1913

Die jaar 1913 was 'n gewone jaar wat volgens die Gregoriaanse kalender op 'n Woensdag begin het. Dit was die 13de jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• Die sogenaamde Natives Land Act II word ingestel wat privaat eienaarskap van eiendom aan swart mense verbied.
• Kampsbaai en ander kleiner munisipaliteite word ingelyf by Kaapstad.
• 12 Maart – Canberra word die hoofstad van Australië.
• 13 Mei – Igor Sikorsky word die eerste persoon wat 'n viermotorige vliegtuig vlieg.
• 29 Mei – Igor Strawinski se tweeledige avantgardistiese ballet- en orkesstuk Le Sacre du printemps word vir die eerste keer deur die Russiese balletgeselskap Ballets Russes in die Paryse Théâtre des Champs-Élysées opgevoer.
• 24 Junie – Griekeland en Serwië herroep hul alliansie met Bulgarye.
• 29 Junie – Die tweede Balkan-oorlog begin.
• 1 November – Die Tintenpalast in Windhoek word amptelik ingewy.
• 5 November – Die mal koning Otto van Beiere word deur sy neef, kroonprins Ludwig, onttroon wat dan die titel Ludwig III aanneem.
• 21 Desember – Eerste blokkiesraaisel word in die New York World gepubliseer.

Geboortes

• 9 Januarie – Richard Nixon, Amerikaanse politikus en staatsman; 37ste President van die Verenigde State († 1994).
• 15 Januarie – Lloyd Bridges, Amerikaanse akteur († 1998).
• 25 Januarie – Robey Leibbrandt, bokser en politieke stormvoël († 1966).
• 30 Januarie – Amrita Sher-Gil, Indiese skilderes († 1941).
• 6 April – Gabriel de Jongh, 'n bekende Suid-Afrikaanse landskapskilder († 2004).
• 31 Mei – W.E.G. Louw, Afrikaanse digter († 1980).
• 4 Julie – Ulderico Sergo, bokser van Italië.
• 14 Julie – Gerald Ford, 38ste President van die Verenigde State († 2006).
• 18 Julie – Anna Cloete, Suid-Afrikaanse aktrise († 1999).
• 16 Augustus – Menachem Begin, Israeli premier († 1992).
• 12 September – Jesse Owens, Amerikaanse atleet († 1980).
• 27 Oktober – Prof. H.J.J.M. van der Merwe, Afrikaanse taalkundige († 1974).
• 2 November – Burt Lancaster, Amerikaanse akteur († 1994).
• 5 November – Vivien Leigh, Britse aktrise († 1967)
• 21 November – Gerhard Beukes, Afrikaanse skrywer († 1998).
• 22 November – Benjamin Britten, Engelse komponis, dirigent en pianis († 1976).
• 8 Desember – De Villiers Graaff, Suid-Afrikaanse politikus († 1999).

Sterftes

• 4 Januarie – Alfred von Schlieffen, Duitse generaal en militêre strateeg (* 1833).
• 4 Februarie – Gordon Sprigg, voormalige eerste minister van die Kaapkolonie (* 1830).
• 25 Maart – Lord Garnet Wolseley, 'n Britse Veldmaarskalk (* 1833).
• 31 Maart – J.P. Morgan, Amerikaanse finansier, bankier, filantroop en kunsversamelaar (* 1837).