Deon Groot: Verskil tussen weergawes
Nuwe bladsy geskep met '{{Inligtingskas Musikale kunstenaar | naam = Deon Groot | beeld = Deon Groot.jpg | beeldgrootte = | dwarsformaat = | beeldbeskrywing = | bee...' |
(Geen verskil)
|
Wysiging soos op 10:04, 9 Junie 2020
Deon Groot | |
|---|---|
| Lêer:Deon Groot.jpg | |
| Agtergrondinligting | |
| Geboortenaam | Deon Laubscher |
| Gebore | Omaruru, Namibië |
| Genres | Afrikaans |
| Beroep(e) | Sanger, Liedjieskrywer |
| Jare aktief | 2007 - nou |
Deon Groot, alias Deon Laubscher, gebore in Omaruru, Namibië, is ʼn Suid-Afrikaanse sanger en liedjieskrywer. Hy is veral bekend vir sy Afrikaanse liedjies wat in 2016 saam met die platemaatskappy, Sony Musiek, uitgebring is. Gee my oor, Bietjie liedjie, Lepellê, As ek net jou man kon wees en Is die koeël deur die kerk was onder andere landswye treffers.
Biografie
In die 1966 het sy ouers verhuis na Suid-Afrika na Alexanderbaai, Noord-Kaap, waar Deon ook gematrikuleer het. Na sy studies in Kaapstad, by die Kaapse Technikon, het Deon as ʼn diamanthanteerder gewerk op die Alexhor Diamantmyn en het later na Pretoria verhuis vir ʼn beter werksgeleentheid waar hy onder meer vir die Protea Coin Sekerheidsgroep, Denel Land Systems, DHL en Imperiol Logistics as risikobestuurder gewerk het.
Loopbaan
In 2007 het Deon se musiekloopbaan begin toe hy ʼn karaoke kompetisie gewen het in Centurion, Gauteng, waar hy steeds vandag woon. Sedertdien het hy aan talle geleenthede deelgeneem om homself as kunstenaar te vestig in die musiekbedryf. In 2014 het Deon sy eerste twee opnames gedoen, Muskeljaatkat en Rooikappie. Met ʼn terugslag in ʼn persoonlike verhouding gebruik Deon sy musiek om ʼn boodskap van hoop oor te bring na sy gehore en wil die boodskap tuisbring dat mens altyd weer moet opstaan en weer ʼn uitdaging moet aanpak. Die lied, 400 voet van oor begin, is geskryf om boere in droogte hoop te gee, in samewerking met Adam Tas en is vrygestel op die album: Manna vir die Boere.
In 2017 stel Deon ʼn album vry in samewerking met Sony Musiek Suid-Afrika en die daaropvolgende jaar het hy aan sy eerste groot optrede, Krone 4, deelgeneem asook ander nasionale kunstefeeste onder andere: Klein Karoo Nasionale Kunstefees, Innibos fees en die Luister fm fees.
In 2019 het hy in samewerking met Universal Musiek die album, Deon Groot, vrygestel wat meer aan sy identiteit en missie gekoppel is om luisteraars te inspireer. Die album was vir ʼn Bokkie-toekenning benoem en Deon het ook tydens hierdie geleentheid opgetree.
Groot se lirieke is geskoei op moderne country met ʼn Namakwalandse ondertoon wat hy met ʼn popmusiek klank kombineer. Groot het al verskeie televisie optredes onderneem, onder andere: Emo Adams se televisieprogram, Jou Show, kykNET se musiekprogram, Juke Box, die ontbytprogram op SABC, Exspresso, die geselsprogram op SABC 2, Pasella, die geselsprogram op kykNET, Toks en Tjops, SABC se program, Kliphard en Klink soos Naweek op die Via-kanaal. In 2018 het Deon ʼn kontrak geteken om saam met Universal Musiek Suid-Afrika te werk en het ook die treffer, Wyn, onder hierdie platemaatskappy in 2019 vrygestel.