Jackie Stewart

Jackie Stewart
Stewart by die 2014 6 Hours of Silverstone
Geboortedatum	11 Junie 1939 (1939-06-11)
Geboorteplek	Milton, Dunbartonshire, Skotland
Volle naam	John Young Stewart
Nasionaliteit	Brit
Aktiewe jare	1965–1973
Ou span(ne)	BRM, Matra, March, Tyrrell
Inskrywings	100 (99 begin)
Kampioenskappe	3 (1969, 1971, 1973)
Oorwinnings	27
Podiums	43
Loopbaanpunte	359
Voorste wegspronge	17
Vinnigste rondtes	15
Eerste F1-wedren	1965 Suid-Afrikaanse Grand Prix
Eerste wen	1965 Italiaanse Grand Prix
Laaste wen	1973 Duitse Grand Prix
Laaste inskrywing	1973 Verenigde State Grand Prix (nie weggespring)

Sir John Young "Jackie" Stewart, OBE (gebore op 11 Junie 1939) is 'n Britse voormalige Formule Een-renjaer uit Skotland. Met die bynaam die "Flying Scot", het hy tussen 1965 en 1973 aan Formule Een deelgeneem, drie bestuurderswêreldkampioenskappe gewen, en twee keer as naaswenner geëindig oor die nege seisoene. Hy word deur baie mense beskou as een van die grootste jaers in die geskiedenis van die sport.

Buiten Formule Een loop hy net-net 'n oorwinning mis by sy eerste poging op die Indianapolis 500 in 1966, en hy het in 1970 en 1971 aan die Can-Am- reeks deelgeneem. Tussen 1997 en 1999 was hy in vennootskap met sy seun, Paul, spanhoof van die Stewart Grand Prix Formule Een-resiesspan.

Stewart was ook instrumenteel in die verbetering van die veiligheid van motorwedrenne, en het hom beywer vir beter mediese fasiliteite en die verbetering van die baan by motorsportbane.

Na die dood van John Surtees in 2017 is hy die laaste oorlewende Formule Een-wêreldkampioen uit die 1960's.

Stewart was op Hartfield laerskool in die nabygeleë dorp Dumbarton. Hy was nie in staat om met sy sekondêre opleiding na hy 16 geword het, voort te gaan nie, en het in sy pa se motorhuis begin werk as vakleerlingwerktuigkundige.

Stewart se eerste motor was 'n liggroen Austin A30 met 'egte leersitplekke' wat hy kort voor sy sewentiende verjaardag vir £ 375 gekoop het. Hy het vir die koopprys gespaar met fooitjies wat hy by sy gesin se motorwerkswinkel gekry het.

Hy het 'n aanbod van Barry Filer, 'n klant van die familiebesigheid, aanvaar om 'n aantal van sy motors op Oulton Park te toets. Vir 1961 het Filer 'n Marcos verskaf, waarin Stewart vier oorwinnings behaal het, en een keer in Filer se Aston DB4GT deelgeneem. In 1962 het hy 'n Jaguar E-tipe op Oulton Park getoets om te help besluit of hy gereed sou wees om 'n professionele bestuurder te word. Hy het Roy Salvadori se tye in 'n soortgelyke motor die vorige jaar geëwenaar. Hy het aan twee wedrenne gewen, sy eerste in Engeland, in die E-tipe, en David Murray van Ecurie Ecosse het hom 'n rit aangebied in die Tojeiro EE Mk2, en hul Cooper T49, waarin hy op Goodwood gewen het. Vir 1963 behaal hy veertien oorwinnings, 'n tweede en twee derdes, met ses uitvalle.

In 1964 teken hy weer by Ecurie Ecosse. Ken Tyrrell, wat destyds die Formula Junior-span vir die Cooper Car Company bestuur het, het van die jong Skot van Goodwood se baanbestuurder te hore gekom en Jimmy Stewart gebel om te hoor of sy jonger broer in 'n toets sou belangstel. Jackie het vir Goodwood se toets afgekom en 'n nuwe en baie mededingende Formule Drie T72-BMC oorgeneem wat Bruce McLaren getoets het. Stewart het McLaren se tye verbeter en McLaren laat terugkeer vir vinniger rondtes. Weereens was Stewart vinniger, en Tyrrell het Stewart 'n plek in die span aangebied.

Indianapolis 500-rekord Jaar Motor Begin Kwal.tyd Rang Voltooi Rondtes Leier Uitgeval 1966 43 11 159.972 14 6 190 40 Oliedruk 1967 24 29 164.099 13 18 168 0 Enjin Totale 358 40 Verwysings Eksterne skakels The official web site of Sir Jackie Stewart, www.sirjackiestewart.com International Motorsports Hall of Fame, Jackie Stewart COLLAGE: Jackie Stewart's Grand Prix Album, a signed limited edition book Grand Prix History – Hall of Fame, Jackie Stewart The Scotsman newspaper, Heritage and Culture, "I risked my mother's wrath in order to be a driver" The Herald newspaper (Glasgow), "Sir Jackie, was not diagnosed with dyslexia until he was 42" Jackie Stewart statistiek Sunday Times article 13 September 2009 Jackie Stewart's appearance on This Is Your Life Jackie Stewart in die Internet-rolprentdatabasis