Wikipedia:Geselshoekie

Sien ook:

• Wikipedia:Welkom nuwelinge wat veral op nuwelinge gemik is.
• Wikipedia:Gebruikersportaal vir nuttige skakels vir alle gebruikers.
• Wikipediabespreking:Geselshoekie vir bespreking van die toekoms van hierdie bladsy.
• Taalforum vir besprekings oor taalprobleme. Die juiste terme, spellings ensomeer.

Verdere hulp:

Vir volledige hulp, riglyne en beleid (algemeen en spesifiek), raadpleeg gerus die

• Engelse Community Portal,
• Nederlandse Gebruikersportaal en
• Meta Wikipedia.

Argief
04-06	2007	2008
2009	2010	2011
2012	2013	2014
2015	2016	2017
2018	2019	2020
Hoe word 'n argief aangelê?

Welkom by die Afrikaanse Wikipedia se algemene geselshoekie. Enigiemand is welkom om deel te neem aan die besprekings hier: teken asseblief u besprekings deur ~~~~ te tik, of die "Handtekening met datum"-ikoon () te kies op die redigeringskieslys.

Ou besprekings word na die argief geskuif (sien die navigasiekas regs). As u 'n gesprek wil voortsit wat reeds in die argief is, word aanbeveel dat u die betrokke dele uitknip en hier plak.

Hierdie blad is vir algemene besprekings, besprekings omtrent 'n spesifieke artikel kan op daardie artikel se besprekingsblad begin word; sodoende kan dit ook deur toekomstige bydraers en redigeerders gelees word.

Vir die jongste nuus van WikimediaZA, besoek gerus ons Facebook bladsy, word lid van die Afrikaanse poslys of besoek ons Tuisblad in Afrikaans

>>> Voeg 'n nuwe onderwerp by <<<

April 2020

Die vyf suile/pilare van Wikipedia (vertaling voorgelê)

Oesjaar het my gevra om die vertaalwerk te doen; ek laat die bewoording nou aan julle oor.

Wikipedia is an encyclopedia Our encyclopedia combines many features of general and specialized encyclopedias, almanacs, and gazetteers. Wikipedia is not a soapbox, an advertising platform, a vanity press, an experiment in anarchy or democracy, an indiscriminate collection of information, or a web directory. It is not a dictionary, a newspaper, or a collection of source documents, although some of its fellow Wikimedia projects are.	Wêreldklasensiklopedie As ensiklopedie is Wikipedia nie die geskikte plek vir bokwapraters, seepkisredenaars, reklametruuks of selfverering nie. Meningspeilings en stemtellery vervang nie indringende bespreking om oor 'n netelige saak tot 'n vergelyk te kom nie. As oop en selfregerende projek wil Wikipedia ook nie anargie stig of aanhits nie. Die ensiklopedie is ook nie die oplaaiplek van sommer enige willekeurige en lukrake inligting of gids nie. Wikipedia is nie 'n woordeboek, nuusbron of databank van oerdokumente nie - ander susterprojekte beywer hul daarvoor.
Wikipedia is written from a neutral point of view We strive for articles in an impartial tone that document and explain major points of view, giving due weight with respect to their prominence. We avoid advocacy, and we characterize information and issues rather than debate them. In some areas there may be just one well-recognized point of view; in others, we describe multiple points of view, presenting each accurately and in context rather than as "the truth" or "the best view". All articles must strive for verifiable accuracy, citing reliable, authoritative sources, especially when the topic is controversial or is about a living person. Editors' personal experiences, interpretations, or opinions do not belong on Wikipedia.	Neutrale standpunt Wikipedia bied 'n samevatting van inligting aan die leser, waarin al die verskeie gestaafde standpunte wat beskikbaar is, in welke konteks dan ook, korrek weergegee moet word. Die ensiklopedie is geen vaandeldraer wat 'n sienswyse of mening as die "absolute waarheid" bo die ander huldig, voor stry of verkondig nie. Die artikels se inligting moet bewysbaar wees en van gesaghebbende en betroubare bronne gebruik maak, veral oor polemiese onderwerpe of rakende lewende individue. Bydraers se eie smake, sienings, ongepubliseerde navorsing, ervarings, menings of vertolkings gaan Wikipedia nie aan nie.
Wikipedia is free content that anyone can use, edit, and distribute Since all editors freely license their work to the public, no editor owns an article and any contributions can and may be mercilessly edited and redistributed. Respect copyright laws, and never plagiarize from any sources. Borrowing non-free media is sometimes allowed as fair use, but strive to find free alternatives first.	Vrye inhoud vir iedereen Die bydraers stel hul werk vir die openbare gewin vry; derhalwe besit niemand 'n artikel nie en wysigings kan ongestoord voortgaan en versprei word. Slaan ag op outeursreg en maak jou sodoende nie skuldig aan letterdiefstal nie. "Billike gebruik" (betreffende media wat onderhewig is aan kopiereg) word onder sekere voorwaardes wel toegestaan, maar die openbare besit geniet voorkeur.
Wikipedia's editors should treat each other with respect and civility Respect your fellow Wikipedians, even when you disagree. Apply Wikipedia etiquette, and do not engage in personal attacks. Seek consensus, avoid edit wars, and never disrupt Wikipedia to illustrate a point. Act in good faith, and assume good faith on the part of others. Be open and welcoming to newcomers. Should conflicts arise, discuss them calmly on the appropriate talk pages, follow dispute resolution procedures, and consider that there are 6,043,122 other articles on the English Wikipedia to improve and discuss.	Beleefdheid Wees beleefd, veral wanneer ander van jou wil verskil. Los die moddergooiery en probeer die onderlinge geskille skaflik te besleg. Soek die goue middeweg, ontlont wysigingsoorloë en moenie Wikipedia dwarssit bloot om skuiwergate uit te wys nie. Handel te goeder trou en neem ander se bydraes goedertrou aan. Verwelkom nuwelinge hartlik. Klaar 'n geskil op die betrokke besprekingsblaaie uit op die billike manier en onthou van die duisende ander artikels op die Afrikaanse Wikipedia wat wag.
Wikipedia has no firm rules Wikipedia has policies and guidelines, but they are not carved in stone; their content and interpretation can evolve over time. The principles and spirit matter more than literal wording, and sometimes improving Wikipedia requires making exceptions. Be bold, but not reckless, in updating articles. And do not agonize over making mistakes: (almost) every past version of a page is saved, so mistakes can be easily corrected.	Geen onwrikbare stel reëls of voorskrifte Wikipedia se beleid en riglyne is geen inknellende, gebonde wet van die Meders en Perse nie, maar soepel en buigsaam. Die gebruikers gee gehoor aan die gees van die wet, nie die letter daarvan nie; soms is uitsonderings wel noodsaaklik. Voel vry en gaan jou gang, maar gaan jou nou ook nie heeltemal te buite wanneer jy artikels bywerk nie. Sou jy 'n ou foutjie begaan is dit geen doodsake nie: die meeste blaaie kan gemaklik teruggerol word na die ouer weergawe.

Suidpunt (kontak) 17:38, 27 Maart 2020 (UTC)

Gemeenskap, ek soek terugvoering hier asb! Groete! Oesjaar (kontak) 14:04, 10 April 2020 (UTC)

Toe en nou

'n Tydjie na middernag, d.w.s. vroeg vanoggend, hoor ek toevallig 'n onderhoud op RSG wat hulle uit die argief opdiep. Wat my eerste opval van dié onderhoud wat André Potgieter voer met Alba Bouwer is die goeie Afrikaans, en wel deur albei. Eenvoudige en korrekte Afrikaans wat so verfrissend is dat ek enduit moes luister, en dit blyk toe dat die onderhoud reeds in 1964 opgeneem is. Daarna nog 'n onderhoud met haar uit 1970 wat byna ewe interessant was. Baie anders as die Afrikaans wat in 2020 die norm is, waar jy om elke draai met 'n nuwe anglisisme of wankonstruksie gekonfronteer word. Dit klink of mense nie meer Afrikaans kan praat nie, en Afrikaans is nie juis een van die wêreld se moeilike tale nie. Die besigheidsman vertel op RSG dat sy maatskappy sy "dividend 'n mis gee", en die Afrikaanse ouens op die Voetspore tv-program kan skaars 'n sin sonder 'n blaps voltooi. Een vra bv. "Is jy georden?", en bedoel blykbaar, "Is jou sake in orde?" Een taalramp na die ander. Nietemin, danksy wikipedia kon ek nou met waardering gaan lees wie Alba Bouwer was. JMK (kontak) 21:03, 29 Maart 2020 (UTC)

Ek gaan nou self 'n knuppel in die hoenderhok gooi. Dit was my beurt om skottelgoed af te droog en my ouers kyk na "Jan" op VIA. Hy is 'n Michelin-chef. Sy Frans is makelloos, maar eenvoudig. So netjies en keurig sy omgangstaal met die Franse connoiseurs en chocolateurs en die policière is, so begin my ore te bloei wanneer hy Afrikaans praat. Of hy nou 'n sjef of kok is, ofte nie, wat ek hoor is 'n skrynende kombuistaal!

Dit is byna onmoontlik om hierdie gedrag te bepaal.

• As dit 'n teken van minderwaardigheid is, hoe moes diegene in 1950 nie gevoel het onder Britse bewind nie? Alles in die stad is nog in Engels.
• As dit 'n gebrek aan opvoeding is - vroeër was geen boek oor anglisismes te kry nie en vakwoordeboeke en spreekwoordeboeke haas onbekend of ontoeganklik. Die WAT was net vir die skatrykes bedoel, of vir diegene wat elke sent omgedraai het vir 'n leergebonde eksemplaar. Vandag het ons die Virtuele Instituut vir Afrikaans wat dit gratis en verniet aanbied.
• As dit 'n gebrek aan media is - biblioteke was nog in sy kinderskoene op die platteland.
• As dit 'n gebrek aan blootstelling is - jy sou destyds wens om Afrikaans op blikkie-etikette te vind.
• As dit 'n gebrek aan taalontleding is - daardie tyd, net soos vandag, het niemand ooit nagedink oor die verskil tussen "'n hond waai sy stert" (boontoe) en "'n hond swaai sy stert" (ondertoe), vir 'n "dog wags its tail", wat op 'n duidelike betekenisverskil dui nie. Dit kom vanself. Nou kry jy mense wat praat van "hoe proe dit?" as bedoel word "hoe smaak dit?" want 'proe' is 'n verkorting van "probeer". En al is dit ook hoe onlogies, dis reeds ingeburger. Volgens F.F. Odendal bestaan daar nie iets soos logika in taal nie. Inderdaad: die volksetimologie bewys dit keer op keer. Maar nou dien dit as gerieflike verskoning vir die soveelste taalfout. En so kom jy later met moord weg.
• Voorsetsels is die eerste teken van taalverandering. Ek is voortdurend op my hoede daarvoor. Ek betrap my nou die dag toe ek aan 'n vriend skryf oor my besoekie aan die Strand terwyl ek in die Strand Pavilion tuisgegaan het: "wat van die ou hawehoof oorgebly het word nou inderdaad bevolk met al wat nat seevoël is". Wag, dit klink nie reg nie. Dit moet seker deur wees? En tog: in die WAT vind ek 'n voorbeeld uit 1955. Is ek nou reg, of verkeerd? Niemand weet nie. In Engels is "populated by" en "populated with" albei korrek. So ook in Hollands: "bevolkt door" het die hoogste treffertal op Google, maar "bevolkt met" gaan terug tot in 1672. Anglisisme is dit hoegenaamd nie. Duits ken slegs "von ... bevölkert".

Die vermoedens wat ek het, is:

• Die Afrikaanssprekende het 'n vieslike naprater geword. Al wat Engelse is begin hul antwoord deesdae op eenvoudige Ja/Nee-vrae met "so..."

Byvoorbeeld:

Vraag: Did you start a new company back then?

Antwoord: So, we first took a more modern approach...

En dit is donders hinderlik vir my Kontinentaal-Germaanse ore. Ek hoop hierdie gier waai sommer vinnig oor.

Die Hollanders gebruik "nou" (uitgespreek "nauw") as stopwoord hiervoor. Ek het dit die eerste keer op Paw Patrol gehoor:

Chase: "Wie moet dan dat doen?"

Ryder: "Nauw, jij Chase!"

Gaan ons hierdie "so" met "nou" begin vervang?

Vraag: Was dit lekker by die see?

Antwoord: Nou, ons is bietjie windverwaaid daar weg...

• Jou Afrikaans in die koerante was byna formeel, selfs kanseltaal, met sterk neerlandismes. Dit sou die Afrikaans op die een of ander wyse moes beïnvloed het. Vandag is "toeganklikheid" glo aan die orde van die dag, maar toeganklik vir "wie" en "wat"? Gaan ons binnekort verplig word om 'n woordeskat van 120 woorde te gebruik? Zo waarlijk helpe my...

• Jou Afrikaans op die kansel het geneig-neig na Hollands. Seker maar die woorde wat in Amsterdamse lesingsale gehoor is.

• Ek het vir Dan Roodt in die verlede al hieroor uitgevra, en volgens hom bly hierdie omroepers in voorstede tussen eentalige Engelse, wat later ook meer as net die taal in hul daaglikse omgang aanneem: "Die omroepers van RSG woon in die Engelse Johannesburg en verengels gaandeweg in hul uitkyk en taalgebruik." Ook sommer as gesinstaal. Die mikrofoon is slegs hul brood en botter. Weg van die mikrofoon word hulle omring deur 'n Engelse vriendekring en so word daardie onafrikaanse taalpatrone ingeskroei. Daarteenoor was die meeste Afrikaanssprekendes vroeër woonagtig op die plaas of het verkieslik tussen ander Afrikaners gebly van dieselfde stand. Interessant genoeg bly dr. Roodt op die gholflandgoed Dainfern waar hy in 2011 omsingel was deur 65% wat Engelssprekend is, 5% wat Afrikaanssprekend is en 21,6% anderstaliges (d.i. Frans, Duits, Hollands ens.). Ek dink ek weet nou waar sy grootste ergernis (pet-hate) vandaan kom: sonde met die bure! Moet net nie sy dag met mushrooms begin nie.

• As jy daaraan gewoond is om soos in Latyn woorde en frases voortdurend af te stof en op te rakel en uit die ou meesters aan te haal (of uit Shakespeare), wel, dit kry jy blykbaar nie in Afrikaans nie. Ek hou wel 'n boekie byderhand waarin ek interessante bewoording en sinsbou aanteken vir latere gebruik. Byvoorbeeld: "'n Draad breek waar hy die swakste is" vind ek in die WAT, maar geen tweetalige woordeboek vir "The chain is only as strong as the weakest link" nie. Dit vind ek nuttig.

• Vanoggend weer gehoor van die ou "narratief". Nog 'n woord wat hulle êrens gehoor het. Iemand wat die lettere studeer het lag hom oor 'n mik soos die inbellers hierdie woord wild uit die lug gryp. Jy bedoel seker "diskoers" of "gesprekvoering"?

Die Hollanders het veral hierdie vlymskerp oordrywingsvorme wat my laat skater van die lag.Suidpunt (kontak) 05:14, 30 Maart 2020 (UTC)

Nauw as stopwoord: ek let drie voorvalle van hierdie stopwoord op in hierdie kort insetsel: [1]

Oké, nauw ...

Nauw ja, goed ...

Nauw, mevrouw ...

– K175 (skil 'n appeltjie) 08:46, 30 Maart 2020 (UTC)

Nauw, dat doe je gewoon niet, hoor... ;) Suidpunt (kontak) 05:45, 1 April 2020 (UTC)

Banier 

Ek dink die banner wat boaan artikels verskyn oor "Afrika onderweg of vervoer", is dalk in hierdie tyd 'n bietjie onvanpas. Kan 'n mens dit vir eers afhaal? ~ Burgert (kontak) 17:31, 30 Maart 2020 (UTC)

Bedoel jy die banier? Charlielv55 (kontak) 17:35, 30 Maart 2020 (UTC)

Efebiese eed 

More gemeenskap

Ek het die Engelse onderwerp "Ephebic oath" vertaal om die Afrikaanse vertaling van die eed ook op Wikipedia te plaas, maar sowaar vergeet om die opskrif te vertaal en nou sien ek nie hoe om dit te doen nie?! Kan iemand asseblief help? Groete Gebruiker:PetronelFourie

Goeiedag, artikel is aangestuur na 'Efebiese eed', groete :) Charlielv55 (kontak) 09:06, 31 Maart 2020 (UTC)

Terloops, baie dankie vir die artikel! Charlielv55 (kontak) 09:08, 31 Maart 2020 (UTC)

Dankie Charlielv55, ek waardeer dit! PetronelFourie

5G en die groot petisie.

As mense nog nie weet nie, daar is 'n moerse petisie wat op change.org die rondte doen en elke liewe kwartier is daar iemand (of 6, 7, 8, 9 of 30 individue) wat dit onderteken. Die petisie loop al 'n jaar lank, maar kry nou eers momentum.

RSG (en Maroela Media) wat ek weet ons geselshoekie met belangstelling dophou, sal met 'n ligte google gou uitvind, waarom, sedert die Coronavirus, die teiken ondertekenaars opgeskuif is vanaf 25k handtekeninge na 35k handtekeninge. 'n Hele paar mense sal blykbaar nou liewer optiese vesel verkies. Dalk ietsie vir 'n geselsprogram...

@Oesjaar, ek weet 5G is jou brood en botter, dus... vraagteken? Suidpunt (kontak) 04:42, 2 April 2020 (UTC)

Ek dink hierdie artikel het 'n gebalanseerde en neutrale uitsig op die saak. - Rooiratel (kontak) 05:37, 2 April 2020 (UTC)

Dankie. Ek gaan nou in elk geval 'n kort oorsig gee.

Eers was daar die teorie dat die simptome van die Coronavirus eintlik dié van 5G is.

Redes wat aangevoer word is plesierbote, lughawens en hospitale wat almal hierdie tegnologie glo het. Ook dat Vodafone en Huawei 5G die eerste keer in Wuhan ontplooi het. Daarna Spanje, Italië, die VSA - en dit duur 6 maande voor die simptome begin toon. Toevallig die lande met die meeste siekes. As deel van die sameswering, lui die een weergawe, 'plant' die dokters 'n 'fop-virus' op jou en sê jy is siek [waarom hulle so masochisties elke dag in 'n radio-aktiewe hospitaal rondloop en wag op hul eie dood, weet nugter]. Die rede waarom 5G moet ontplooi word is ("Materia Primoris"-liedjie van X-files speel) die NWO, want dan sal die hele wêreld besoedel wees met hommeltuie om op jou te spioeneer en nog meer data van jou insamel. Daarvoor is 20 Gbisse/s nodig. Diegene wat nie teen die Coronavirus ingeënt is nie, sal nie kan koop en verkoop nie [gaaf, dan gaan bly ek tussen die Amish of stel selfs strenger toegangsvereistes by die sekuriteitskompleks: REG VAN TOEGANG VOORBEHOU. 40 dae kwarantyn vir staatsbeamptes by voorbaat, asseblief, insluitend die Staatspresident. Wie wil in elk geval in 'n smethool soos Johannesburg gaan bly?]

Toe dit nou duidelik word dat 'n staat soos Rusland, waar 5G maar in sy kinderskoene is en Wi-Fi glo ontmoedig, ook die afgelope weke Corona-gevalle kry [al word aangevoer die wérklike getalle word, soos in Noord-Korea, doodgesmoor], en Suid-Afrika maar in 'n eksperimentele fase verkeer (wat tog wys die virus is aansteeklik), begin die teoretici 'n bietjie terug te krabbel en sê, nee - dit is die immuunstelsel wat nou verswak is en die oumense meer vatbaar maak vir Corona. Die getalle in Suid-Afrika en Rusland is dus wel steeds minder as Spanje en Italië s'n. Dit verstaan ek glad nie, want sulke radiodienste soos hierdie werk na twee kante toe, jy sou dit juis meer onder die jeug verwag wat spontaan 'n nuwe orgaan gekweek het - ons noem hom die selfoon. Meer nog wonder mens waarom diere nie ook geaffekteer word nie. Al wil jy glo daardie blikkeel, dis nou Fiebie, daardie lastige bewehondjie van die bure, is 'n robot, is hy/sy tog van hare en weefsel gemaak nes jy. Suidpunt (kontak) 07:27, 2 April 2020 (UTC)

5G het gearriveer nadat ek die omgewing verlaat het. Wat ek ek wel weet is dat 5G teen 'n baie hoër frekwensie werk. Daar is baie berigte oor die effekte van die hoër frekwensies op mense, ek is nie kundige nie. Wat ek wel kan sê bly weg van anttennas, as gevolg van die hoë Watts wat daar uitgestraal word! Groete! Oesjaar (kontak) 09:00, 5 April 2020 (UTC)

Dankie! Suidpunt (kontak) 10:13, 5 April 2020 (UTC)

Opdatering: die storie trek nou by die beoogde 50 000 ondertekenaars. En trek reeds by 40k handtekeninge. Suidpunt (kontak) 10:24, 5 April 2020 (UTC)

Bogenoemde is afgevee - Hier is nog een Suidpunt (kontak) 08:29, 7 April 2020 (UTC)

Regsartikels: 'n vraag

Ek het op die volgende resensie afgekom van Pornografie, sensuur en reg deur P.B. Geldenhuys.

Iets wat soos 'n paal bo water staan is die volgende op bl. 124:

Maar in die algemeen het Geldenhuys die gevare leer ken wat daarin opgesluit lê as 'n mens sonder erkenning standpunte en voetnootverwysings van ander skrywers gaps - veral as 'n mens so 'n verwysing met fout en al naskryf - maar dit moet aan sy adres beklemtoon word dat dit ook wetenskaplik onaanvaarbaar is vir 'n akademikus om feitemateriaal (met die nodige erkenning) uit sekondêre bronne te put, veral indien die primêre bron vryelik in Suid-Afrika beskikbaar is. Die soort gesag waaroor Geldenhuys hom van hoorse laat bedien - en waar die primêre bronne gemaklik bekombaar is - sluit in Amerikaanse hofsake [...] Suid-Afrikaanse hofsake [...] en al die beslissings van die Appèlraad oor Publikasies. Wat laasgenoemde betref, haal Geldenhuys hoofsaaklik sy inligting uit koerantberigte en -kommentare. (my beklemtoning)

Eina.

Kom ons kyk gou na Sensuurwet. Wat enige leser sal opval is juis die sekondêre bronne waarvan ek gebruik gemaak het. Dit sluit in werke van letterkundiges, verslaggewers (die groentjies van die koerantbedryf... erken dit nou maar) 'n drukgroep, 'n joernalis of twee... Dit is geen regskenners nie, dus kan wat hul interpretasies betref met 'n greintjie sout aanvaar word. Wat ons wel het is 'n opsomming van "indrukke" wat die skrywers omtrent die wet het.

(Iemand het nou die dag juis begin opmerk dat die pers lankal nie meer die Coronavirus wetenskaplik benader nie, maar ook net oorgaan op "indrukke" en so paniek saai).

Adv. G.C. Steyl is die enigste ou wie se Regters aan die woord: 'n aantal uitsprake van die Hooggeregshof sonder probleme aangehaal kan word, juis omdat die bewoording, hetsy vertaal of nie, net so gestenografeer weergegee is. En tog is sy werk ook 'n sekondêre bron!

Dit laat my dus nou wonder, met daardie hele lys bronne wat ek vanoggend opgestel het, of ek nou maar liewers die artikel eers maar moet los. Die enigste persoon wat ek nog oorweeg het is Hilda Grobler se verhandeling van 1989 in die regswese. Die werk moet tog sekerlik deur 'n regskenner nagesien gewees het?

En tog:

P. B. Geldenhuys, senior lektor in Staatsreg en Regsfilosofie aan die Universiteit van die Oranje-Vrystaat [...] Die vraag wat tans oorweeg moet word, is egter of Geldenhuys se boek vir die leserskring van die Tydskrif vir Regswetenskap, dus vir geskoolde en studerende regsgeleerdes, van waarde is; dit wil se of dit vir die regspraktisyn as naslaanwerk of ' vir die regstudent as handboek bruikbaar is. Op hierdie vraag moet na my mening ontkennend geantwoord word.

'n Mens kon daardie tyd nie eens jou dosente vertrou nie! En die ergste van alles is, daar is hoeveel 'gesaghebbende' boeke daarbuite wat mildelik uit hom aanhaal.

'n Mens sou dus RSG se Regsake-potgooi ook as sekondêre bron kon verwerp?

Ek is nou regtig bekommerd dat ek besig is om die Afrikaanssprekende publiek deur my onkunde en onwetendheid te mislei. Suidpunt (kontak) 08:11, 5 April 2020 (UTC)

• Gee my kans om aan hierdie te herkou... Sjoe! Sooibrand... Groete! Oesjaar (kontak) 20:24, 5 April 2020 (UTC)

Wat is: maraging steel.

Gemeenskap, ek spartel met die vertaling van die Tiger I-tenk. Uit die Engels, wat sal die tipe staal wees uit die volgend:and were made of maraging steel. Groete! Oesjaar (kontak) 20:19, 5 April 2020 (UTC)

Al vertaling wat ek kry by Viva vir "maraging" is "martensitiese veroudering" met die nota "van staal".

Dus moet mens seker skryf "staal wat martensitiese veroudering ondergaan het"? Of wat van 'martensitiese verharding ondergaan het'?

Nou raak dit interessant, want die Hollanders neem "maragingstaal" sonder veel nadenke net so oor. Die Duitsers, wat die geskiedenis ken van hul Adolf Martens, die Duitse metallurg, sê: aikôna. Dit is 'Martensitaushärtender Stahl', oftewel 'martensiet-(termo)verhardende staal'. Besluit self. Suidpunt (kontak) 21:09, 5 April 2020 (UTC)

Dankie! Oesjaar (kontak) 21:12, 5 April 2020 (UTC)

Ek het martensiet-(termo)verhardende staal gekies... Kort nou artikeltjie hieroor! Groete! Oesjaar (kontak) 14:00, 6 April 2020 (UTC)

Swak rekenaarvertaalde artikels

Gemeenskap, Gebruiker:MrWaxwell is nou al vir 'n geruime tyd besig om swak vertaalde artikels hier op ons Wiki te stort. Ek het hom reeds driekeer gevra om sy artikels na te gaan en te verbeter, sonder sukses. Ek versoek toestemming om hom as gebruiker hier te skrap. Groete! Oesjaar (kontak) 07:04, 8 April 2020 (UTC) [Klein spelverbetering deur Aliwal2012 gedoen]

Ek ondersteun jou ten volle Dumbassman (kontak) 10:11, 8 April 2020 (UTC)

Ondersteun 100% – Toe ek hier meer as tien jare gelede begin het, is rekenaarvertaalde artikels na 14 dae se wagtyd verwyder met die rede: "Swak Afrikaans (reeds 2 weke+ nie vertaal of verbeter nie)" of "Rekenaarvertaalde inhoud". Nou groei beide Kategorie:Bladsye wat vertaal moet word en Kategorie:Gaan taal na net lekker. Gaan ons swak artikels verwyder of bogenoemde se twee redes vir verwydering? Ek vra maar net (en ondersteun die eerste). Groete. --  SpesBona 21:45, 8 April 2020 (UTC)

Maroela Media se gebruik van Kennis en Wêreldspektrum

Gemeenskap, neem asb kennis dat WikimediaZA vir Maroela Media amptelik versoek het om hulle gebruik om artikels net so uit Kennis en Wêreldspektrum te kopieer te staak aangesien hulle die beleid van Wikipedia oortree en daar ook kopiereg vraagstukke is. Alhoewel Maroela Media wel met hulle regspan gepraat het, het hulle regspan geen beheer of seggenskap oor Wikipedia beleid nie. Wikipedia is 'n regspersooon en kan gedagvaar word. WikimediaZA is gelukkig in die sin dat die voorsitter Gebruiker:Discott deel is van 'n nasionale groep wat die bestaande Kopiereg wet bevraagteken het (nou reeds vir paar jaar veg...) en uit die groep se aksies is daar tans 'n nuwe voorgestelde konsep wat nou reeds vir 'n jaar wag vir die President se handtekening... Nadat die wet geteken en promulgeer is, sal die finale besluit oor Maroela Media se aksies geneem word. Maroela Media het die situasie so aanvaar. Groete! Oesjaar (kontak) 07:34, 8 April 2020 (UTC)

Dit was nou net oor Radio Algoa-nuus: die Konsepwet op Kopiereg is nie deur die president onderteken nie, hy het dit na die parlement teruggestuur vir heroorweging! Groete, --Aliwal2012 (kontak) 13:08, 9 April 2020 (UTC)

Ons Wikipedia tans en die pad vorentoe...

Gemeenskap, ek is nou reeds 11 jaar betrokke hier op ons Wikipedia. Toe ek hier begin het was ek rou en kon slegs artikels skep sonder om enige skakels of sjablone in te voeg of te gebruik. Baie van die dinge wat tans maklik is en die nuwe geslag as vanselfsprekend aanvaar, bv skakels na ander tale, het nie bestaan nie. Ons moes elke taal besoek, kyk of die artikel daar bestaan en dit dan invoeg! Die Afrikaanse Wikipedia was toe net oor die 16,000 artikels groot.

Tans beskik ons oor 89 832 artikels waarvan 23 642 saadjies is (26%), hopeloos te veel. Ons is dus besig om weg te beweeg vanaf 'n ware Ensiklopedie na 'n (hier sukkel ek om die regte woord te kry) 'n kompakte Ensiklopedie of miskien 'n slim katalogus. Baie van die saadjies het geen werklike Ensiklopediese waarde nie, bv 'n artikel oor 'n sanger van een reël met 'n taksoboks. Gemeet aan die beleid van wat Wikipedie nie is nie hoort hulle nie hier. En die oorvloed swak rekenaar vertaalde artikels wat tans hier gestort word verbeter die saak nie. Ons hoef nie rekenaar vertaalde artikels te aanvaar nie, maar dit is 'n Gemeenskap besluit. Dit het geen waarde as almal sê hou dit en niemand verbeter dit nie.

Ek het so twee weke gelede deur die dagtalle gewerk om inskrywings oor geboortes en sterftes te verbeter, 'n tipiese probleem lyk so: * 1940 - Kosie Kwak. Geen nasionaliteit nie, kort beskrywing terwyl daar ook by die ooreenstemmende jaartal geen inskrywing is nie. Ek het oor die 2000 verbeteringe aangebring nadat ek die dagtalle vir Maart en April in detail bygewerk het. Wat ek wel agterkom gekom het is dat ongeveer elke 10de akteur/aktrise se geboorte/sterfte besonderhede verkeerd is. Dit is swak...

Die een vraag wat ek het: moet ons toelaat dat inskrywings soos * 1940 - Kosie Kwak voortgaan? Dit het geen waarde nie, miskien 'n paar jaar terug toe ons volume gekort het...

Daar is tans 'n klompie passievolle gebruikers wat hier bydra, wat duidelik lief is vir ons taal. My boodskap aan hulle is: mense, ongelukkig is nie alles wat in Afrikaans is, ensiklopedies van aard nie! Geen persoon of instansie het 'n reg om 'n artikel hier te hê nie, slegs indien dit Ensiklopedies waarde toevoeg en so deur die gemeenskap besluit is. Dink oor jou volgende artikel asb... Vra jouself, gaan ek ensiklopedies waarde toevoeg, kan 'n skolier die inligting gebruik, is ek in lyn met Wikipedia beleid.

Onthou, enige gebruiker wat hier registreer aanvaar by uitstek die beleid en visies van Wikipedia Internasionaal en persoonlike visie en standpunte word agtergelaat.

My vrou is 'n toegewyde hoërskoolonderwyseres en doen tans baie moeite vir leerlinge in die Inperkingstyd. Sy wou graag ons Wikipedia gebruik as deel van haar aanlynpoging om die leerlinge aan die gang te hou. Haar woorde: Deon, julle het nie veel om hoërskool kinders te help nie. Wat doen julle dan...

Wat doen ons dan...?? Die Afrikaanse Wikipedia het die groot toets gedruip. Ek los die vraag by die gemeenskap.

Hierdie is my persoonlike gedagtes en is nie die visie van Wikipedia nie.

Ek sal môre inligting hier plaas oor my gedagte van die pad vorentoe en die Jaarvergadering van Des 2019.

Groete! Oesjaar (kontak) 08:20, 8 April 2020 (UTC)

Ek stem saam Deon. Hopenlik is hierdie meestal groeipyne. Ek onthou goed so tien jaar terug wat ek eerste keer probeer Afr wysig, dink dit was "weer" wat als masjienvertaal was. Ek het toe meestal geskrap en sover ek onthou net een kernsin oorgelos. Toe iemand my vra op my gebruikersblad hoekom ek die artikel geskrap het en dit weer terug geplaas het, het ek groot genoeg geskrik om vir die volgende paar jaar nie eers Afr Wiki te besoek nie en die mening rondgedra dat als op Afr Wiki masjienvertaal was en die mense daar is baie kwaai... My punt is gee nie om wat ons beleid/visie is nie, ons moet almal verwelkom en help waar nodig. Ek dink klaar die groot gebruikers/admins doen puik werk met kontrole probeer uitoefen, maar sien al lank hoe die nuwe gebruikers/robotte ons ver verbygaan in terme van skoonmaak. Dankie almal Dumbassman (kontak) 10:20, 8 April 2020 (UTC)

Wat die rekenaarvertaalde artikels betref, kyk vir my opmerking bo. Ek beskou dit net as 'n minagting van beide Afrikaans en Wikipedia. Terloops, ek is tans baie besig met nuwe voorbladartikels soos Amsterdam, Nederland en Papoea-Nieu-Guinee. Terwyl mens vir die een voorbladartikel (en boonop ondersteuning wag), skryf jy die volgende voorbladartikel. Groete. --  SpesBona 21:57, 8 April 2020 (UTC)

Afrikaanse wikipedia het miskien die groot toets gedruip maar 'n hele paar kleiner toetse geslaag. Sal dit persoonlik takseer as nie heeltemal suksesvol nie, maar darem ook nie 'n mislukking nie. Mens sien die sukses aan die besigtigingstatistiek wat wys hoe die eksamenskrywers van artikels gebruik maak totdat die eksamens verby is. Daar is ook 'n paar artikels wat 'n weeklikse kurwe toon, dit beteken die artikel het 'n nutsartikel geword wat deurentyd gebruik word. Dankie K175 vir jou aandag aan die verwysingsjablone, en ek het weens te veel verpligtinge nie na jou teruggekom daaroor nie. Maar die verwysingsjablone is steeds 'n leemte. Daar is eenvoudig geen sjabloon vir enige verwysing, hetsy nuus, web, wetenskaptydskrif of ander, wat mens uit die redigeerhokkie kan betrek nie. Wat ek self doen is, gaan na die Engelse wikipedia, kry die citation template daar, stel my verwysing op, en bring dit terug na die Afrikaanse wikipedia, vir elke verwysing, waar dit dan verkeerd vertoon word, want al die outeurs word steeds nie gewys nie, of geen outeurs word gewys nie, ens. Hier dop ons die toets werklik, sonder om enigiemand te blameer, want ek weet ook nie hoe om daai siteer-sjablone in die redigeerhokkie te kry nie. JMK (kontak) 00:49, 16 April 2020 (UTC)

Beste Gebruiker:JMK, ek is gretig om te help, maar ons projek kort eers 'n koppelvlakadministrateur om die nodige JavaScript vanaf die Engelse Wikipedia in te voer. Sien die bespreking by Wikipedia:Geselshoekie/Argief2019#Verwysingsjablone en my selfnominasie vir hierdie regte by Wikipediabespreking:Administrateur#Koppelvlakadministrateur:_Gebruiker:K175. @Oesjaar: weet ons wie die regte aan my kan toeken? – K175 (skil 'n appeltjie) 09:06, 16 April 2020 (UTC)

Gedoen. Sterkte ou maat! Frank (kontak) 09:52, 16 April 2020 (UTC)

Wat verwysings betref, moet 'n mens net vertroud wees met die Harvard Citation Format.

Wetenskaplike skryfvaardighede is 'n voorvereiste vir die plasing van artikels - en hulle kan maklik deur iedereen verwerf word.

Bydraers moet in staat wees om selfstandig, buite en sonder raadpleging van die Engelse Wikipedia, die benodigde inligting op te soek en die naam van 'n outeur, die titel van sy werk, plek van publikasie ens. in te tik. Voyageur (kontak) 07:53, 17 April 2020 (UTC)

Editing news 2020 #1 – Discussion tools

Read this in another language • Subscription list for this multilingual newsletter

This early version of the Reply tool automatically signs and indents comments.

The Editing team has been working on the talk pages project. The goal of the talk pages project is to help contributors communicate on wiki more easily. This project is the result of the Talk pages consultation 2019.

In a future update, the team plans to test a tool for easily linking to another user's name, a rich-text editing option, and other tools.

The team is building a new tool for replying to comments now. This early version can sign and indent comments automatically. Please test the new Reply tool.

• On 31 March 2020, the new antwoord tool was offered as a Beta Feature editors at four Wikipedias: Arabic, Dutch, French, and Hungarian. If your community also wants early access to the new tool, contact User:Whatamidoing (WMF).
• The team is planning some upcoming changes. Please review the proposed design and share your thoughts on the talk page. The team will test features such as:
  • an easy way to mention another editor ("pinging"),
  • a rich-text visual editing option, and
  • other features identified through user testing or recommended by editors.

To hear more about Editing Team updates, please add your name to the "Get involved" section of the project page. You can also watch these pages: the main project page, Updates, Replying, and User testing.

– PPelberg (WMF) (talk) & Whatamidoing (WMF) (talk)

19:24, 8 April 2020 (UTC)

Ag, prys die Heer! Ek wou pas hierbo voorstel ons moet 'n e-posadres invoeg op die tuisblad, net om terugvoer te kry.

Ek wou die volgende geskryf het:

Kom ons kyk gou hierna. Sussie in Graad 12 soek inligting oor swangerskap. Sien, op die 'after-party' ('n nuutjie en onding sedert 2 Oktober 1986 se Huisgenoot, bl. 18-19) het sy meer as net haar skooldae gegroet, ook haar onskuld. Haar ma moes ophou rokke maak vir haar universiteitsjare en toe eerder kraampatrone begin koop.

Suidpunt wil op grond van 'n Duitse oeratlas uit 'Ons Winkel' weet waarom daar so baie Duitse dorpe in 1927 in Roemenië was, maar vergeleke hiermee nie eintlik in Pole nie. Hy wil veral weet wat op dees aarde hierdie Duitsers in Roemenië laat bly het. En of mens, net soos Jonathan Harker op reis in Dracula, Duits sou kon gebruik waar jy jou ook al sou bevind. Suidpunt sou ook grammatikablaaie van Russies, Italiaans en Latyn op Wikipedia wil kry.

Dus: Botsende belange.

Wie sal dit waag om 'n e-posadres op die tuisblad of banier te sit? Ek sidder wat daar gaan uitkom, maar dis steeds beter as nou. Selfs 'n agterstraatkafee kry vinniger terugvoer as ons. Ek het dit 'n hele paar keer al gesê: ons weet nie wat die mense daarbuite wil hê nie. En dit is ook hoekom die ander Wiki's sukkel. Ons weet nie waarna onderwysers soek nie. Ek weet nie wat ons buitelandse lesers wil hê nie, behalwe 'n gratis handboek op Wikiboeke hoe om Afrikaans sonder sukkel te leer.

Ons weet wel wat ons wil hê. Daarom is ons hier. En omdat ons geweldig baie inligting inwin oor ons stokperdjies en belangstellings, maak ons dit makliker vir diegene wat na ons kom. Hopelik. Soos ek sê: een skrywer op ons dorp het tien jaar navorsing gedoen oor die Schoonenberg en die klomp valse mites wat daaromtrent ontstaan het enetjie vir enetjie weerlê. Die boek self is maar 150 bladsye. Baie ru-erts, 'n tandjie goud. Maar wie weet van die Schoonenberg buiten ons hier? Op my wrakkaart is dit maar 'n spikkeltjie tussen duisende ander wrakke hierso.

Dus: Botsende belange.

Nou hoef dit nie meer nie. Suidpunt (kontak) 20:13, 8 April 2020 (UTC)

As jy belangstel in die geskiedenis van Roemenië-Duitsers en ander Duitse mindehede in Oos-Europa - hier's die nuutste agtergrondinligting (kliek op PDF om die tydskrif gratis af te laai): bpb.de: Spätaussiedler Voyageur (kontak) 20:42, 8 April 2020 (UTC)

Baie, baie dankie. Ek is mos nou ook 'n sosiale vlinder met slegs 1 volgeling op Twitter. Eintlik is ek net daar om die Pous dop te hou. Sy Heiligheid is die toonbeeld van taalbevordering, want ek word bedien in Duits, Frans, Spaans, Italiaans, en waarna ek eintlik soek: Kerklatyn. Ek gaan Engels, Arabies en Portugees maar oorslaan.

Ek stel nogal belang watter gratis tydskrifte jy nog alles deurlees. bpb het nogal 'n aansienlike lang lys. Ek lees die tweemaandelikse Kaapse bibliotekaris gereeld, wat hierdie maand ongelukkig met rede besonder laat is. Miskien Taalgenoot (deur PEN verskaf op LitNET). Ek het lanklaas Forum Classicum deurgewerk. Om die waarheid te sê, die hele 2019. Suidpunt (kontak) 10:33, 9 April 2020 (UTC)

Daar is nie baie leesstof wat gratis toeganklik is nie. Ek sal volgende week begin met 'n lys van aanlynbronne wat dalk nuttig kan wees vir redaksionele werk en die skepping van nuwe inhoud. Voyageur (kontak) 16:36, 9 April 2020 (UTC)

Ek steun so 'n lys ten volle. Ek sal ook op die uitkyk bly. eDusa (Germanistiek in Suid-Afrika) val my nou ook by. En daardie Pegasus-blad wat jy ook vir my aangeraai het.Suidpunt (kontak) 16:49, 9 April 2020 (UTC)

Friedrich Kellner

Gemeenskap, wat gaan on smaak met hierdie artikel? Groete! Oesjaar (kontak) 06:53, 9 April 2020 (UTC)

Oor die smaak:

Ek is mal oor die rooi skakels, dit pas by sy sosialistiese ingesteldheid.

Ek is mal oor hierdie sjabloon. Beige laat my so dink aan die dekor van die staatskantore en hospitale in die 1980's. Of daardie aaklige modes met wit hemde en kerriegeel broekies in dieselfde dekade. Die kafees wat ook lief vir wit plastiekstoele met geel kussings: asof 'n hond sy been gelig het.

Maar Anrie het my destyds aangespreek toe ek 'n soortgelyke sjabloon geplaas het. Suidpunt (kontak) 09:38, 9 April 2020 (UTC)

Dankie Suidpunt! Voel jy ons moet die sjabloon hou? Groete! Oesjaar (kontak) 09:09, 10 April 2020 (UTC)

Wel, uit 'n logiese standpunt moet mens jou afvra of Anrie nie gelyk had nie. Ek sou maklik hierdie sjabloon onder elke voorbladartikel kon plaas, want ons weet tog die inligting is en sal altyd onvolledig bly.Suidpunt (kontak) 09:17, 10 April 2020 (UTC)

Internetgeriewe

Goeienaand almal, ek wil net laat weet dat ek nie beskik oor internetgeriewe (data) nie (ek is tans buitestedig en bevind my in 'n klein Vrystaatse dorpie wat ek om een of ander vreemde rede nie mag verlaat nie, al wil ek hoe graag).

Ek "geniet" derhalwe tans 'n "verlengde vakansie" (wat uiteindelik 'n verstommende 5 weke [of meer] gaan verloop, verneem ek vanaand).

Derhalwe is ek slegs in staat daartoe (ter verduideliking van my lae produktiwiteit) om klein wysigings ens. by wyse van 'n selfoon te maak; O die ellende! Groete! Charlielv55 (kontak) 23:28, 9 April 2020 (UTC)

Hi Charlie, geniet maar jou "verlengde vakansie"! Solank jou baas dit net nie as "onbetaalde verlof" opskryf nie, LOL. Ons kners maar almal op ons tande, dis definitief nie lekker nie!! Groete, --Aliwal2012 (kontak) 10:25, 10 April 2020 (UTC)

Ai Charlie, soos my oor'le pa altyd gesê het: wat 'n gemors van 'n gemors! Sterkte! Oesjaar (kontak) 14:03, 10 April 2020 (UTC)

Dankie julle. Groete! Charlielv55 (kontak) 19:07, 13 April 2020 (UTC)

Natuurwetenskap kurrikulum vir graad 7 tot 9.

Gemeenskap: indien julle iets soek om oor te skryf, hier is die kurrikulum (natuurwetenskap) vir graad 7 tot 9.

Groete! Oesjaar (kontak) 14:01, 10 April 2020 (UTC)

Kommentaar Eish, dit lyk nie na maklike onderwerpe nie! Ek maak op jou kiekie uit:

• Eienskappe van materie
• Skeiding van mengsels
• Sure, basisse en neutrale stowwe
• Verbindings
• Chemiese reaksies
• Geslagtelike voortplanting
• Menslike voortplanting (ons het seks-voorblad mos in Feb. behandel ha-ha!)

• Planeet Aarde en verder (vat hom Winston!)
  • Sonnestelsel
  • Kyk verder in die ruimte in
  • Geboorte, lewe en sterfte van sterre

Sterkte! Aliwal2012 (kontak) 14:42, 10 April 2020 (UTC)

Wetenskap Curriculum Graad 10 tot 12

Gemeenskap, hier 'n skakel na die res: https://www.education.gov.za/Portals/0/CD/National%20Curriculum%20Statements%20and%20Vocational/CAPS%20FET%20%20PHYSICAL%20SCIENCE%20WEB.pdf?ver=2015-01-27-154258-683 Geniey julle self! Groete! Oesjaar (kontak) 13:33, 12 April 2020 (UTC)

Die vraag is - watter funksies kan 'n aanlyn-ensiklopedie soos Wikipedia vir rolspelers in die onderwyssektor vervul (insluitende leerders en studente)? Ons kan nie maklik skool- of tersiêre teksboeke vervang nie. Moet ons inleidende en samevattende inligting, 'n oorsig oor 'n vakgebied dus, aanbied? Of aanvullende inligting? Groot webtuistes soos National Geographic het afdelings wat uitsluitlik op onderwysers en leerders fokus.

Vir die onderwysdepartemente is Wikipediane dan ook nog niks meer as Danaërs wie se geskenke allesbehalwe gretig ontvang word nie. Geskryf en geredigeer deur vrywilligers wat eintlik nie die vaagste benul van iets het nie. Ons lewer nog self die bewys deur voortdurend artikels uit die Engelse Wikipedia te vertaal. Die waarheid is natuurlik dat selfs akademiese werke vol van foute kan wees - buitelandse top-akademici kry byvoorbeeld nie altyd die name van Russiese persoonlikhede reg nie, verskaf dikwels ook nie die wetenskaplike transliterasie nie wat handig sou wees om alle inligting te kan nagaan. In elk geval - selfs al word artikels hier geplaas wat skoolboektekste maklik kan vervang, mag leerders hulle nie gebruik en/of aanhaal nie.

Daar is verskillende opsies om Wikipedia in die raamwerke van sekondêre en tersiêre onderwys te integreer. Hulle moet nogtans stelselmatig ontwikkel word.

• 'n Probleemgeoriënteerde benadering / kontekstualisering / kategorisering moet nagestreef word wat ensiklopediese artikelinhoud betref.
• Die ensiklopedie moet self ten volle geïntegreer wees met die digitale omgewings waarin dit bestaan. Of die gedrukte. Voorbeeld: As Afrikaanssprekende wetenskaplikes niks publiseer in akademiese velde soos Ruslandstudies nie en studente en belangstellendes aangewese is op Duitse en Engelse publikasies, word die gebruik van wetenskaplike transliterasie vir plek- en eiename verpligtend en sal Afrikaanse lettermonsters soos borsjtsj moet waai om plek te maak vir maklik leesbare spellings soos boršč sodra buitelandse wetenskaplikes dit só spel. Of: As ander kennisverskaffers soos Google op hulle digitale platforms aanvullende inligting soos videomateriaal beskikbaar stel, moet ons die diensverskaffers wees wat daardie inligting bestudeer en relevante inhoud as eksterne skakel beskikbaar stel vir snelle raadpleging.
• Artikels moet die huidige stand van kennis weerspieël en bes moontlik 'n oorsig verskaf oor relevante vakliteratuur op die gebied.
• Wikipedia word dan die ideale wegspringplek vir selfstandige studies. Een van die nuutste projekte wat ek graag hier op ons Wikipedia sou toets is 'n geïntegreerde digitale artikel oor Antieke Rome - na aanleiding van heelwat uiteenlopende inspirasies: 'n (histories korrekte) reisgids vir Rome in die keisertyd wat ek enkele weke gelede in 'n boekwinkel naby die Vatikaanstad gekoop het; Wikimania-toere vir volwassenes en kinders waar ons vrae beantwoord het soos "Was daar 'n brandweer in antieke Rome?"; en, en...

Ewe belangrik: Wikipedia is allesbehalwe beperk tot die wêreld van onderwys en kan moontlik as 'n ideale naslaanbron ontwikkel word vir die sakesektor, die voornemende Afrikaanssprekende toeris en ander instellings/persone wat toegang tot digitale ensiklopediese inligting benodig. Voyageur (kontak) 00:44, 13 April 2020 (UTC)

En dan moet mens ook onthou, jou Suid-Afrikaners leef in 'n stereotipiese wêreld wat moeilik uit te breek is. In die toerismeklas op hoërskool word dit net verder aangehelp, glo my - ek was daar tot einde matriek. Selfs André Pretorius se Italiaanse Intermezzi stel my effe teleur, want al is hy ook met 'n Italiaanse vrou getroud, skryf hy maar net wat die toeristiese mark voorskryf. Vir hierdie mark bestaan Italië slegs uit Rome, Venesië, Pompeii. En vir diegene wat al gehoor het van Napels, Florence en Genua, as jy gelukkig is. Jy sal vir die Afrikaanse leser die artikels dubbel so lank moet maak, net om hulle die konteks te laat begryp.

En Venesië laat my nou self vrae vra wat moeilik te beantwoord is. Hul papierwerk het gewissel tussen Latyn en Venesiaans, maar hoe is handel gedryf in die Ooste? Die antwoord is natuurlik "lingua franca", maar nou wil mens outomaties weet, aangesien hierdie tipe Fanakalo se semantiek nie vasstaan nie, hoeveel misverstande ontstaan het? Die taal op skrif is maar skaars. En dan is die groot vraag, hoe het hierdie lingua franca handel in die toekoms gekortwiek - dis nou nie asof jy, soos tussen Nederland en Italië veel later, 'n langdurige dik tweetalige stel Konsulaatreëls kan optrek nie. Die volgende vrae sal ek seker nog raaklees:

Wat het van die geld geword? Oorloë, skipbreuke, seerowery, deurbringerig uitgeleef?, swak boekhouery, bankrotskap..., alles uitgegee op Hollandse skepe omrede ons te dom was om Ragusa se bome te laat afmaai omdat Venesië nou so goed soos boomloos is...

Nog 'n vraag: watter tegnologiese wonders het Venesië opgetower? Suidpunt (kontak) 05:19, 13 April 2020 (UTC)

Taal - Variante van Italiaans was omstreeks 1400 die belangrikste verkeerstale in die Mediterreense wêreld; die basiese woordeskat van Genuese en Venesiaanse Italiaans was meer of min identies of nou verwant. Interessant genoeg is taalleerboeke vir Duitssprekende kooplui gepubliseer. Die groot patrisiërfamilies van Neurenberg en Augsburg het Suid-Duitse standaarddialekte gebesig, maar was dikwels twee- of meertalig.

In Venesië is tolke deur die owerheid aangestel. Alle handelskontrakte en -betrekkinge is deur die Venesiaanse gereguleer en noukeurig dopgehou; die tolke was ampsdraers wat altyd hierby betrokke was.

Tolke was vir die meeste taalkombinasies beskikbaar, so ook vir Arabies of enige ander taal in die ooste. Venesiaanse kooplui was heel waarskynlik ook een of ander vreemde taal magtig; Venesiaanse ontlenings soos fondaco uit die Arabiese funduq dui daarop dat vreemde terme en konsepte deur tweetaliges ingevoer en oorgeneem is.

In alle handelsnasies is al vroeg met die samestelling van gespreks- en woordeboeke begin wat op die behoeftes van kooplui gefokus het (Duits-Venesiaanse of Engels-Russiese handelsbetrekkinge is voorbeelde hiervan). Hier is 'n uittreksel uit 'n monografie oor Georg von Nürnberg se Venesiaanse taalskool: Otto Harassowitz-Verlag: Ein Franke in Venedig. Das Sprachlehrbuch des Georg von Nürnberg (1424) und seine Folgen. Hier het Venesiaanse kooplui en amptenare kursusse in Sakeduits gevolg...

Tegnologie - Venesiane was leiers op die gebied van tegnologiese vernuwing in 'n hele reeks velde soos boukuns, skeepsbou (skeepstipes en skeepsbou op industriële skaal met standaardonderdele en spesialisering van skeepsbouers om 'n rekordgetal skepe in 'n betreklik kort tyd te produseer), tekstiel-, glas-, seepvervaardiging en ander (selfs boekdrukkerye). Baie Venesiaanse produkte soos seep was só gesofistikeerd en gewild by verbruikers dat buitelandse mededingers vervalste replika-produkte van lae gehalte teen laer pryse op die mark gebring het om die reputasie van Venesiaanse vervaardigers skade aan te doen. Voyageur (kontak) 16:31, 13 April 2020 (UTC)

Waddensee

Ek sien hierdie vraag by bespreking van bogenoemde:

Moet dit nie eerder "Waddesee" genoem word nie? 'n "Wad" is 'n drif in die see. Die meervoud moet seker "Wadde" wees, maar die HAT gee nie die woord "Wad" nie en die WAT is nog nie by die letter W nie. Die Woordelys gee ook nie "Wad" nie. hansjoseph (kontak) 13:54, 15 Augustus 2015 (UTC)

Julle gedagtes? Groete! Oesjaar (kontak) 07:43, 13 April 2020 (UTC)

Waddesee, volgens die Ensiklopedie van die Wêreld. ~ Burgert (kontak) 16:03, 13 April 2020 (UTC)

Geskuif. Voyageur (kontak) 06:18, 17 April 2020 (UTC)

Alle aansture verander. Groete! Oesjaar (kontak) 11:14, 17 April 2020 (UTC)

Help with translation

(I apologize for posting in English ): Dear colleagues, We are organizing a project called WPWP that focus on the use of images collected as part of various contest and photowalks on Wikipedia articles across all languages and our team needs your help with translations into the language of this community. Here is the translation link: https://meta.wikimedia.org/w/index.php?title=Special:Translate&group=page-Wikipedia+Pages+Wanting+Photos&language=en&action=page&filter= I am sorry if I post in the won't venue. Thanks in anticipation. T Cells (kontak) 18:10, 13 April 2020 (UTC)

Voorbladartikels

Goeienaand gemeenskap, ek sien nou dat in 2020 'n groot hoeveelheid Britse artikels op ons voorblad verskyn, waaronder die Verenigde Koninkryk op sy eie en ook Londen. Die meeste is waarskynlik deur Voyageur geskryf, maar ook ek het die een of ander bygevoeg, waaronder jare gelede die vlag van die Verenigde Koninkryk en die nasionale spanne in beide krieket en rugby vanjaar. Blykbaar betree ons nou 'n Britse jaar op ons voorblad, al is dit toevallig of nie. Terloops, vanaand het ek die Britse geskiedenis en sport bygevoeg en sal waarskynlik dieselfde by Italië doen. Dit sal net lekker wees as ook Londen die laaste vier eeue bykry. Ons is mos 'n gemeenskap en dis net lekker om skouers aan die wiel te sit, onafhanklik wat daarbuite tans gebeur! Ek sal self nog Amsterdam, Nederland, Papoea-Nieu-Guinee en nog een Asiatiese land op ons voorblad bring. Ek benut net die hedendaagse grendelstatus, wat almal wêreldwyd raak, en wag ook vir sy einde! Bowendien nooi ek almal om Wikipedia:Kandidaatartikels vir voorblad te besoek en vir jou gunsteling(e) te stem. Almal is welkom om hul sê te sê. Groete. --  SpesBona 21:00, 15 April 2020 (UTC)

Dankie ou Gawie! Hoor-hoor vir die grendeltyd. Ek dink persoonlik die epidemie is nog lank nie oor sy kruin nie, daar gaan nog baie gevalle en sterftes aangemeld word. Maar nou ja, dis slegs in die Vader se hande! (NS: My handtekening het nou ook my provinsie se wapen by) -- Aliwal2012 21:39, 16 April 2020 (UTC)

Kyk maar net wie die wapen opgelaai het. ;) Groete. --  SpesBona 21:05, 17 April 2020 (UTC)

Tyddeelmultipleksering

Gemeenskap, kan iemand my asb help om die sjabloon van die Engelse artikel en:Time-division multiplexing hier oor te dra? Groete! Oesjaar (kontak) 19:33, 17 April 2020 (UTC)

Uitgevoer, sien Sjabloon:Multipleksering-tegnieke. Maar jy sal meeste van die vertalings moet doen. Groete. - Rooiratel (kontak) 11:50, 18 April 2020 (UTC)

Dankie! Waardeer! Groete! Oesjaar (kontak) 11:54, 18 April 2020 (UTC)

RIFF, my woordeboek is te oud!

Gemeenskap, ek moet Resource Interchange File Format vertaal... Enige voorstelle? Groete! Oesjaar (kontak) 14:25, 19 April 2020 (UTC)

Hallo, ek vermoed dit is 'n eienaam, in welke geval dit gewoonlik nie vertaal moet word nie. Maar ter verduideliking sou ek aan Hulpbronuitruillêerformaat dink. Dalk kan @Burgert Behr: ook 'n inset lewer? – K175 (skil 'n appeltjie) 14:37, 19 April 2020 (UTC)

Die term word gewoonlik nie vertaal nie, selfs nie in tale soos Frans en Russies nie. Ons gebruik die Engelse naam en afkorting met ‘n presiese beskrywing: RIFF is ‘n generiese houerformaat vir die uitruil en stoor van multimedialêers. Voyageur (kontak) 14:44, 19 April 2020 (UTC)

90 000 artikels!

Gemeenskap, Dankie aan almal se werk en ondersteuning hier! Ja, nou lê die magiese 100 000 voor! Onthou die goue reël, kwaliteit voor kwantiteit! Groete! Oesjaar (kontak) 07:52, 21 April 2020 (UTC)

Fisika/natuurkunde

Ek sien ons het 'n Kategorie:Fisika én Kategorie:Natuurkunde. Eersgenoemde het 100 artikels, 26 subkategorieë en 2 beelde, en laasgenoemde 19 artikels, 10 subkategorieë en geen beelde nie. Is dit oukei met almal as ek alles in Natuurkunde na Fisika skuif? ~ Burgert (kontak) 13:42, 22 April 2020 (UTC)

Ondersteun! Groete! Oesjaar (kontak) 14:33, 22 April 2020 (UTC)

En dankie dat jy hier wil verbeter en artikels byvoeg! Groete! Oesjaar (kontak) 14:34, 22 April 2020 (UTC)

Dit sukkel maar. Daai goeters is moeilik! ~ Burgert (kontak) 20:17, 22 April 2020 (UTC)

Deesdae is alles vir my moeilik... Oesjaar (kontak) 20:30, 22 April 2020 (UTC)

Nasionale boomnommers

Gebruiker:K175, die nasionale boomnommers verskyn nie op die taksobokssjablone deesdae nie. Kan jy asb kyk waarom? Groete! Oesjaar (kontak) 07:13, 23 April 2020 (UTC)

@Oesjaar: gee gou 'n skakel na 'n artikel waar dit veronderstel is om te vertoon? – K175 (skil 'n appeltjie) 11:16, 25 April 2020 (UTC)

@K175:, sien Aartappelbos. Groete! Oesjaar (kontak) 11:24, 25 April 2020 (UTC)

@Oesjaar: OK, ek sien wat jy bedoel. Dalk kan ons die nommers by Wikidata voeg, dan kan dit onder in die taksonbalk saam met al die ander nommers verskyn. Uit watter databasis kom die boomnommers? – K175 (skil 'n appeltjie) 16:41, 25 April 2020 (UTC)

Hallo K175, ek het dit aanvanklik handmatig by elke boom ingesit. Bron: Field guide to the TREES of the Kruger National Park red. Piet van Wyk. 3de uitg. 1994. Struik Publishers. ISBN 1 86825 508 5 (sagteband). Miskien kan jy die gids elektronies opspoor?

NS: My voorbeelde is by Maroela en Wildedadelboom (ek sien daars 'n nuwer ISBN 978-1-77007-759-1) Groete, -- Aliwal2012 17:08, 25 April 2020 (UTC)

Gratis boeke van Springer

Meer as 450 boeke van die uitgewer Springer in Engels en Duits is tot en met einde Julie gratis aflaaibaar. 'n Lys van beskikbare titels is hier te vinde. Soek vir die titels op Springer Link om dit af te laai. – K175 (skil 'n appeltjie) 11:51, 26 April 2020 (UTC)

@K175: Dankie! ~ Burgert (kontak) 08:44, 27 April 2020 (UTC)

Ou rassistiese woorde

Ek lees van C. Louis Leipoldt se gedigte en hy gebruik 'n paar keer die woord "kafferskuil". Ek het die woord glad nie geken nie so toe soek ek 'n definisie of vertaling. Dit is blykbaar 'n soort biesie, maar dit is nie die interessante ding nie. As 'n gevolge van my soektog vind ek hierdie uiters waardevolle akademiese referaat. Dit is 'n goudmyn van hierdie ou rassistiese woorde en wat hulle beteken. Saam met die moderne naam, of 'n voorstel vir 'n nuwe naam. 'n Mens sal bittermin inhoud met hierdie woorde deesdae vind, en kan nogal sukkel om uit te vind wat dit eintlik beteken. So ek deel dit met julle en hoop dit help iemand. Groete. - Rooiratel (kontak) 11:38, 28 April 2020 (UTC)

Baie dankie, dit is 'n wonderlike bron. Ons gebruik nog self hier van daardie woorde wat nou as neerhalend beskryf word en ek dink dis tyd dat ons aanpas by die moderne tye en 'n bietjie meer sensitiwiteit aan die dag lê. ~ Burgert (kontak) 11:58, 28 April 2020 (UTC)

Menere, ek stem volkome saam met Burgert! Groete! Oesjaar (kontak) 12:30, 28 April 2020 (UTC)

Hierdie beginsel moet dan ook konsekwent op Oos-Europese etnonieme en plekname toegepas word. "Tartaar" beteken "mens uit die hel" (afgelei van die Griekse Tartaros - dit moet Tataar wees), terwyl Kiëf - in plaas van die amptelike Kyiv - die sienswyse van bepaalde Russiese elites steun waarvolgens Oekraïne niks meer as "Klein-Rusland" is en dus nie as selfstandige nasie erken word nie. Voyageur (kontak) 15:48, 28 April 2020 (UTC)

Daar is ook ruimte vir ander om Afrikaanse en Afrikanergeskiedenis en -erfenis te respekteer en nie daarop aan te dring dat ons hulle gevoelens akkommodeer nie. Wikipedia word nie gesensor nie, en Afrikaanssprekendes en Afrikaners maak elke dag akkommodasie vir ander wat deur ons teenwoordigheid in die land geaffronteer word (dink maar aan die afskaffing van Afrikaans by universiteite). Dit sal dalk goed wees indien daar iewers in die kuberruimte nog 'n bietjie leefruimte vir ons kan wees waar ons net kan bestaan en nie vir ander nasies wat nie ons beste belange op die hart dra deur hoepels hoef te spring nie. – K175 (skil 'n appeltjie) 16:19, 28 April 2020 (UTC)

Sien die belaglikheid vandag (daar is nie eintlik 'n woord in die alfabet vir die spesifieke spesie van kleinlikheid en "skaapagtige" "slagofferskap tot vervelens toe" tipe gedrag nie, maar dis waarmee mens elke dag gekonfronteer word) op MM: https://maroelamedia.co.za/nuus/sa-nuus/aanstootlike-google-doodle-verwyder/.

Ironies genoeg is bg. artikel uit MM en die "uitmuntende redenasievermoens" wat daarin uitgewys word 'n uitstekende vb. van die; met respek; snert en loutere twak (en bygesê 'n vb. van powere denkvermoëns) wat opgedis word deur onverdunde politiese korrektheid. Dit moet dit ten alle koste vermy word dat die Afrikaanse Wikipedia ten prooi val of lamgelê word deur politiese korrekte geboelie en liberale voorskriftelikheid. Vandag ly die meeste arme drommels juis vanweë die verfoeilike (en in my opinie bose) invloed van "Satansmedia" ("sosiale media") aan kognitiewe dissonansie (en is almal "slagoffers") en weet werklik nie meer of hulle kom of gaan nie. Weens die gemelde invloed neem intelligensie - en konsentrasievlakke (vernaam die van kinders) geweldig af.... In dieselfde asem, word die Afrikaanse Wikipedia ook nou gesensor vir enige gevalle van "wrongspeak" en "wrongthink" à la 1984? Is dit die tipe wêreld waarin ons wil leef? Word die geniale (profetiese!) George Orwell se voorspellings van die sosialistiese, tirannieke, totalitêre en drakoniese "dystopia" nou waar vir ons?

Baie name wat kwansuis aanstoot sou gee is geskiedkundige name, dis deel van die geskiedenis; en geen volk (of land) Op Aarde se lei is in elk geval skoon nie, ek herhaal, nie éen nie. Moet die geskiedenis ook nou gewysig word na goedkeuring van die polities korrekte diktatuur van die liberales, soos vereis word deur die "Ministry of Truth" in Nineteen Eighty-Four? Dankie. Charlielv55 (kontak) 18:56, 28 April 2020 (UTC)

Hiermee, verbied ek, Suidpunt, op dag en datum 28 April die heuglike jaar 2020 A.D. onder die uitspansel der sterrehemele, met onmiddellike ingang, die gebruik van die woorde vandalisme, vandaal en vandale op die Afrikaanse Wikipedia. Voortaan sal slegs die begrippe vernielsug, vernielsugtige(s) en vernielsugtigheid in swang wees. Cabrón, die tyd het aangebreek om die wapen op te neem en hierdie Fascistiese pampoene met onverdrote ywer onder ons geledere uit te roei ('n paar skote vuur die lug in, en 'n paar ibisse val kwêêê na benede). Die versuim sal lei tot onmiddellike verbanning op hierdie heilige bloeddeurdrenkte terra incognita van die uitgeroepte Sosialistiese Volksrepubliek Wikipedia wat sal wreek vir die beswaddering van die Vandaalse volk. Net die uitgesoektes sal die toekoms onder my diktatuur kan binnegaan. (En wie't my nou eintlik tot god gemaak?) Suidpunt (kontak) 19:07, 28 April 2020 (UTC)

Hiermee verbied ek, Charlie, amptelike segsman van die Department van Waarheid se Spesiale Komitee op Uitsonderlike Aangeleenthede, met onmiddellike inwerkingtreding, voortaan die gebruik van die term Spaanse Griep op hierdie blad- welke term ondermynend en beledigend teenoor indiwidue van Spaanse afkoms of nasionaliteit is. Enige indiwidue wat die term waag gebruik sal onmiddellik gesensureer word en VERPLIG word om daaglikse korrektiewe- en heroriëntasieklasse te ontvang totdat die AANVAARBARE vlakke van heroriëntasie bereik is. Verdere oortreding na behandeling is strafbaar met onmiddellike verbanning. Die persoon en al sy details sal ook onmiddellik op 'n swartlys geplaas word vir versending na die relevante wetstoepassingskomitee, met gepaste strafoplegging. Laastens word dit gelas dat die haatlike artikel met al sy inhoud dadelik verwyder word. Ons as komiteelede en comrades is bewus van die opoffering en harde werk wat dit sal verg om 'n nuwe artikel op te bou wat nie aanstoot gee nie, maar aanvaar dat ons hardwerkende mede-comrades skouer aan wiel sal sit sodat die Afrikaanse Wikipedia weereens kan spog met 'n soortgelyke artikel wat aan al die kriteria voldoen soos uiteengesit deur die Agbare komitee. Op las. Charlielv55 (kontak) 20:00, 28 April 2020 (UTC)

┌────────────────────────────────────────────────────────────────────────────────────────────────────┘ Voel julle nou beter? Oesjaar (kontak) 20:26, 28 April 2020 (UTC)

Nee, dit is maar 'n jammer saak. Ek voel jammer vir diegene wat aanstoot neem aan ons bestaan, want hulle behoort beter dinge te hê om hulle mee te bemoei. En ek voel jammer vir ons projek, wat tien-teen-een 'n kompromie gaan wil bereik, nes die geval was met die tannies wat die stuipe gekry het oor die sekssketse op die voorblad. – K175 (skil 'n appeltjie) 21:02, 28 April 2020 (UTC)

Ek sien ek het nou 'n blikkie wurms oopgemaak. Dit was nie my bedoeling nie. Ek sê nie ons moet ons taal verander nie, maar ek weet dat taal verander in elk geval soos tyd aanloop. En soos ek vroeër gesê het, mens sal bittermin daai woorde deesdae sien, en dit maak dit moeilik om die betekenisse te vind. Ek wou net 'n hulpmiddel deel om mense te help met ou woorde wat nie meer in 'n woordeboek of iets sal verskyn nie. Lekker dag vir almal. - Rooiratel (kontak) 09:00, 29 April 2020 (UTC)

Ons kan natuurlik die Afrikaanse Wikipedia uitsonder vir gebruik deur "slegs blankes". Maar dan moet ons dit seker op die Tuisblad duidelik stel. Dit is jammer dat sommige mense respek teenoor ander beskou as "sensuur" of "hulle teen ons". ~ Burgert (kontak) 09:36, 29 April 2020 (UTC)

┌────────────────────────────────────────────────────────────────────────────────────────────────────┘ Dit is nie respek teenoor ander om agteroor te buig om hulle te akkommodeer nie. Maar dit is respek van ander teenoor ons om nie van ons te verwag om ons gebruike te verander omdat hulle oor netelighede aanstoot neem nie. – K175 (skil 'n appeltjie) 14:56, 29 April 2020 (UTC)

Daar slaan jy sopas die spyker op sy kop :) Charlielv55 15:17, 29 April 2020 (UTC)

As enige persoon nie gelukkig is met die mening van myself en Burgert nie, is julle welkom om hierdie Wikipedia te verlaat. Dit is 'n ensiklopedie, gaan 'n ensiklopedie bly en niks meer of minder nie. Hierdie Wiki is neutraal en neutraal ten opsigte van politiek. In 'n ensiklopedie is daar nie dinge soos digterlike vryheid nie, en soos K175 so 'n tydjie terug gesê het, nadat hy kommentaar van my verwyder het, Hierdie is nie 'n blog nie.. Hierdie is nie 'n blog nie. Doen wat Suidpunt doen en gaan verbreed jou horison op PRAAG by http://praag.co.za. Oesjaar

As julle iets bruikbaar met julle vrye tyd wil doen, ek soek naarstigtelik Afrikaanse name vir ons Fynbos spesies. Ons is iets soos 2000 spesies agter hier... Oesjaar (kontak) 15:27, 29 April 2020 (UTC)

@Oesjaar: Ek wil net hê ons moet konsekwent wees. Ons het vir die sekstannies gesê "nee" toe hulle dinge hier wou verander op grond van aanstoot. So ons moet ook naamveranderinge as gevolg van aanstoot teenstaan. In elk geval kan ons wiki nie hier 'n leidende rol speel nie. Ons maar die benaminge volg wat in die literatuur gebruik word. – K175 (skil 'n appeltjie) 21:20, 29 April 2020 (UTC)

Suidpunt antwoord Oesjaar se fynbos-vraagstuk

Ek sit hier met berghange vervuil van die verpestelike gedroggies (familiarity breeds contempt), maar moenie dink daar is 'n boek in hierdie huis oor die goed nie (eerder die visse van Tsitsikamma); daar is wel 'n paar in die dorpsbiblioteek. En die bib is nou toe. Waterbesparend ofte nie, blykbaar sak muise op die tuine toe soos plunderaars op 'n Checkers-wa in Bishop Lavis. Vra jou af waarom daar byna nie een huis op hierdie dorp is wat Proteas kweek nie; ons het geleer uit Hermanus se bobbejane wat sommer in jou sitkamer kom tee skink. Toe kies ons dor(p)smense eerder die mismaakte spekboom om hul heinings te ontsier. Magtig, dis die lelikste ding wat nog uit die sand gekruip het. Dank die hemel ek hoef nooit Kirstenbosch te besoek nie.

Die suikerbekkies hier rond deel my gesofistikeerde smaak: die eksotiese hibiskus wat dwarsdeur die jaar blom (drie verskillende smake in een tuin). Die bye is ook tog te bly oor die bottelborsel, teeboom, die rose en die watersuipende koejawelboom (20 liter elke aand vir hom, die arme ding). Soos ek van my alkoholvrye Bavaria-bier uit Holland hou. Ook die voëls het gedurig ons vye kom uitpik tot meneer die boorkewer die stam snotsag van binne af uitgevreet het, soos ook Elim sal getuig. Al wat nog kort is 'n koninginpalm van 9 m hoog om my huis vir besoekers aan te dui.

Ek kan ongelukkig hierdie keer nie help nie. Nota bene: moenie die goed laat verlep nie, die reuk van die dood hang weke lank in die huis. Droog eerder 'n roos tot hy swart is. Moet ook nie kaalvoet dit buite waag nie, ek het nou die dag die een by se dood beteken.

Probeer hierdie interessante boek: Inheemse plante geskik vir bye. Daar is Afrikaanse name by. Suidpunt (kontak) 08:37, 30 April 2020 (UTC)

Vermiste gebruikers

Mis nog iemand ouens soos @Anrie:, @BenBezuidenhout:, @Hansjoseph:, @Hentie Joubert:, @JCBrand:, @Jcwf:, @Laurens:, @Morne:, @Naudefj:, @Puvircho:, @Wawiel: en @Wutsje:? Almal gebruikers wat ek gedurende my twaalf jaar hier leer ken het. Hoe kry ons hulle weer betrokke? Groete. --  SpesBona 21:15, 28 April 2020 (UTC)

Ek mis vir Anrie, Ben, Jcwf, Morne, Naudefj. Die ander het ek nie so goed geken nie, maar ek sien soms hul name in die wysigingsgeskiedenisse. Wutsje sien ek so nou en dan in onlangse wysigings. Nie besef hy/sy is al 'n ou bydraer nie. Ek het nou-die-dag met Anrie gepraat en dit klink nie asof sy beplan om terug te keer nie. Ek dink sy het aanbeweeg na ander tydverdrywe. – K175 (skil 'n appeltjie) 21:27, 28 April 2020 (UTC)

Wat mij betreft: ik volg de laatste maanden weer meermaals per dag de recente wijzigingen op deze wiki en bij gelegenheid grijp ik ook wel eens in. Wat me echter wel wat terughoudender heeft gemaakt, is de korte discussie hier, die me de indruk gaf dat ik hier als niet-Afrikaans-schrijvende wel mijn plaats moet kennen. Dan word je toch wat voorzichtiger met bijdragen. Wutsje (kontak) 21:47, 28 April 2020 (UTC)

Stuur groete vir Anrie en sê dat ons haar BAIE mis! In 2010 het ek net ingespring met die voorbladartikels en nou skryf ons 2020... Groete. --  SpesBona 21:51, 28 April 2020 (UTC)

Ek onthou Anrie baie goed, sy was my eerste punt van kommunikasie elf jaar terug en het baie gehelp. Haar kind moet nou amper 'n tiener wees. Daarna het Gebruiker:Naudefj oor geneem en my gehelp. Dankie Frank en Anrie dat julle my op die pad gehelp het. Groete! Oesjaar (kontak) 15:31, 29 April 2020 (UTC)

Ja, Anrie was 'n regte staatmaker. Sy het hard gewerk hier en my ook baie dinge geleer (soms op 'n kwaai manier). ~ Burgert (kontak) 15:41, 29 April 2020 (UTC)

Dagsê, ek is darem nie totaal vermis nie. Ek het net heeltemal te veel hooi op my vurk en per slot van sake is dit plig voor plesier. Ek lewer darem nog so dan en wan ’n bydrae. :) Puvircho (kontak) 14:53, 1 Mei 2020 (UTC)

Ontmitologisering

Gemeenskap, ek is nie gelukkig met hierdie artikel nie. Neutraal is dit nie. Julle mening asb? Groete! Oesjaar (kontak) 15:18, 29 April 2020 (UTC)

Ek dink as die mening daarin vervat (ek het dit gewysig sodat dit nou duidelik so uitstaan) die van Rudolf Bultmann is, dit in die haak is, alhoewel die artikel aan die ander kant mank gaan aan menings wat Bultman s'n uitdaag of daarmee verskil.Charlielv55 (kontak) 15:33, 29 April 2020 (UTC)

..en daarom is dit nie neutraal nie. Oesjaar (kontak) 15:36, 29 April 2020 (UTC)

Ja, dit is so, ek stem saam met jou Oesjaar.Charlielv55 (kontak) 16:05, 29 April 2020 (UTC)

Blackburn

Gemeenskap, is daar enige vrywilliger om bogenoemde te skep? Dit is 'n stad in Engeland. Groete! Oesjaar (kontak) 07:13, 30 April 2020 (UTC)

Word geskep. Voyageur (kontak) 07:31, 30 April 2020 (UTC)

Dankie Voya! Groete! Oesjaar (kontak) 07:34, 30 April 2020 (UTC)

Voyageur: kyk na die sin asb: Saam met Darwen in die suide vorm Blackburn die unitêre owerheid (unitary authority) Blackburn with Darwen, met Blackburn as administratiewe setel. Groete! Oesjaar (kontak) 08:56, 30 April 2020 (UTC)

Waarom word die artikel Kwaito nou beskerm

Waarom word die artikel Kwaito nou skielik beskerm, niemand vandaliseer dit mos nie? Ek was besig om goedertrou taal - en uitlegverbeterings daaraan te maak, of is my bydrae nie welkom nie? Charlielv55 (kontak) 11:48, 30 April 2020 (UTC)

Jou bydrae is welkom, moenie kinderagtig wees nie! Ek het dit vir 'n halfuur beskerm teen wysigingskonflikte tussen ons, nie vandaliserig nie! Dis nou weer gelig (14h10), gaan maar voort asb.  Aliwal2012 12:12, 30 April 2020 (UTC)

Dankie vir die terugvoering Aliwal. Groete, Charlielv55 (kontak) 12:53, 30 April 2020 (UTC)

@Aliwal2012: DIS NIE NODIG OM ONGESKIK TE WEES NIE HOORCharlielv55 (kontak) 19:11, 30 April 2020 (UTC)

Abel Azcona

Ek het verbeterings aan die swak rekenaar-vertaalde artikel aangebring. Groete. Charlielv55 (kontak) 13:11, 30 April 2020 (UTC)

Demokrasie

Graag wil ek hiermee onder julle aandag bring dat die frase "eerste demokratiese verkiesing" 'n dikwels herhaalde feitefout m.b.t. die begrip "demokrasie" en die 1994 verkiesing is. Om die frase te herhaal is dus feitelik verkeerd en die duplisering van 'n onwaarheid. Daar bestaan verskeie vorme van demokrasie, en selfs die destydse geliefde van die liberales, Helen Suzman; het in wat vandag as sekerlik polities nie korrek beskou sou word, voorgestel dat die toentertydse NP regering stemreg toelaat aan swartes wat oor 'n sekere vlak van opvoeding of kwalifikasies beskik of eiendom besit; die implikasie synde te wees dat dit nie toegeeflik genoeg is nie, slegs "universele stemreg" (Engels: "universal suffrage") sal toegelaat word. (sien Robin Renwick se Helen Suzman: Bright Star in a Dark Chamber)

Ek haal aan uit die Engelse Wikipedia se en:Universal suffrage: "In the first modern democracies, governments restricted the vote to those with property and wealth, which almost always meant a minority of the male population. In some jurisdictions, other restrictions existed, such as requiring voters to practice a given religion. In all modern democracies, the number of people who could vote has increased progressively with time. (dus was die vorige bestel 'n vorm van "demokrasie") In the 19th century in Europe, Great Britain and North America, there were movements advocating "universal [male] suffrage." asook uit dieselfde artikel: "Universal suffrage (let wel: nie "demokrasie" nie) (also called universal franchise, general suffrage, and common suffrage of the common man) gives the right to vote to all adult citizens, regardless of wealth, income, gender, social status, race, ethnicity, or any other restriction, subject only to relatively minor exceptions."

Universele stemreg is weer 'n onderdeel van die sg. "een man, een stem" beginsel, wat gelei het tot die onderdrukkende "meerderheidstelsel", oftewel in Engels "majoritarian rule" wat Afrikaanses en vernaam Afrikaners tans onderdruk, (sien Jody Kollapen se uitspraak gister in die Noord-Gautengse Hooggeregshof wat diskriminasie toelaat wanneer dit by finansiële hulpverlening vanaf staatsgeledere kom.) en ook 'n konsep wat deel vorm van "demokrasie". Ek haal soos volg aan uit die Engelse artikel en:One man, one vote: "One man, one vote (or one person, one vote) is a slogan used by advocates of political equality through various electoral reforms such as universal suffrage, proportional representation, or the elimination of plural voting, malapportionment, or gerrymandering .... "The slogan was notably used by the anti-apartheid movement during the 1980s, which sought to end white minority rule in South Africa."

"In the United States, the "one person, one vote" principle was invoked in a series of cases by Warren Court in the 1960s. Applying the Equal Protection Clause of the United States Constitution, the Supreme Court majority opinion (8-1) led by Chief Justice Earl Warren in Reynolds v. Sims (1964) ruled that state legislatures needed to redistrict in order to have congressional districts with roughly equal represented populations. In addition, the court ruled that, unlike the United States Congress, both houses of state legislatures needed to have representation based on districts containing roughly equal populations, with redistricting as needed after censuses"

Ek haal aan soos volg uit die Engelse artikel en:Democracy: "Democracy (Greek: δημοκρατία dēmokratía, "rule by [the] people") is a form of government in which the people exercise the authority of government. Who people are and how authority is shared among them are core issues for democratic theory, development and constitution. Some cornerstones of these issues are freedom of assembly and speech, inclusiveness and equality, membership, consent, voting, right to life and minority rights (NB: "demokrasie" word heeltemal verkeerd benader deur die huidige bestel aangesien hulle "demokrasie" beskou as "die meerderheid regeer; die groep se belange seëvier; en basta met die res) . Generally, there are two types of democracy: direct and representative - however, the noun "democracy" has, over time, been modified by more than 3,500 adjectives which suggests that it may have types that can elude and elide this duality.In a direct democracy, the people directly deliberate and decide on legislature. In a representative democracy, the people elect representatives (Soos in SA en ook in die vorige bestel, waar daar iets was soos kiesafdelings en die kieskollege in die VSA) to deliberate and decide on legislature, such as in parliamentary or presidential democracy. Liquid democracy combines elements of these two basic types.

In the common variant of liberal democracy, the powers of the majority are exercised within the framework of a representative democracy, but the constitution limits the majority and protects the minority, (dit moet gebeur, met die "wonderlike" demokrasie en "superieure grondwet" wat ons kwansuis oor beskik, maar helaas, daar is niks hiervan te bespeur nie!) usually through the enjoyment by all of certain individual rights, e.g. freedom of speech, or freedom of association. (wat van groepsregte?) Besides these general types of democracy, there have been a wealth of further types .... Republics, though often associated with democracy because of the shared principle of rule by consent of the governed, are not necessarily democracies, as republicanism does not specify how the people are to rule.

Die punt wat ek derhalwe wil maak is dat die 1994 verkiesing bes moontlik dus slegs as "elektorale hervorming" kan kwalifiseer en nie as die dikwels-herhaalde hoofstroommedia-gedrewe infame leuen "eerste demokratiese verkiesing" nie; en kan dit dus nie as feit voorgehou word nie. Die korrekte frase sal dus wees "die eerste verkiesing met universele stemreg".

Voorts, blyk dit dat die hunkering na "universele stemreg" eers na vore getree het toe die VSA (sien die hofbeslissing hierbo) besluit het dat dit nou ewe skielik die aangewese vorm van "demokrasie" is. Ek is persoonlik van mening dat daar niks skort met 'n stelsel waar stemreg gekwalifiseer word nie, bes moontlik is dit die enigste hoop vir ons arme vernielde land, maar dit sal nooit gebeur nie! Baie dankie.Charlielv55 (kontak) 12:07, 1 Mei 2020 (UTC)