Reggio Emilia

Die Ou Stad

Toring

Uitsig oor die dakke

Stadsmuur

Reggio Emilia (of Reggio nell'Emilia) is 'n stad in die Italiaanse streek Emilia-Romagna en hoofstad van die provinsie Reggio nell'Emilia. Die stad beskik oor 163.928 inwoners.

Die stad in die Povlakte is van Romeinse oorsprong. Dit word in 175 v.C. opgerig onder die naam Regium Lepidi, en is vernoem na die oprigter daarvan, Marcus Emilius Lepidus. Die naam Reggio was vir eeue lank in gebruik gewees tot die unifikasie van Italië, sonder toevoeging van nell'Emilia. Om verwarring te voorkom met die stad Reggio in Calabria is die stad hernoem na Reggio nell'Emilia.

Die historiese binnestad is oorwegend middeleeus. Die Piazza Camillo Prampolini is die hart van die stad; hier staan onder meer die domkerk en die Palazzo Comunale. In die gebou is die Cispadaanse Republiek in 1797 opgerig. Daar is ook 'n vlag vir die nuwe republiek gekies: groen, wit en rooi, die huidige nasionale vlag van Italië. 'n Ander belangrike monument is die basiliek San Prospero met sy karakteristieke agthoekige toring. Die belangrikste weg is die historiese Via Emilia wat die stad van wes na oos deurkruis.

Die katedraal is eers in die 16de eeu voltooi.

Die frazione Sesso en Ville di Reggio Emilia maak deel uit van die munisipaliteit.

Sport

AC Reggiana 1919 is die professionele sokkerspan van Reggio Emilia, en speel in die MAPEI Stadion - Città del Tricolore. AC Reggiana 1919 het op die hoogste Italiaanse vlak, die Serie A gespeel. Die stadion speel ook gasheer vir US Sassuolo van die naburige Sassuolo.

Persone wat gebore is in Reggio nell'Emilia

• Ludovico Ariosto (1474-1533), digter, toneelskrywer en howeling aan die hertogelike hof van Ferrara, skrywer van Orlando Furioso
• Angelo Secchi (1818-1878), astronoom en geestelike
• Silvio d'Arzo (1920-1952), skrywer
• Serge Reggiani (1922-2004), Franse akteur
• Romolo Valli (1925-1980), akteur
• Mauro Baldi (1954), Formule 1-bestuurder
• Zucchero (1955), sanger
• Sergio Campana (1986)
• Hachim Mastour (1998), Marokkaanse sokkerspeler

Stede waarmee dit bande het

• Chisinau, Moldawië
• Rio Branco, Brasilië, Brazilië

Eksterne skakels

• Gemeente Reggio nell'Emilia

Notas

Hierdie artikel is in sy geheel of gedeeltelik vanuit die Nederlandse Wikipedia vertaal.