20 Oktober

20 Oktober is die 293ste dag van die jaar in die Gregoriaanse kalender (294ste in skrikkeljare). Daar volg nog 72 dae in die res van die jaar.

Gebeure

• 1604 – Maffeo Barberini (later Pous Urbanus VIII) word aartsbiskop van Nasaret.
• 1740 – Maria Theresa volg die troon op in Oostenryk ná die Pragmatiese Sanksie van 1713.

  

  Maria Theresa van Oostenryk

• 1800 – Pous Pius VII stel Luis María de Borbón y Vallábriga, aartsbiskop van Seville, Spanje, aan as kardinaal.
• 1827 – 'n Geallieerde Britse, Franse, en Russiese vlootmag vernietig 'n gekombineerde Turkse en Egiptiese vloot by die Slag van Navarino, 'n bepalende oomblik in die Griekse Onafhanklikheidsoorlog.
• 1883 – Peru en Chili teken die Verdrag van Ancón, wat Peru se rol in die Stille Oseaan-oorlog beëindig.
• 1885 – Die Boererepubliek Upingtonia kom tot stand.
• 1899 – Tweede Vryheidsoorlog: Die Slag van Talana tussen Boere en Britte vind plaas.
• 1968 – Die voormalige VSA Presidentsvrou Jacqueline Kennedy trou met die Griekse skeepvaartmagnaat Aristotle Onassis.
• 1973 – Die Sydney Operahuis word amptelik deur Koningin Elizabeth II geopen.

  

  Sydney Operahuis

• 2000 – Die Britse aktivis James Mawdsley word in Burma vrygelaat ná sy arrestasie weens deelname in protes teen die slagting van etniese minderhede in die land.
• 2007 – Suid-Afrika wen die Wêreldbeker-rugbytoernooi in Frankryk toe hulle Engeland 15-6 klop; daarmee stel hulle 'n rekord op deur wêreldkampioene te word sonder 'n enkele nederlaag in die hele toernooi.

Geboortes

• 1632 – Sir Christopher Wren, Engelse argitek, astronoom, en wiskundige († 1723).
• 1677 – Stanislas Leszczynski, 'n koning van Pole († 1766).
• 1723 – Martin Melck, stamvader van die Melck-familie in Suid-Afrika († 1781).
• 1740 – Isabelle de Charrière, Nederlandse en Switserse skrywer († 1805)
• 1874 – Charles Edward Ives, Amerikaanse modernistiese komponis († 1954)
• 1920 – P.H. Nortjé, Afrikaanse storieverteller en skrywer († 2012).
• 1928 – Li Peng, 'n Chinese politikus, bekend as die 'Slagter van Beijing' vir sy rol in die Tiananmen-plein bloedbad († 2019).
• 1930 – Prof. Louis Eksteen, Afrikaanse leksikograaf († 2001).
• 1938 – Jan Scholtz, Suid-Afrikaanse draaiboekskrywer, regisseur, en vervaardiger van rolprente († 2015).
• 1950 – Jorge Carlos Fonseca, President van die Kaap Verde.
• 1966 – Allan Donald, Suid-Afrikaanse krieketspeler.
• 1969 – Helman Mkalele, Suid-Afrikaanse sokkerspeler.
• 1971 – Snoop Dogg, Amerikaanse kletsrymer.
• 1971 – Dannii Minogue, Australiese aktrise en sangeres.
• 1971 – Nico Smit, Afrikaanse wetenskapfiksieskrywer en staatsouditeur.

Sterftes

• 1032 – Pous Johannes XIX, 144ste pous van die Rooms-Katolieke Kerk (* onbekend).
• 1401 – Klaus Störtebeker, die leier van ’n groep kaapvaarders (* 1360).
• 1864 – Andrew Geddes Bain, Suid-Afrikaanse geoloog, ingenieur, en baanbreker-pasbouer (* 1796).
• 1894 – Aleksander III van Rusland, tsaar van Rusland (* 1845).
• 1898 – Henry Barkly, goewerneur van verskeie Britse kolonies, waaronder die Kaapkolonie (* 1815).
• 1950 – Henry L. Stimson, Amerikaanse politikus (* 1867).
• 1964 – Herbert Hoover, 31ste President van die Verenigde State (* 1874).
• 1994 – Burt Lancaster, Amerikaanse akteur (* 1913).
• 2011 – Moeammar al-Ghaddafi, de facto leier van Libië van 1969 tot 2011 (* 1942).
• 2016 – Mieke Telkamp, Nederlandse sangeres (* 1934).
• 2018 – Wim Kok, Nederlandse politikus (* 1938).