die Noordwes-Universiteit te word en sou voortaan bekend staan as die Potchefstroomkampus van die Noordwes-Universiteit. Hierdie multikampus en multidiverse universiteit het tot stand gekom nadat die regering verreikende veranderings in tersiëre onderwys aangebring het en wetgewing deurgevoer het wat die aantal tersiêre inrigtings in die land verminder het.

Die Potchefstroomkampus het 33 000 studente.

Die universititeit met sy groot aantal studente speel 'n belangrike rol in die dorp se bestaan en gee aan Potchefstroom sy universiteitsdorp-karakter.

Woonbuurte

Potchefstroom se woonbuurte sluit die volgende in:

• Grimbeeck Park – langs die gholfbaan, tussen die Paryspad (R53) en die Mooirivier.
• Oewersig – Langs die Mooirivier, langs die Universiteit se sportterrein en die R501.
• Dam Omgewing – langs die Potchefstroom Dam
• Mooivallei Park – Langs die R501
• Van der Hoff Park – tussen die N12 en die PUK sportterrein.
• Die Bult – langs die PUK.
• Bailie Park – tussen die N12 en R53
• Miederpark – suid van die N12, en wes van die Mooirivier.
• Kannoniers Park – Tussen die R53 en die spoorlyn, suid van die Midiclinic Hospitaal.
• Bult Wes
• Bult Oos
• Dassierand – (aan die westekant van Potchefstroom) wes van die R53 na Ventersdorp

Jool

Dit is 'n jaarlikse optog ten bate van liefdadigheid waar al die eerstejaars van die Potchefstroomkampus van die Noordwes-Universiteit, in hul koshuisverband, deur die strate van die dorp loop met vlotte wat hulle self gebou en versier het.

Aardklop

Die Aardklop Nasionale Kunstefees word jaarliks aan die einde van September in Potchefstroom aangebied.

Trivia

• Die N12 nasionale pad gaan deur Potchefstroom.
• 'n Hoenderras, die Potchefstroom Koekoek, is vernoem na die stad.
• Potchefstroom is die oudste distrik in die "trans-vaal", die gebied noord van die Vaalrivier.
• Tydens die Krieketwêreldbeker 2003 is Potchefstroom se Senwespark vir drie wedstryde ingespan.

Sien ook

President Marthinus Wessel Pretorius se graf in Potchefstroom.

• Bezuidenhout-voorval, belastingverset en uitbreek van die Eerste Vryheidsoorlog.
• Gereformeerde kerk Cachet
• Gereformeerde kerk Noordbrug
• Gereformeerde kerk Potchefstroom
• Gereformeerde kerk Potchefstroom-Die Bult
• Gereformeerde kerk Potchefstroom-Mooirivier
• Gereformeerde kerk Potchefstroom-Noord
• Gereformeerde kerk Potchefstroom-Oos
• Gereformeerde kerk Potchefstroom-Suid
• Lys van dorpe in Suid-Afrika
• NG gemeente Eerste Vesting
• NG gemeente Potchefstroom
• NG gemeente Potchefstroom-Die Bult
• NG gemeente Potchefstroom-Grimbeekpark
• NG gemeente Potchefstroom-Miederpark
• NG gemeente Potchefstroom-Mooirivier
• NG gemeente Potchefstroom-Noord
• NG gemeente Potchefstroom-Oos
• NG gemeente Potchefstroom-Vyfhoek
• NG gemeente Potchefstroom-Wes
• NG gemeente PUK-Kandelaar
• Potchefstroom (kiesafdeling)

Eksterne skakels

• Potchefstroom
• Aardklop Nasionale Kunstefees
• Die Gereformeerde Kerke in Suid-Afrika
• Noordwes-Universiteit
• Potchefstroomkampus van die Noordwes-Universiteit