John Steenhuisen: Verskil tussen weergawes
Nadzik (besprekings | bydraes) k minor fixes + Verwysings |
No edit summary |
||
| Lyn 1: | Lyn 1: | ||
{{Inligtingskas Ampsbekleër |
{{Inligtingskas Ampsbekleër |
||
| naam = John Steenhuisen |
| naam = John Steenhuisen |
||
| beeld = John Steenhuisen |
| beeld = John Steenhuisen.png |
||
| beeldonderskrif = |
| beeldonderskrif = |
||
| orde = Leier van die Opposisie in die [[Nasionale Vergadering van Suid-Afrika|Nasionale Vergadering]] |
| orde = Leier van die Opposisie in die [[Nasionale Vergadering van Suid-Afrika|Nasionale Vergadering]] |
||
Wysiging soos op 19:58, 8 Maart 2021
| John Steenhuisen | |
 | |
Leier van die Opposisie in die Nasionale Vergadering
| |
| Ampsbekleër | |
| Termynaanvang 27 Oktober 2019 | |
| Voorafgegaan deur | Annelie Lotriet (waarnemend) Mmusi Maimane |
|---|---|
Federale Leier van die Demokratiese Alliansie
| |
| Ampsbekleër | |
| Termynaanvang 1 November 2020 | |
| Voorafgegaan deur | Mmusi Maimane |
Hoofsweep van die Amptelike Opposisie
| |
| Ampstermyn 29 Mei 2014 – 24 Oktober 2019 | |
| Vise | Jacques Julius Mike Waters |
| Voorafgegaan deur | Watty Watson |
| Opgevolg deur | Jacques Julius (waarnemend) Natasha Mazzone |
Persoonlike besonderhede
| |
| Gebore | 25 Maart 1976 Durban |
| Politieke party | Demokratiese Alliansie |
| Eggenoot/-note | Terry Steenhuisen (2014–) Julie Steenhuisen (2000–2010) |
| Kind(ers) | 3 |
| Alma mater | Northwood Boys High School |
John Henry Steenhuisen (gebore 25 Maart 1976) is 'n Suid-Afrikaanse politikus wat sedert 2020 as die leier van die Demokratiese Alliansie (DA) dien. Hy was tussen November 2019 en November 2020 die tussentydse leier. Hy het die leier van die opposisie in die Nasionale Vergadering in Oktober 2019 geword. Hy het voorheen as die hoofsweep onder die leierskap van Mmusi Maimane gedien. Steenhuisen het 'n lid van die parlement in Julie 2011 geword. Voor dit was hy betrokke in die politiek van KwaZulu-Natal waar hy as die provinsiale leier van die DA en lid van KwaZulu-Natalse provinsiale wetgewer gedien het. Hy was ook 'n stadsraadslid in die eThekwini Metropolitaanse Munisipaliteit.
Vroeë lewe en opvoeding
Steenhuisen is op 25 Maart 1976 in Durban gebore. Hy het in 1993 aan die Northwood Boys High School, 'n Engels-medium sekondêre skool in Durban, gematrikuleer. Hy het nie by 'n tersiêre instelling studeer nie.[1]
Politieke loopbaan
Steenhuisen het by die Demokratiese Party aangesluit, die voorganger van die DA, as 'n aktivis voor hy lid van 'n tak geword het.[2]
Op die ouderdom van 22 in 1999 is hy as 'n lid van die destydse stadsraad van Durban verkies en het gevolglik een van die jongste raadslede geword. Hy het in 2006 die leier van die DA-koukus geword. Hy het in die uitvoerende raad van die stadsraad gedien.[3]
Steenhuisen het in Mei 2009 'n lid van die KwaZulu-Natalse provinsiale wetgewer geword en is ook as die party se koukusleier aangestel. In Oktober 2009 word hy tot provinsiale leier van die DA verkies. Hy het die posisie van provinsiale leier tot Oktober 2010 gehou toe hy bedank het, te midde die onthulling van ontrou in sy huwelik.[4] Hy het as 'n lid van die wetgewer gedien totdat hy in Julie 2011 na die Nasionale Vergadering geskuif het. Hy het posisies met DA-LP Mark Steele geruil.[5]
In die parlement het hy as 'n lid van die Gesamentlike Staande Komitee vir die Finansiële Bestuur gedien. Hy is tans 'n lid van die Reëlskomitee. Hy het ook as die DA se skaduminister van samewerkende regering en tradisionele sake gedien.[3]
In Mei 2014 is hy as die hoofsweep van die amptelike opposisie aangestel. Hy het die amp tot Oktober 2019 gehou toe Mmusi Maimane uit die DA en die parlement bedank het.[6] Hy het sy kandidaatuur as leier van die opposisie aangekondig en hy is op 27 Oktober 2019 onbestrede verkies. Steenhuisen verklaar hierna sy kandidaatuur vir die pos van tussentydse leier van die DA. Hy wen toe die verkiesing vir die pos op 17 November 2019 deurdat hy Makashule Gana verslaan het.[7]
Op 1 November 2020 is Steenhuisen as die nuwe federale leier van die Demokratiese Alliansie afgekondig. Hy het vir KwaZulu-Natalse LPW Mbali Ntuli geklop nadat hy omtrent 80% van die afgevaardigdes se steun ontvang het.[8]
Persoonlike lewe
Steenhuisen is vlot in Engels sowel as Afrikaans. Hy woon tans in Umhlanga, KwaZulu-Natal en is 'n ondersteuner van die Sharks-rugbyunie en die AmaZulu FC-sokkerklub.[3]
Hy was tien jaar lank met Julie Steenhuisen getroud voordat hy hul egskeiding in Oktober 2010 aangekondig het, te midde van openbare onthullings van sy voortslepende verhouding met Terry Kass Beaumont, die DA se provinsiale woordvoerder en vrou van Michael Beaumont, die DA se provinsiale direkteur.[9]
Steenhuisen het twee dogters uit sy huwelik met Julie. Hy is later met Terry getroud en hulle het saam 'n dogter.[3]
Verwysings
- ↑ (In Engels) Mtshali, Samkelo. John Steenhuisen's lack of post-matric qualification back in spotlight, Durban, IOL, 29 Oktober 2019. Besoek 19 Desember 2019.
- ↑ (in Engels) Swana, Annelisa. Steenhuisen has a plan as he guns for DA's top spot, DispatchLIVE, 16 November 2019. Besoek 19 Desember 2019.
- ↑ 3,0 3,1 3,2 3,3 John Steenhuisen biography: age, wife, education, qualification, DA, Twitter, and SONA 2019, Briefly. Besoek 19 Desember 2019.
- ↑ Changes in KZN DA leadership, News24, 19 Oktober 2010. Besoek 19 Desember 2019
- ↑ DA caucus leader moves to Cape. Besoek op 19 Desember 2019.
- ↑ Mahlati, Zintle. John Steenhuisen to no longer serve as DA chief whip in Parliament, IOL, 24 Oktober 2019. Besoek 19 Desember 2019.
- ↑ DA se tussentydse leiers aangewys, Maroela Media, 17 November 2019. Besoek 19 Desember 2019
- ↑ https://mg.co.za/politics/2020-11-01-with-79-of-votes-steenhuisen-elected-da-leader/
- ↑ (in Engels) DA leader quits over sex scandal, News24, 24 Oktober 2010. Besoek 19 Desember 2019.
Eksterne skakels
- John Steenhuisen op Twitter
- "John Henry Steenhuisen". People's Assembly. Besoek op 7 Julie 2018.
Wikimedia Commons het meer media in die kategorie John Steenhuisen.
