Seoel: Verskil tussen weergawes

in Wikipedia, die vrye ensiklopedie
Content deleted Content added
Voyageur (besprekings | bydraes)
kNo edit summary
Etiket: 2017-bronwysiging
Voyageur (besprekings | bydraes)
kNo edit summary
Etiket: 2017-bronwysiging
Lyn 70: Lyn 70:
'''Seoel''' ([[Koreaans]]: 서울특별시, [sʌ.ul], {{Audio|Ko-Seoul.ogg|luister}}, "Hoofstad") is die [[hoofstad]] en grootste stad van [[Suid-Korea]]. Seoel is, met 'n bevolking van sowat 10 miljoen, een van die grootste stede in die wêreld en het 'n oppervlakte van 605,21&nbsp;km². 'Seoul' kom van die Koreaanse woord vir "hoofstad".<ref>{{en}} [http://uk.holidaysguide.yahoo.com/p-travelguide-221948-seoul_history-i Yahoo – 20 Mei 2010]</ref> Seoel was die gasheerstad vir die [[Olimpiese Somerspele 1988]] en een van die vergaderplekke van die [[FIFA Sokker-Wêreldbekertoernooi in 2002]].
'''Seoel''' ([[Koreaans]]: 서울특별시, [sʌ.ul], {{Audio|Ko-Seoul.ogg|luister}}, "Hoofstad") is die [[hoofstad]] en grootste stad van [[Suid-Korea]]. Seoel is, met 'n bevolking van sowat 10 miljoen, een van die grootste stede in die wêreld en het 'n oppervlakte van 605,21&nbsp;km². 'Seoul' kom van die Koreaanse woord vir "hoofstad".<ref>{{en}} [http://uk.holidaysguide.yahoo.com/p-travelguide-221948-seoul_history-i Yahoo – 20 Mei 2010]</ref> Seoel was die gasheerstad vir die [[Olimpiese Somerspele 1988]] en een van die vergaderplekke van die [[FIFA Sokker-Wêreldbekertoernooi in 2002]].


Seoel se ongekende groei van 'n rustige residensiestad met 'n halfmiljoen inwoners voor die begin van die Korea-oorlog in 1950 tot een van die belangrikste wêreldmetropole weerspieël die geskiedenis van Suid-Korea en sy hard werkende bevolking wat in enkele dekades die transformasie van 'n bitterarm land tot een van die voorste nywerheidslande op aarde bewerkstellig het.
Seoel se ongekende groei van 'n rustige residensiestad met 'n halfmiljoen inwoners voor die begin van die Korea-oorlog in 1950 tot een van die belangrikste wêreldmetropole weerspieël die geskiedenis van Suid-Korea en sy hard werkende bevolking wat in enkele dekades die transformasie van 'n bitterarm land tot een van die voorste nywerheidslande op aarde bewerkstellig het. Met 'n bevolking van meer as tien miljoen kwalifiseer Seoel as 'n megastad. Sy metropolitaanse gebied, waar met 25 miljoen inwoners die helfte van Suid-Korea se bevolking saamgetrek is, is die tweede grootste op aarde na dié van Tokio-Jokohama in Japan.


== Geskiedenis ==
== Geskiedenis ==

Wysiging soos op 13:54, 15 April 2020

Seoel
서울특별시

Kaart Seël
Vlag
 Land Vlag van Suid-Korea Suid-Korea
 Region Seoel Hoofstadgebied
 Koördinate 37°34′N 126°59′O / 37.567°N 126.983°O / 37.567; 126.983
 Stigting 18 v.C.
 Oppervlakte:  
 - Totaal 605,21 vk km
 Hoogte bo seevlak 0–100 m
 Bevolking:  
 - Totaal (2018) 9 838 892
 - Bevolkingsdigtheid 16 000/vk km
 - Metropolitaanse Gebied 25 600 000
 Tydsone UTC+9
 Burgemeester Park Won-soon
 Amptelike webwerf www.seoul.go.kr
Nagaansig van die Gyeongbokgung-paleis, die grootste van vyf koninklike residensies in Seoel. Die Koreaanse naam beteken "Paleis van stralende geluksaligheid"

Seoel (Koreaans: 서울특별시, [sʌ.ul], , "Hoofstad") is die hoofstad en grootste stad van Suid-Korea. Seoel is, met 'n bevolking van sowat 10 miljoen, een van die grootste stede in die wêreld en het 'n oppervlakte van 605,21 km². 'Seoul' kom van die Koreaanse woord vir "hoofstad".[1] Seoel was die gasheerstad vir die Olimpiese Somerspele 1988 en een van die vergaderplekke van die FIFA Sokker-Wêreldbekertoernooi in 2002.

Seoel se ongekende groei van 'n rustige residensiestad met 'n halfmiljoen inwoners voor die begin van die Korea-oorlog in 1950 tot een van die belangrikste wêreldmetropole weerspieël die geskiedenis van Suid-Korea en sy hard werkende bevolking wat in enkele dekades die transformasie van 'n bitterarm land tot een van die voorste nywerheidslande op aarde bewerkstellig het. Met 'n bevolking van meer as tien miljoen kwalifiseer Seoel as 'n megastad. Sy metropolitaanse gebied, waar met 25 miljoen inwoners die helfte van Suid-Korea se bevolking saamgetrek is, is die tweede grootste op aarde na dié van Tokio-Jokohama in Japan.

Geskiedenis

Die middestad van Seoel met die Lotte World Tower
Distrikte van Seoel

Nedersetting in die gebied dateer uit prehistoriese tye, toe klein Neolitiese gemeenskappe ongeveer 20 000 jaar gelede langs die Hanrivier gewoon het. Die stad Wiryeseong, gestig as die hoofstad van Paekche (ook gespel Baekje), een van Suid-Korea se Drie Koninkryke, was geleë presies waar Seoel vandag staan. Daar is oorblyfsels van die oorspronklike stadsmure in die suid-ooste van die sentrale Seoeldistrikte.[2]

Die geskiedenis van Seoel as 'n nedersetting het waarskynlik in 18 vC begin, toe dit die hoofstad van die Baekjekoninkryk geword het. Daarna was dit die hoofstad onder verskeie heersers, en het verskeie name onder die verskeie heersers gehad.[3]

Seoel was die suidelike hoofstad van die Koryo-dinastie na die val van Silla in die 10de eeu, en talle paleise, Boeddhistetempels en administratiewe geboue is in daardie tyd opgerig. Seoul het gegroei tot 'n ware stad, met 100 000 inwoners, nadat dit in 1392 weer die hoofstad geword het onder die Joseon-dinastie. Seoel is tot 1910 regeer deur die feodale stelsel van konings, aristokrate, kleinboere, slawe en uitgeworpenes.

In 1910 het die Japannese Korea ingeval, en vir 35 jaar was Seoel onder Japannese koloniale heerskappy. Korea is in 1948 vrygestel van Japannese heerskappy, en Seoel het in 1953 weer die hoofstad geword.[3]

Geografie

Die stad lê in die noorde van Suid-Korea naby die grens met Noord-Korea. Die stad word in twee verdeel deur die Hanrivier, wat voorheen gebruik is as 'n handelsroete na China en bygedra het tot die stad se ontwikkeling. Seoel is omring deur berge, maar die stad self is relatief plat, aangesien dit op die Hanriviervlakte geleë is. Die gemiddelde hoogte in Seoel is 86 meter bo seevlak.[4]

Klimaat

Die klimaat van Seoel word beskou as beide 'n vogtige kontinentale klimaat en 'n subtropies-vogtige klimaat, want die stad lê op die grens van hierdie twee klimaatsones. Die somer is gewoonlik warm en vogtig en die winter koud en droog. Die stad kry gemiddeld 28 dae sneeu per jaar. Die gemiddelde minimumtemperatuur in Januarie is -6˚C en die gemiddelde maksimumtemperatuur in Augustus is 29,5˚C.[4]

Vervoer

Spitsuur in Seoel

Seoel het 'n moderne en doeltreffende openbare vervoerstelsel van busse en moltreine. Die moltrein-netwerk bestaan uit 9 lyne. Inligting by die stasies word in Koreaans en Engels vertoon.[5]

Incheon Internasionale Lughawe (IATA: ICN, ICAO: RKSI), die grootste lughawe in Suid-Korea, is 48 km wes van Seoel geleë, en is die primêre lughawe in Seoel. Dié lughawe word sedert 2001 bedryf toe dit die ouer Gimpo Internasionale Lughawe vervang het. Gimpo-lughawe bedien nou meestal binnelandse bestemmings en pendelvlugte na alternatiewe lughawens in China, Japan en Taiwan.[6]

Verwysings

  1. (en) Yahoo – 20 Mei 2010
  2. (en) "Seoul History Facts and Timeline". Besoek op 26 Junie 2016.
  3. 3,0 3,1 (en) "Seoul History". Besoek op 26 Junie 2016.
  4. 4,0 4,1 (en) "Overview of Seoul – The Capital and Largest City in South Korea". Besoek op 26 Junie 2016.
  5. (en) "Getting around Seoul". Besoek op 26 Junie 2016.
  6. (en) "Seoul International Airport". Besoek op 26 Junie 2016.

Eksterne skakels