Venessa Schoeman: Verskil tussen weergawes

Venessa Schoeman
Venessa Schoeman
	Lêer:VENESSA SCHOEMAN-1347.jpg
Gebore	12 Januarie 1971 (53 jaar oud) ; Welkom, Vrystaat
Beroep	Redaktrise van Finesse Voelgoed tydskrif en handelsmerk direkteur van Carpe Diem Media

Nuwer wysiging →

Content deleted Content added

VisueelWikiteks

Inline

Wysiging soos op 17:14, 6 Mei 2020

Venessa Schoeman, gebore 12 Januarie 1971, Welkom (Vrystaat, is die redaktrise van die Suid-Afrikaanse vrouetydskrif, Finesse en die handelsmerk direkteur van Carpe Diem Media.

Agtergrond

Schoeman is op 12 Januarie 1971 gebore in Welkom, Vrystaat (RSA) as dogter van twee entrepreneurs (Roelof en Estelle Viljoen). Sy het matrikuleer het aan Hoërskool Drie Riviere in Vereeniging en daarna BSc Dieetkunde studeer aan die Potchefstroomse Universiteit vir Hoër Onderwys (PU vir CHO) wat nou bekendstaan as die NWU (Noord-Wes Universiteit). Nadat sy haar honneursgraad met lof verwerf het, het sy ŉ nagraadse diploma in Dieetkunde gedoen deur die Universiteit van Pretoria ten einde te kan registreer as dieetkundige by die Health Professions Council of South Africa.

Loopbaan

In 1994 het sy haar privaat dieetkunde praktyk in Vereeniging begin. Kort daarna is sy getroud met Coenie Schoeman, en op 26 Desember 1996 is hulle tweeling JC en Chanté gebore. In 1997 sluit sy haar privaatpraktyk om voltyds betrokke te raak by haar man se uitgewery – Carpe Diem Boeke, en in Mei 1998 publiseer hulle die eerste uitgawe van die tydskrif FINESSE. Onder die redakteurskap van Maretha Maartens en later Liesel Krause-Wiid het sy die rol van assistent redakteur vervul en in 2004 het sy die leisels oorgeneem as redakteur.

Finesse Voelgoed tydskrif

FINESSE was die eerste leefstyl-tydskrif wat vroue na liggaam en gees aangespreek het. Dit het steeds ten doel om Afrikaanssprekende Christenvroue te bemagtig en te inspireer om hulle beste self te wees – fisies, emosioneel en geestelik. As redakteur van die tydskrif was en is dit vir Venessa belangrik om die lesers se behoeftes aan te spreek en hulle te ontmoet op die platform waar hulle hulself bevind. Onder haar leiding is verskeie projekte ontwikkel onder andere:

‘n Nuwe Jy-program - ŉ gesondheidsprogram wat vroue help om gewig te verloor, gesonder te leef en ook emosioneel gesond te word. Later is die 100-dae uitdaging vir gewigsverlies aanlyn geloods as voorloper van die Nuwe Jy-program, asook die Nuwe Jy fees, wat gepaardgaan met ŉ pretdraf, gesondheid- en skoonheiduitstallers asook -werkswinkels. Tydens die fees word die wenner van die Nuwe Jy-program ook aangewys.
#netGIRLS bootreis – wat vir vroue ŉ naweek wegbreek bied aan boord van ŉ luukse skip. Die eerste bootreis vir vroue het plaasgevind in 2011 waartydens Natasha Sutherland se eerste boek ook vrygestel is.
#netMATRIEKS bootreis – ŉ unieke vakansie vir skoolverlaters, wat in 2016 geloods is waartydens Bouwer Bosch en Leandie du Randt die groep vergesel het.

Daarbenewens het die tydskrif uitgebrei na elektroniese formaat (e-FINESSE) ŉ aktiewe webwerf voelgoed.co.za, aanlynwinkel (voelgoedwinkel.co.za) en deel dit ook inspirerende inhoud op sosiale mediaplatforms – Facebook, Instagram, Twitter en YouTube.

In 2019 is Doen Goed gestig – dit is die liefdadigheidsbeen van FINESSE voelgoed tydskrif en word bestuur deur Chanté Schoeman, Coenie en Venessa se dogter. Hul seun JC is ook sedert 2019 voltyds by die besigheid betrokke en hanteer veral nuwe besigheidsontwikkeling.

Toekennings

Onder leiding van Venessa se redakteurskap het FINESSE die volgende PICA toekennings van die Magazine Publishers Association of SA ontvang:

2004 Wenner: Consumer Magazine Award – Spirituality

2007 Wenner: Consumer Publishing Excellence – General Interest: Male and Female

In 2012 het FINESSE saam met Revlon skoonheidsmaatskappy en Bertha le Roux-Wahl ŉ Guinness Wêreldrekord gebreek vir die meeste lipstiffie aanwendings (535) binne ŉ uur.

FINESSE is ook in November 2019 aangewys as die Best Group Producer by die MSC All-Stars of the Sea toekenningsgeleentheid in Hamburg, Duitsland aan boord van die MSC Grandiosa.

Op 22 Augustus 2019 het Solidariteit Helpende Hand se Froue Vonds Venessa vereer vir die spreekbuis wat sy bied vir vroue.

Skryfwerk

In haar hoedanigheid as dieetkundige het sy die boek 30 DAE TOT ŉ NUWE JY saam met Linda Kriel (fiksheidskonsultant) en Rassie van Niekerk (motiveerder) geskryf, en sy het ook saamgeskryf aan die boek ŉ Sensasionele lewe, uitgegee deur Carpe Diem Media.

In 2019 het Venessa haar Meestersgraad in Dieetkunde met lof geslaag by die Noord-Wes Universiteit Potchefstroom. Die titel van haar verhandeling: Effects of n-3 polyunsaturated fatty acid and iron deficiency, alone and in combination, during early development on colonic inflammation in rats.

Bronnelys