1960

Kalenders

Jaar van Afrika: 17 lande van Afrika verkry hulle onafhanklikheid.

Gregoriaanse kalender 1960 MCMLX Ab urbe condita 2713 Armeense kalender 1409 ԹՎ ՌՆԹ Chinese kalender 4656 – 4657 丙亥 – 丁子 Ethiopiese kalender 1952 –1953 Hebreeuse kalender 5720 – 5721 Hindoekalenders - Vikram Samvat 2015 – 2016 - Shaka Samvat 1882 – 1883 Irannese kalender 1338 –1339 Islamitiese kalender 1380 –1380

Die jaar 1960 was 'n skrikkeljaar wat volgens die Gregoriaanse kalender op 'n Vrydag begin het. Dit was die 60ste jaar van die 20ste eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• 1 Januarie – Kameroen word van Frankryk onafhanklik.
• 4 Januarie – Denemarke, Noorweë, Oostenryk, Portugal, Swede en die Verenigde Koninkryk stig die Europese Vryhandelsvereniging.
• 7 Januarie – Die Hirfanlidam in Turkye, die grootste nog in Europa, word ingewy.
• 21 Januarie – Die Coalbrook-ramp: 435 mense sterf in die steenkoolmyn by Sasolburg.
• 18-28 Februarie – Die agste Olimpiese Winterspele word in Squaw Valley, Verenigde State van Amerika, aangebied.
• 21 Februarie – Fidel Castro nasionaliseer alle privaatondernemings in Kuba.
• 29 Februarie – 'n Aardbewing verwoes die Marokkaanse stad Agadir.
• 10 Maart – Die Milnertonvuurtoring word in gebruik geneem.
• 17 Maart – Die Suid-Afrikaanse Polisie skiet tientalle mense in Sharpeville.
• 23 Maart – Nikita Chroesjtsjof besoek die Franse hoofstad Parys.
• 21 April – Brasília, die nuwe hoofstad van Brasilië, word amptelik ingewy.
• 27 April – Togo word van Frankryk onafhanklik.
• 1 Mei – Francis Gary Powers, in ’n U-2 spioeniervliegtuig, word afgeskiet oor die Sowjetunie en die U-2 Krisis begin.
• 11 Mei – Die hooggeplaaste Nazi-funksionaris Adolf Eichmann word in Argentinië deur die Israëliese geheime diens Mossad gekaap.
• 22 Mei – ’n Aardbewing en tsoenami verwoes groot dele van Chili.
• 20 Junie – Die Mali-Federasie word van Frankryk onafhanklik.
• 26 Junie – Madagaskar word van Frankryk onafhanklik.
• 28 Junie – VS-olierafinaderye in Kuba genasionaliseer.
• 30 Junie – Die Belgies-Kongo verkry sy onafhanklikheid van België.
• 1 Julie – Somalië word onafhanklik.
• 20 Julie – Ceylon verkies Sirimavo Bandaranaike as Eerste Minister, die wêreld se eerste verkose vroulike regeringsleier.
• 20 Julie – Die kernaangedrewe duikboot, USS George Washington lanseer die eerste ballistiese missiel.
• 1 Augustus – Benin word van Frankryk onafhanklik.
• 2 Augustus – Rawalpindi vervang Karatsji as die hoofstad van Pakistan.
• 3 Augustus – Niger word van Frankryk onafhanklik.
• 5 Augustus – Burkina Faso word van Frankryk onafhanklik.
• 7 Augustus – Die Ivoorkus word van Frankryk onafhanklik.
• 8 Augustus – Militêre staatsgreep in Laos.
• 11 Augustus – Tsjad word van Frankryk onafhanklik.
• 13 Augustus – Die Sentraal-Afrikaanse Republiek word van Frankryk onafhanklik.
• 15 Augustus – Die Republiek van die Kongo word van Frankryk onafhanklik.
• 16 Augustus – Siprus word van die Verenigde Koninkryk onafhanklik.
• 16 Augustus – Excelsior-projek: Joseph Kittinger spring op 31 330 meter (102 800 voet) met 'n valskerm uit 'n ballon bo Nieu-Meksiko en stel wêreldrekords op in: hoë-hoogtesprong, vryvalhoogte en vinnigste spoed deur 'n mens sonder 'n vliegtuig.
• 17 Augustus – Gaboen word van Frankryk onafhanklik.
• 20 Augustus – Senegal skei van die Mali-Federasie.
• 25 Augustus-11 September – Die 17de Olimpiese Somerspele word in Rome, Italië, aangebied.
• 10-14 September – Die OPUL word deur Irak, Iran, Koeweit, Saoedi-Arabië en Venezuela in Bagdad gestig.
• 18-25 September – Die eerste Paralimpiese Somerspele word in Rome, Italië, aangebied.
• 22 September – Die Mali-Federasie word hernoem ná Mali.
• 1 Oktober – Nigerië word van die Verenigde Koninkryk onafhanklik.
• 28 November – Mauritanië word van Frankryk onafhanklik.
• 14 Desember – België, Denemarke, Duitsland, Frankryk, Griekeland, Ierland, Italië, Kanada, Luxemburg, Nederland, Noorweë, Oostenryk, Portugal, Swede, Spanje, Switserland, Turkye, Verenigde Koninkryk, Verenigde State van Amerika en Ysland stig in Parys die OESO.
• 15 Desember – Huwelik van Koning Boudewyn van België.

Geboortes

• 19 Februarie – Prins Andrew, Hertog van York.
• 20 Februarie – Fayez al-Sarraj, Premier van die regering van die nasionale akkoord (GNA) van Libië.
• 21 Maart – Ayrton Senna, Brasiliaanse renjaer († 1994).
• 27 Maart – Johannes Kerkorrel, Afrikaanse musikant († 2002).
• 29 Maart – Jo Nesbø, Noorse skrywer en musikus.
• 4 April – Hugo Weaving, Engelse akteur.
• 11 April – Jeremy Clarkson, Britse joernalis.
• 15 April – Filip van België, die sewende koning van België.
• 15 April – Collins Chabane, Suid-Afrikaanse minister van openbare dienste en administrasie († 2015).
• 28 April – Ian Rankin, Skotse skrywer.
• 7 Augustus – David Duchovny, Amerikaanse akteur.
• 10 Augustus – Antonio Banderas, Spaanse akteur.
• 17 Augustus – Sean Penn, Amerikaanse akteur.
• 30 Augustus – Ely Pouget, Amerikaanse aktrise.
• 17 September – Damon Hill, Britse Formule Een-renjaer, wêreldkampioen in 1996.
• 5 Oktober – Dan Plato, 'n Provinsiale Minister van Sosiale Ontwikkeling in die Wes-Kaap en die voormalige uitvoerende burgemeester van Kaapstad.
• 4 November – Gys de Villiers, Suid-Afrikaanse akteur.
• 3 Desember – Julianne Moore, Amerikaanse aktrise.
• 23 Desember – Zindziswa Mandela, politikus en derde dogter van Nelson Mandela (* 2020).

Sterftes

• 4 Januarie – Albert Camus, Franse skrywer en ontvanger van die Nobelprys vir Letterkunde, 1957 (* 1913).
• 9 Februarie – Ernő Dohnányi, Hongaarse komponis, pianis en dirigent (* 1877)
• 16 Maart – Nicolaas de Wet, Suid-Afrikaanse politikus, waarnemende goewerneur-generaal en hoofregter (* 1873).
• 23 April – Bennie Osler, Suid-Afrika se sewentiende Springbokkaptein (* 1901).
• 7 Mei – D.B. Bosman, ’n Afrikaanse taalkundige (* 1888).
• 30 Mei – Boris Pasternak, Russiese skrywer en ontvanger van die Nobelprys vir Letterkunde, 1958 (geweier) (* 1890).
• 13 Junie – Kenneth McArthur, Suid-Afrikaanse marathonatleet (* 1881)
• 16 November – Clark Gable, Amerikaanse akteur (* 1901).