23 Mei

23 Mei is die 143ste dag van die jaar in die Gregoriaanse kalender (144ste inskrikkeljare). Daar volg nog 222 dae.

Gebeure

• 1430 – Johanna van Arkel word deur die Boergondiërs gevange geneem.
• 1474 – Giuliano della Rovere (later Pous Julius II) word aartsbiskop van Avignon.
• 1498 – Die hervormer Girolamo Savonarola word in Florence tereggestel.
• 1533 – Die huwelik van Catharina van Aragon en Henry VIII van Engeland word nietig verklaar.
• 1555 – Pous Paulus IV volg Pous Marcellus II op as pous van die Rooms-Katolieke Kerk.
• 1568 – Die Tagtigjarige Oorlog breek uit toe Nederlandse rebelle onder leiding van Lodewyk van Nassau Friesland in die Slag van Heiligerlee binneval.
• 1697 – Die Oosterland strand in Kaapstad.
• 1788 – Suid-Carolina word die 8ste deelstaat van die Verenigde State.
• 1842 – Die Beleg van Congella begin.
• 1844 – Samuel Morse verstuur die eerste telegram via sy elektriese telegraaf.
• 1895 – Die Republiek van Formosa word gestig.
• 1934 – Die Amerikaanse bankrowers Bonnie en Clyde word deur die polisie in 'n lokval gelei en doodgeskiet in Black Lake, Louisiana.
• 1949 – Stigting van die Bondsrepubliek Duitsland.
• 1960 – Die stadjie Hilo, aan die ooskus van Hawaii, word deur 'n aardbewing getref.
• 1969 – Britse rockgroep, The Who, stel die rockopera Tommy vry.
• 1995 – Die Java-programmeertaal word amptelik deur die ontwikkelaar James Gosling en sy kollegas aangekondig.
• 2007 – Johanna Stoffels, voormalige ANC-burgemeester van Saldanhabaai verslaan haar voormalige party in 'n tussenverkiesing op Hopefield en die raad word deur die opposisie oorgeneem.

Geboortes

• 1707 – Carolus Linnaeus, Sweedse predikant en natuurkundige, vader van Carolus Linnaeus die dokter, plantkundige en bioloog († 1778).
• 1827 – Lord Henry Loch, 'n Britse goewerneur van die Kaapkolonie († 1900).
• 1888 – Adriaan Roland Holst, Nederlandse digter († 1976)
• 1896 – Felix Steiner, Duitse generaal († 1966).
• 1923 – Alicia de Larrocha, 'n Spaanse pianis en komponis († 2009).
• 1926 – Joe Slovo, Suid-Afrikaanse politikus, leier van die Suid-Afrikaanse Kommunistiese Party en lid van die ANC († 1995).
• 1929 – Joe Modise, Suid-Afrikaanse ANC-politikus en kabinetsminster († 2001).
• 1935 – Francois van Heyningen, Suid-Afrikaanse akteur, sanger, skrywer en radio-omroeper († 2015).
• 1950 – Martin McGuinness, Noord-Ierse republikeinse politikus († 2017).
• 1958 – Drew Carey, Amerikaanse akteur (Price Is Right).
• 1965 – Tom Tykwer, Duitse regisseur
• 1969 – Kobie van Rensburg, Suid-Afrikaanse tenoor en operadirekteur.
• 1972 – Rubens Barrichello, Brasiliaanse Formule Een-renjaer.
• 1982 – Malene Mortensen, Deense sangeres

Sterftes

• 230 – Pous Urbanus I, sewentiende pous van die Rooms-Katolieke Kerk (* onbekend).
• 779 – Dai Zong (52), Chinese keiser.
• 962 – Guibert (±62), Belgiese soldaat en monnik.
• 1423 – Teenpous Benedictus XIII (* 1328).
• 1498 – Girolamo Savonarola (45), Florentynse Dominikaanse hervormer.
• 1568 – Adolf van Nassau (27), graaf van Nassau.
• 1812 – José Antonio Torres, Mexikaanse onafhanklikheidsstryder.
• 1838 – Jan Willem Janssens, laaste Nederlandse goewerneur van die Kaap (* 1762).
• 1857 – Augustin Louis Cauchy, Franse wis- en natuurkundige (* 1789).
• 1873 – Pierre-Jean De Smet (72), Vlaamse missionaris, ontdekkingsreisiger en pionier.
• 1906 – Henrik Ibsen, Noorse dramaturg en kritikus (* 1828)
• 1944 – Grete Berger, Duitse aktrise (* 1883)
• 1992 – Joyce Barker, Suid-Afrikaanse sopraan (* 1931).
• 2017 – Roger Moore, Engelse akteur (* 1927).