Rietvlei-natuurreservaat: Verskil tussen weergawes
Ossewa (besprekings | bydraes) →Geskiedenis: skakels bygevoeg |
Ossewa (besprekings | bydraes) →Fauna en flora: Uitgebrei |
||
| Lyn 41: | Lyn 41: | ||
== Fauna en flora == |
== Fauna en flora == |
||
Na raming is daar 1 600 stuks wild in die reservaat, insluitend [[blesbok]]ke, [[swartwildebees]]te, [[rooihartbees]]te, [[eland]]e, [[bontkwagga]]s, [[waterbok]]ke, [[rietbok]]ke, [[springbok]]ke, [[rooiribbok]]ke, [[steenbok]] |
Na raming is daar 1 600 stuks wild in die reservaat, insluitend [[blesbok]]ke, [[swartwildebees]]te, [[rooihartbees]]te, [[eland]]e, [[bontkwagga]]s, [[waterbok]]ke, [[rietbok]]ke, [[springbok]]ke, [[rooiribbok]]ke, [[steenbok]], [[Gewone duiker|duikers]], [[witrenoster]]s, [[buffel]]s, [[seekoei]]e, [[jagluiperd]]e en [[jakkals]]e. Daar is ook ongeveer 319 soorte [[voël]]s in die reservaat. Die [[leeu]]kamp is slegs deur begeleide toere vir besoekers toeganklik. |
||
Inheemse bome, tipies van die [[Hoëveld]], kom in klein groepies voor. Uitheemse bome soos [[populier]]e, bloekombome en wattelbome kom op groot dele van die reservaat voor, maar hierdie [[Indringerplant|indringerspesies]] word aktief deur die reservaatbestuur beheer. Daar is 73 soorte grasse in die reservaat, asook 147 soorte kruidplante wat tussen die gras voorkom.<ref name=Amathyst/> |
|||
== Bedreigings == |
== Bedreigings == |
||
Wysiging soos op 12:15, 10 Julie 2020
| Rietvlei Natuurreservaat | |
|---|---|
 | |
| Land | Suid-Afrika |
| Provinsie | Gauteng |
| Naaste dorp | Pretoria |
  Rietvlei Natuurreservaat |
|
| Koördinate: 25°53′49″S 28°17′38″O / 25.89694°S 28.29389°OKoördinate: 25°53′49″S 28°17′38″O / 25.89694°S 28.29389°O | |
| Oppervlak | 38 km2 |
| Openingsjaar | 1929, geproklameer in 1948 |
| Bestuursliggaam | Stad Tshwane |
| Webblad | Rietvlei Natuurreservaat |
Die Rietvlei Natuurreservaat is 'n natuurreservaat net suidoos van Pretoria in Gauteng, Suid-Afrika. Dit word deur die Stad Tshwane Metropolitaanse Munisipaliteit bestuur. 'n Netwerk van teer- en grondpaaie deurkruis die gebied, wat die reservaat vir besoekers en bestuur toeganklik maak.
Dié natuurreservaat moet nie verwar word met die Rietvlei Zoo Farm in Alberton nie.
Geskiedenis
Rietvlei Natuurreservaat is geleë in die gebied waar die plaas Doornkloof in 1841 deur Daniel Elardus Erasmus uitgelê is. Sy seun Michiel Christiaan Elardus Erasmus het later 'n gedeelte van die plaas Rietvlei oorgeneem waar hy gewoon het totdat hy op 8 Junie 1895 oorlede is. Michiel is te Rietvlei begrawe. Cecelia Thomas, weduwee van Thomas "Groot Tom" Moodie, 'n boer van die distrik Bethlehem in die Vrystaat, is ook hier begrawe.[1][2]Daar is 'n historiese klipskans in die reservaat te sien, waar die Britse magte 'n kanon gedurende die tweede besetting van Pretoria tydens die Anglo-Boereoorlog geïnstalleer het.[1]Rietvlei is op 2 September 1929 deur die regering gekoop en tot 'n natuurreservaat verklaar. Die Rietvleidam, wat in die natuurreservaat geleë is, is in 1934 voltooi.[3]
Ligging en geografie
Die reservaat lê wes van die R21-snelweg (na die OR Tambo Lughawe) en noordoos van die R50-pad (na Delmas/Babsfontein). Dit beslaan 'n oppervlakte van 38 vierkante kilometer bestaande uit bedreigde bakenveld, laagliggende vleie, strome en lae heuwels, en omvat onder andere die Rietvleidam. Die park is gemiddeld 1 525 meter bokant seevlak. Die hoogte punt is op 1 542 m en die laaste punt op 1 473 m (by die dam se uitvloei). Die Maraisdam, 'n voerderdam vir Rietvleidam, is in die suide van die reservaat geleë. Verskeie strome loop deur die reservaat onder andere die Renosterloop, Rietvleirivier, Moodie-se-loop, Sesmylspruit, Grootfonteinspruit en Bokkie-se-loop.[4]
Fauna en flora
Na raming is daar 1 600 stuks wild in die reservaat, insluitend blesbokke, swartwildebeeste, rooihartbeeste, elande, bontkwaggas, waterbokke, rietbokke, springbokke, rooiribbokke, steenbok, duikers, witrenosters, buffels, seekoeie, jagluiperde en jakkalse. Daar is ook ongeveer 319 soorte voëls in die reservaat. Die leeukamp is slegs deur begeleide toere vir besoekers toeganklik.
Inheemse bome, tipies van die Hoëveld, kom in klein groepies voor. Uitheemse bome soos populiere, bloekombome en wattelbome kom op groot dele van die reservaat voor, maar hierdie indringerspesies word aktief deur die reservaatbestuur beheer. Daar is 73 soorte grasse in die reservaat, asook 147 soorte kruidplante wat tussen die gras voorkom.[1]
Bedreigings
Omdat die reservaat in een van die digbevolkste gebiede van Suid-Afrika lê, word dit voortdurend deur uitbreiding en menslike ontwikkeling bedreig.
Fotogalery
-
Kaart van die reservaat -
Inligtingsbord by ingang -
'n Reusevisvanger in die Rietvlei-natuurreservaat -
Binnekant van 'n voëlskuiling
Eksterne skakels
 |
Wikimedia Commons bevat media in verband met Rietvlei Nature Reserve. |
Verwysings
- ↑ 1,0 1,1 1,2 "Amethyst Guide to Johannesburg: Rietvlei Nature Reserve". amethyst.co.za/. Besoek op 10 Julie 2020.
- ↑ "Thomas Groot Tom Moodie, SV1b1c2". Geni.com. Besoek op 10 Julie 2020.
- ↑ "Rietvlei Nature Reserve – a treasure trove of history". Pretoria East Rekord. Besoek op 9 Julie 2020.
- ↑ "Rietvlei - The Photographer's Guide, by Will Goodlet, 2017". Will Goodlet (independent). Besoek op 9 Julie 2020.