Wikipedia:Geskilbeslegting: Verskil tussen weergawes

in Wikipedia, die vrye ensiklopedie
Content deleted Content added
Anrie (besprekings | bydraes)
No edit summary
Anrie (besprekings | bydraes)
Lyn 35: Lyn 35:
Somtyds word dit 'n bietjie so 'n bietjie netelig en kan dit nuttig wees om 'n paar koel koppe te vra om in te kom loer en hand te gee. Sommige bydraers wat 'n derde opinie gee of antwoord op versoeke vir kommentaar mag gewillig wees om as bemiddelaar op te tree, indien so versoek.
Somtyds word dit 'n bietjie so 'n bietjie netelig en kan dit nuttig wees om 'n paar koel koppe te vra om in te kom loer en hand te gee. Sommige bydraers wat 'n derde opinie gee of antwoord op versoeke vir kommentaar mag gewillig wees om as bemiddelaar op te tree, indien so versoek.


===Formele bemiddeling==
===Formele bemiddeling===
Plaas 'n versoek om bemiddeling in die Geselshoekie. Bemiddeling is 'n vrywille proses waarin 'n ''neutrale, onbetrokke'' persoon die betrokke partye help om 'n oplossing te vind wat by almal aanklank sal vind. Wanneer u aansoek vir bemiddeling doen moet u egter kan bewys dat u reeds die genoemde stappe probeer het ter beslegting van die geskil en dat alle betrokke partye ingestem het dat 'n bemiddelaar die enigste uitweg is. Bemiddeling kan nie plaasvind wanneer enige van die betrokke partye nie instem om aan die bemiddelingsproses deel te neem nie.
Plaas 'n versoek om bemiddeling in die Geselshoekie. Bemiddeling is 'n vrywille proses waarin 'n ''neutrale, onbetrokke'' persoon die betrokke partye help om 'n oplossing te vind wat by almal aanklank sal vind. Wanneer u aansoek vir bemiddeling doen moet u egter kan bewys dat u reeds die genoemde stappe probeer het ter beslegting van die geskil en dat alle betrokke partye ingestem het dat 'n bemiddelaar die enigste uitweg is. Bemiddeling kan nie plaasvind wanneer enige van die betrokke partye nie instem om aan die bemiddelingsproses deel te neem nie.



Wysiging soos op 18:21, 16 Junie 2007

Probeer om argumente en geskille te vermy. Wanneer dit nie moontlik is nie, probeer om die probleem op 'n beleefde manier met die betrokke persone te bespreek, of stuur vir hulle 'n private e-pos. Dit kan ook werk om diep asem te haal en 'n dag of twee te neem voor u na die argument toe terug kom.

Vermyding

Die beste manier om 'n geskil te besleg, is om dit in die eerste plek te vermy.

Wees respekvol teenoor ander en hulle standpunte. Dit beteken hoofsaaklik dat u nie enige wysigings tydens 'n argument moet terugrol nie. Wanneer iemand 'n wysiging aanbring wat u as partydig of onakkuraat beskou, is dit raadaam om die wysiging te verbeter, eerder as om dit terug te rol. Verskaf 'n goeie wysigingsopsomming wanneer u aansienlike wysigings maak waarmee ander gebruikers miskien nie mag saam stem nie. Die hersiende weergawe van 'n artikel wat u verkies, sal nie gevestigd word deur 'n volgehoue terugrolling nie en dit word ook nie toegelaat om artikels voortdurend terug te rol nie. Dit word aanbeveel om die wysigings wat u bevraagteken op die betrokke besprekingsblad te bespreek. As u onbeskofte of ontoepaslike gedrag teëkom, weerhou uself daarvan om self onbeskof of ontoepaslik te reageer en moet beslis nie enige persoonlike aanvalle loods nie.

Sien gerus die Engelse riglyne oor "perfect article guidelines" en ons eie beleid rakende neutrale standpunt. Gesamentlik kan hierdie tekste u help om 'n verdedigende skryfstyl te handhaaf en ook u eie partydigheid in u artikels en besprekings te beperk.

Stap 1: Praat met die betrokke persone

Die eerste stap in die beslegting van enige geskil is om die oorsaak van die konflik op die betrokke gebruikersbesprekingsblad te bespreek. Persoonlike konfliksituasies word slegs op gebruikersbesprekingsbladsye bespreek en nie op artikels se besprekingsbladsye nie. Wanneer u 'n onderwerp bespreek, bly rustig en moenie persoonlike aantygings maak nie. Neem die ander persoon se perspektief en standpunt in ag en probeer om 'n middelweg te vind. U kan aanneem dat die betrokke partye in goedertrou optree, tensy u duidelike bewyse van die teendeel het.

Op hierdie stadium van die beslegting, en ook dwarsdeur die hele proses, is die bespreking met ander partye nie slegs 'n formaliteit wat u moet afhandel voor u na die volgende stap gaan nie. As u nie probeer om 'n gesprek in goedertrou voort te sit nie, sal dit veroorsaak dat u die konflik vermeerder, in plaas van om dit op te los. Dit sal ook maak dat ander persone minder simpatiek teenoor u standpunt is en mag selfs keer dat die latere stappe van geskilbeslegtig effektief voltooi word. As u egter volhou om met bespreking en ernstige onderhandeling tussen die betrokke persone, al is u nie dadelik suksesvol nie, sal ander persone kan sien dat u daarin belangstel om 'n oplossing te vind wat by die Wikipedia se riglyne pas en ook ander mense se standpunte in ag neem.

Stap 2: Skep afstand tussen u en die probleem

'n Eenvoudige oplossing vir enige argument is bloot om die argument te stop: u kan dit doen deur die betrokke artikel/gesprek tydelik te verlaat, sodoende kry die betrokke partye kans om kalm te word en twee keer na te dink voor hul weer aan die gesprek deelneem. U kan ook 'n onpartydige, neutrale bydraer vra om sy mening te lewer: dit is veral behulpsaam wanneer u verskil van 'n nuweling, wat miskien nie vertroud is met die beleid en kultuur van die Afrikaanse Wikipedia nie. In die tussentyd kan u op ander artikels konsentreer waar u wel 'n konstruktiewe bydrae kan lewer. U kan egter gerus enige vrae wat op u besprekingsblad gestel word antwoord, maar wanneer dit om die inhoud van 'n spesifieke artikel gaan, kan u voorstel dat die bespreking op die betrokke artikel se besprekingsblad geplaas word. Sodoende is alle inligting wat relevant tot die artikel is altyd op een plek.

Bedink en beskou dinge in die lange termyn. Dit is moontlik dat u naderhand na die artikel sal kan terugkeer met 'n vars perspektief aangaande die oorspronklike geskil. Dit is moontlik dat die probleme hulself (of met hulp) in die tussentyd opgelos het en die gebruiker van wie u verskil het na 'n ander artikel aanbeweeg het. Die artikel sal bly ontwikkel en u mag wel ander bydraers teëkom wat ook hul eie opinies het, indien die kwessie weer tevoorskyn kom.

Verder geskilbeslegting

As die bogenoemde stappe nie suksesvol is nie kan u probeer om die geskil te besleg deur een van die volgende metodes te gebruik. Welke metodes u kies (en in watter volgorde) sal afhang van die aard van die geskil en die voorkeure van die betrokke persone.

Bespreek met derde partye

Wikipedia werk deur die bereiking van konsensus. Om konsensus te verkry oor 'n betwiste onderwerp, mag dit nodig wees om meer persone te betrek.

  • Versoek kommentaar en opinies van ander bydraers. Die versoek kan in die Geselshoekie gelewer word, maar kommentaar moet wel op die betrokke besprekingsbladsye gelewer word.

As u nog nie tot 'n wapenstilstand gekom het teen hierdie tyd nie, moet u dit dadelik in werking stel. Voortdurende teenstrydige wysigings sal die geskil net erger maak. Dit is ook iets om in gedagte te hou wanneer u buitestaanders om hulp vra, aangesien 'n artikel waarvan die inhoud konstant verander hulle slegs sal verwar en keer dat hulle die saak regverdig kan oorweeg. Indien 'n redigeringsoorlog uitbreek en die betrokke partye weier om te stop, is dit raadsaam om 'n administrateur te kontak en te vra dat die bladsy tydelik beskerm word teen enige wysigings.

Informele bemiddeling

Somtyds word dit 'n bietjie so 'n bietjie netelig en kan dit nuttig wees om 'n paar koel koppe te vra om in te kom loer en hand te gee. Sommige bydraers wat 'n derde opinie gee of antwoord op versoeke vir kommentaar mag gewillig wees om as bemiddelaar op te tree, indien so versoek.

Formele bemiddeling

Plaas 'n versoek om bemiddeling in die Geselshoekie. Bemiddeling is 'n vrywille proses waarin 'n neutrale, onbetrokke persoon die betrokke partye help om 'n oplossing te vind wat by almal aanklank sal vind. Wanneer u aansoek vir bemiddeling doen moet u egter kan bewys dat u reeds die genoemde stappe probeer het ter beslegting van die geskil en dat alle betrokke partye ingestem het dat 'n bemiddelaar die enigste uitweg is. Bemiddeling kan nie plaasvind wanneer enige van die betrokke partye nie instem om aan die bemiddelingsproses deel te neem nie.