Wikipedia:Burokraat

'n Burokraat op Wikipedia is 'n Administrateur met drie ekstra bevoegdhede. 'n Burokraat kan:

• administrateursregte gee aan 'n gekose administrateur,
• burokra shatregte gee aan 'n ander administrateur, en
• 'n gebruiker se gebruikernaam verander.

Wanneer 'n burokraat hierdie regte gebruik, is dit sigbaar by Spesiaal:Log/Rights.

Burokrate word per projek gekies en het geen ekstra regte by ander projekte nie. So byvoorbeeld het 'n burokraat by die Nederlandse Wikipedia geen ekstra bevoegdhede by die Afrikaanse Wikipedia nie. Burokrate help om die werkslas van waarde (stewards) te verlig deur bogenoemde take te verrig, maar uitsluitlik by die burokraat se projek. Waarde kan steeds hierdie take verrig, maar behoort dit vir plaaslike burokrate te los sodat plaaslike beleid gevolg kan word en die waarde hulle aandag kan toespits by projekte wat geen burokrate het nie. Die eerste burokraat van 'n projek moet deur 'n waard aangestel word. Slegs waarde en programmeerders (developers) kan administrateurs- en/of burokraatstatus van iemand ontneem.

Burokrate tree in belang van die gemeenskap op en handel dus volgens ooreengekome beleid en prosedure, en nie noodwendig slegs volgens eie oordeel nie (behalwe in gevalle waar spoedige optrede vereis word). Vir riglyne in hierdie verband, sien gerus die riglyne by die Nederlandse Wikipedia (in Nederlands). Mettertyd sal plaaslike beleid en riglyne ontwikkel word. Aangesien daar nie 'n groot werkslas is vir burokrate nie, en al hulle take ook deur waarde en programmeerders gedoen kan word, is daar geen nood dat 'n projek noodwendig baie burokrate hoef te hê nie (of selfs enigsins een hoef te hê nie).

Aansoeke om burokraatregte, asook kommentaar van die gemeenskap op hierdie aansoeke, word gedoen by Wikipedia:Aansoek om burokraatregte.

Outomatiese lys van huidige burokrate - Nominasies en selfnominasies vir Burokraatstatus

Sien ook

• Instruksies vir bogenoemde take (in Engels, onder aan die blad)
• Wikipedia:Administrateur
• m:Stewards
• m:Developers
• Spesiaal:Log/Rights - waar die aktiwiteite van burokrate aangeteken word.