Wikipedia:Bladsyverwydering

Hierdie bladsy is vir voorstelle vir bladsy- en beeldverwydering en bespreking daarvan. Artikels word vir 'n periode van twee weke hier gedebatteer. Die konsensus van die gemeenskap word op die 15de dag uitgevoer. Indien geen konsensus bereik is nie, word die artikels gehou. Sien asseblief die Afrikaanse verwyderingsbeleid of die Engelse riglyne vir probleme wat nie verwydering verg nie en hoe om hulle op te los. Let wel: kandidate vir spoedige verwyderings hoef nie hier gelys te word nie.

Spring na:

• Hoe om 'n bladsy vir verwydering te nomineer
• Betwisting van 'n verwydering
• Sien ook
• Huidige verwyderingsnominasies

Hoe om 'n bladsy vir verwydering te nomineer

1. Plaas die sjabloon {{Verwyderingskandidaat}} bo-aan die genomineerde bladsy.
2. Vir die nominering van sjablone: om die afbeelding van sjablone nie te affekteer nie, plaas die kennisgewing tussen noinclude-hakies, soos dit: <noinclude>{{verwyderingskandidaat}}</noinclude>.
3. Noem in u wysigingsopsomming dat die bladsy vir verwydering genomineer is.
4. Voeg die bladsy hier by
5. Voeg die rede vir die nominasie by.

Die proses van nominasie is nie 'n geval van "die meerderheid wen" nie. Dit is teoreties gesproke moontlik dat die meerderheid gebruikers stem om 'n artikel te behou, terwyl dit moontlik 'n voorbeeld van oorspronklike navorsing is. In so 'n geval geniet die beleid voorkeur bo die gebruikers.

Daar word egter altyd gepoog om konsensus te bereik deur die probleme van die betrokke artikel of beeld te bespreek. Dit is ook belangrik om te noem indien 'n artikel of beeld nie 'n spesifieke beleid in ag neem nie. Sodoende kan persone wat teen die nominasie gekant is die gemelde probleme hersien en poog om dit op te klaar, indien moontlik. Persone wat teen nominasies gekant is of die nominasies ondersteun, moet ook hulle teenkantings/ondersteunings met duidelik bewoorde redes voorsien.

Gebruikers is welkom om die volgende sjablone te gebruik:

• {{verwyder}} ( Verwyder)
• {{hou}} ( Hou)
• {{neutraal}} ( Neutraal)
• {{kommentaar}} ( Kommentaar)
• {{vraag}} ( Vraag)
• {{skrapdatum}}

Sperdatum:
xx xxxx 20xx

En administrateurs by uitvoering:

• {{uitgevoer}} ( Uitgevoer)

Betwisting van 'n verwydering

Indien u nie saamstem met die verwydering van 'n artikel nie kan u die saak hier bespreek. Maak egter seker dat u vertroud is met die redes waarom die artikel verwyder is en dat u die teendeel kan bewys. Dit is raadsaam om dan ook 'n skakel te plaas van die oorspronklik debat by Wikipedia:Bladsyverwydering/Verwyder, sodat ander gebruikers die oorspronklike redes vir nominasie en enige gesprek daaromtrent kan hersien.

Spoedige verwydering

Artikels kwalifiseer vir spoedige verwyder onder enige van die volgende redes:

• Spoedige verwyderings
  • Artikel oor 'n regte persoon, organisasie, webblad of musikale opname wat nie aandui waarom die onderwerp van ensiklopediese belang is nie
  • Besprekingsbladsy van 'n bladsy wat nie bestaan nie
  • Bemarking
  • Nonsens
  • Duplikaat (bestaan reeds)
  • Geen inhoud
  • Geen konteks
  • Inhoud in 'n ander taal
  • Swak Afrikaans (reeds 2 weke+ nie vertaal of verbeter nie)
  • Kopieregskending
  • Knip-en-plak van ander Wikipedia
  • Rekenaarvertaalde inhoud
  • Skepping van reeds geskrapte materiaal
  • Toetswysiging
  • Vandalisme
  • Spam

'n Artikel wat vir spoedige verwydering kwalifiseer, hoef nie hier vir verwydering genomineer te word nie. Plaas eenvoudig {{Skrap|rede}} bo-aan 'n betrokke artikel om dit vir spoedige verwydering te lys. 'n Gebruiker met skrapregte sal dit nagaan en indien hierdie gebruiker bepaal dat die artikel nie vir spoedige verwydering kwalifiseer nie, sal hy/sy die {{skrap}}-sjabloon van die bladsy verwyder en jou waarskynlik vra om dit hier vir verwydering te nomineer, sou jy steeds voel dat die artikel verwyder moet word. Jy kan ook in kennis gestel word van veranderinge tot enige bladsy deur dit by jou dophoulys te voeg: klik op die vyfpuntige ster tussen die knoppies "Wys geskiedenis" en "Meer" bo-aan die betrokke bladsy.

Sien ook

Administrateurs moet daarop let dat 'n bespreking oor die verwydering dalk ook op die betrokke artikel se besprekingsblad geplaas is.

• Kategorie:Bladsye vir verwydering vir bladsye wat die sjabloon het, maar dalk nie hier gelys is nie.
• Die skraplogboek van verwyderde bladsye.
• Wikipedia:Bladsyverwydering/Verwyder vir 'n besprekings omtrent bladsye wat se nominasies vir verwydering suksesvol was.
• Wikipedia:Bladsyverwydering/Hou bevat besprekings omtrent onsuksesvolle nominasies, waar die gemeenskap besluit het om die bladsy te hou of waar geen konsensus bereik is nie.
• Wikipedia:Argumente om te vermy tydens verwyderingsbesprekings

Verwyderingsnominasies

Casino webwerf

Ondersteun, dit is meer bemarking as iets anders en swak taalgebruik. Dit het weinige ensiklopediese waarde. Groete! Oesjaar (kontak) 18:25, 16 Januarie 2021 (UTC)

Gekant. Moenie verwyder nie, ek het die vertaling gaan skoonmaak. Wat moontlike bemarking betref, dit gee maar net die harde feite aan die leser. Amen! -- Aliwal2012 11:17, 17 Januarie 2021 (UTC)

Ondersteun Dit is uit en uit bemarking. Die leser word selfs as "u" aangespreek om hom in te lig oor die wonderlikhede van die (verkeerd gespelde) casinowebwerf. ~ Burgert (kontak) 12:25, 17 Januarie 2021 (UTC)

Kostuum juweliersware verhaal

• Ondersteun – nuttige inligting, maar swak aangebied. Talle taalfoute, moontlik 'n bydraer wat nie Afr. magtig is nie? -- Aliwal2012 07:23, 21 Januarie 2021 (UTC)
• Ondersteun – Rekenaarvertaling, ken al die simptone. Oesjaar (kontak) 09:57, 21 Januarie 2021 (UTC)
• Ondersteun – Rooiratel (kontak) 12:24, 21 Januarie 2021 (UTC)
• Ondersteun – Ek wonder ook oor die bron (en kopiereg) as ek na die laaste twee sinne kyk. ~ Burgert (kontak) 13:51, 21 Januarie 2021 (UTC)
• Uitgevoer – Geskrap. Groete! Lefcentreright (kontak) 14:30, 21 Januarie 2021 (UTC) — Dankie! Aliwal2012.

Tom MacDonald

• Ondersteun – bronne nie vertroulik betroubaar nie, uit sosiale media. Oesjaar (kontak) 20:19, 1 Februarie 2021 (UTC)
• Hou – ek sien nie een bron uit sosiale media nie. En daar was sekondêre bronne, en 'n onderhoud. Daar is meer bronne as in baie ander saadjies. Ek dink nie ons kan hierdie bladsy skrap op grond van sy bronne nie. - Rooiratel (kontak) 07:05, 2 Februarie 2021 (UTC)

Youtube is sosiale media. Gaan lees asb jou beleide. Oesjaar (kontak) 07:43, 2 Februarie 2021 (UTC)

OK ek erken dat youtube kan party keer beskou word as sosiale media. Maar dit is nog steeds nie die enigste bron op die bladsy nie. Rooiratel (kontak) 07:53, 2 Februarie 2021 (UTC)

Besluit of jy 'n admin se verantwoordelikheid aanvaar sonder uitsonderings anderste bedank as admin. Groete! Oesjaar (kontak) 08:05, 2 Februarie 2021 (UTC)

Watter uitsonderings? Ek sê juis dat daar ander bronne is wat op standaard is. As jy nie saam stem nie, dan moet jy 'n rede gee sodat ons dit kan bespreek. Rooiratel (kontak) 10:07, 2 Februarie 2021 (UTC)