18 Julie

18 Julie is die 199ste dag van die jaar in die Gregoriaanse kalender (200ste in skrikkeljare). Daar volg nog 166 dae in die res van die jaar.

Gebeure

• 64 – Begin van die groot brand van Rome. Gerugte gaan rond dat keiser Nero dit gestig het. Nero beskuldig die Christene.
• 1155 – Pous Adrianus IV kroon Frederik I Barbarossa as keiser van die Heilige Romeinse Ryk.
• 1200 – Pous Innocentius III stel Cencio Savelli (later Pous Honorius III) aan as kardinaal priester van Ste. Johannes en Paulus.
• 1216 – Pous Honorius III volg Pous Innocentius III op.
• 1223 – Goffredo de Castiglione (later Pous Celestinus IV) word kanselier van Milaan.
• 1278 – Pous Nicolaas III proklameer 'n grondwet vir die stad Rome wat bepaal dat geen uitlanders in die bestuur mag dien nie.
• 1289 – Pous Nicolaas IV bepaal dat die kollege van kardinale die helfte van die geld van die pouslike staat kry.
• 1323 – Pous Johannes XXII verklaar Thomas Aquino heilig.
• 1605 – Pous Paulus V stel sy nefie Scipione Caffarelli-Borghese aan as kardinaal.
• 1763 – Pous Clemens XIII stel Simone Buonaccorsi van die Apostoliese Signatura en Andrea Negroni, Apostoliese protonotarius, aan as kardinale.
• 1870 – Die Eerste Vatikaanse Konsilie keur die dogma van pouslike onfeilbaarheid goed.
• 1925 – Adolf Hitler publiseer sy persoonlike manifes Mein Kampf.
• 1982 – Die weermag van Guatemala en geallieerde paramilitêres vermoor meer as 250 Maya-arbeiders in die Plan de Sánchez-slagting.
• 1999 – Penny Heyns stel haar vierde wêreldrekord in twee dae op deur twee maal haar rekord vir borsslag oor 100 m te verbeter. Dit staan nou op 1:06,95, en Heyns word die eerste swemmer wat wêreldrekords hou vir borsslag oor 50, 100 en 200m.
• 2003 – Dr. David Kelly, vermiste Britse wetenskaplike wat betrokke was by die omstredenheid rondom Brittanje se deelname aan die oorlog in Irak, se liggaam word in 'n bos naby sy huis in Oxfordshire gevind.

Geboortes

• 1913 – Anna Cloete, Suid-Afrikaanse aktrise († 1999).
• 1918 – Nelson Mandela, Suid-Afrikaanse politikus en staatsman, eerste demokraties verkose president van Suid-Afrika (1994–1999) († 2013).
• 1921 – John Glenn, Amerikaanse ruimtevaarder, politikus en Marinierskorpsvegvlieënier († 2016).
• 1922 – Thomas Kuhn, Amerikaanse akademikus († 1996).
• 1950 – Richard Branson, Britse entrepreneur.
• 1955 – Piet Botha, Suid-Afrikaanse sanger en liedjieskrywer († 2019).

Sterftes

• 1817 – Jane Austen, Engelse skrywer (* 1775).
• 1953 – Karl Bremer, eertydse Suid-Afrikaanse minister van gesondheid (* 1885).
• 2011 – Genl Magnus Malan, Minister van Verdediging en hoof van die SA weermag (* 1930).
• 2016 – Lofty Nel, Suid-Afrikaanse Springbokrugbyspeler (* 1935).

Vakansies, vierings, en waarnemingsdae

• Internasionale Nelson Mandeladag