Skeleton: Verskil tussen weergawes
"Brady_Canfield_skeleton_start.jpg" is verwyder omdat dit in Commons deur Túrelio verwyder is omrede: Copyright violation: Te'a Karvinen is a press photographer from Finland. That a website of American Forces uses a p |
|||
| Lyn 1: | Lyn 1: | ||
: ''Vir die artikel oor geraamtes, sien [[skelet]].'' |
: ''Vir die artikel oor geraamtes, sien [[skelet]].'' |
||
[[Lêer:Brady Canfield skeleton start.jpg|duimnael|links|Brady Canfield by die wegspring]] |
|||
[[Lêer:Skeleton pictogram.svg|duimnael|[[Piktogram]] wat Skeleton aandui]] |
[[Lêer:Skeleton pictogram.svg|duimnael|[[Piktogram]] wat Skeleton aandui]] |
||
[[Lêer:Brady Canfield skeleton start 2.jpg|duimnael|Canfield duik met sy kop eerste op sy slee af]] |
[[Lêer:Brady Canfield skeleton start 2.jpg|duimnael|Canfield duik met sy kop eerste op sy slee af]] |
||
Wysiging soos op 09:08, 8 Maart 2021
- Vir die artikel oor geraamtes, sien skelet.
Skeleton is 'n wintersport wat op 'n ysbaan beoefen word. Die deelnemers lê met hul mâe op 'n klein slee terwyl hulle kop eerste teen 'n baan afjaag.[1] Dit is 'n gevaarlike sport waartydens die deelnemers 'n spoed van 140 kilometer per uur (87 myl per uur) kan bereik. Dit word sedert 2002 tydens die Olimpiese Winterspele aangebied, maar is ook tydens die Spele van 1928 en 1948 beoefen.
'n Bobsleebaan word meestal vir die beoefening van die sport ingespan. Spesiale spykerskoene word gedra sodat deelnemers nie tydens die aanloop val nie. Daarna word daar kop eerste op die slee geduik. Ligte skouer-, liggaam-, en kopbewegings word gebruik om die slee om die draaie en kinkels te stuur. Die sport vereis blitsvinnige reflekse en uiterste konsentrasie. Teen die einde moet die deelnemer sy liggaamsgewig verskuif en sy spykerskoene gebruik om te stop. Elke deelnemers kry vier beurte, waarna sy tye bymekaargetel en met die ander mededingers s'n vergelyk word.[2]
Geskiedenis
Skeleton is die oudste bekende sleesport. Dit is reeds in 1884 in Sankt Moritz (in Switserland) as sport ingevoer. Vir 'n lang tyd is die sport slegs in dié stad op die Cresta Run (die enigste natuurlike skeletonbaan ter wêreld) beoefen. Toe die Olimpiese Winterspele in Sankt Moritz gehou is (in 1928 en 1948) is skeleton as 'n Olimpiese sport erken. By die Olimpiese Winterspele van 2002 in Salt Lake City is die sport weer vir die eerste keer na 'n lang tyd op die Olimpiese program geplaas. Dit was ook die eerste keer dat vroue begin deelneem het.[3]
Die naam 'skeleton' is van die kaal skeletagtige slee wat oorspronklik gebruik is ontleen, wat mense blykbaar aan 'n geraamte laat dink het.
Internasionale wedstryde
Skeleton en bobslee word deur FIBT (Fédération Internationale de Bobsleigh et de Tobogganing) gereguleer. FIBT organiseer die volgende internasionale wedstryde:
- Skeleton op die Olimpiese Winterspele
- Skeleton-wêreldkampioenskap
- Skeleton-wêreldbeker
- Europese skeleton-kampioenskappe
Verwysings
- ↑ Drie mans in span vir die Winterspele, Beeld, 2 Februarie 2006
- ↑ Tyler dalk net 2 minute op Winterspele in aksie, Beeld, 16 Februarie 2006
- ↑ Winterspele se gevaarlikste sport?, Die Burger, 12 Februarie 2014
Eksterne skakels
Wikimedia Commons het meer media in die kategorie Skeleton.- (en) Webtuiste van FIBT, die beheerliggaam
| Olimpiese wintersporte | 
|
||
|---|---|---|---|
|
Wintersporte: Alpeski · Bobslee · Heg-en-steg-ski · Kortbaanskaats · Kunsskaats · Langbaanskaats · Noorse kombinasie · Rodel · Skansspring · Skeleton · Sneeuplankry · Tweekamp · Vryski · Ysbal · Yshokkie | |||