MK: Verskil tussen weergawes

in Wikipedia, die vrye ensiklopedie
No edit summary
k MK89 geskuif na MK: Die kanaal is nou net MK en is op DStv kanaal 324.
(Geen verskil)

Wysiging soos op 05:11, 10 Oktober 2007

MK89, MK of Kanaal 89, is 'n Suid Afrikaanse musiekkanaal op Multichoice se satellietdiens DStv. Die kanaal fokus meestal op Afrikaanse programme en musiek, maar speel ook 'n verskeidenheid van internasionale en Engelse musiek.

Die kanaal se naam is afkomstig vanaf die woorde Musiek Kanaal en die kanaal se nommer op DStv, wat 89 is, en het middel 2005 die lig gesien. Daar word ál hoe meer na hierdie kanaal as net "MK" verwys, weens die moontlikheid dat Multichoice dalk die kanaalnommer kan verander in die toekoms, soos wat dit gereeld met sy ander kanale doen, en dat MK89 dan sy identiteit kan behou.

Op 1 Oktober 2007 sal MK89 na kanaal 324 skuif.

Programme

Die volgende is gelys as programme op hulle amptelike webwerf:

  • 6@6 (Die ses gewildste videos van die week, soos gekies deur kykers, wat op hulle selfone of op die webwerf stem)
  • AF ('n Skok "realiteits" program, baie soos Jackass op MTV, waarin 'n groep mense waagtoertjies doen, mekaar seermaak, en vieslike dinge vir die kameras doen)
  • AMP (Aanbieder Herman Pretorius voer onderhoude met Suid-Afrikaanse rock bands)
  • Gons (Chat Show, met Francois Nolte en Johrné van Huyssteen)
  • Hip Hop (Mr Fat en DJ Azul se progarm waarin hulle oor plaaslike Hip-hop vertel)
  • JIP (Elana Afrika en Victor bied hierdie vermaakprogram wat ook op Kyk-net uitgesaai word aan)
  • Kraakvars (Nuwe videos word hier vir die eerste keer op MK89 uitsaai)
  • MK Awards Nominasies (Die videos vir die MK Awards (sien onder) word hier uitsaai sodat beoordelaars (en ander mense) na die kandidate kan luister, voor hulle stem
  • MKchat ('n program met lewendige gesels uit 'n internet geselskamer en ook 'n DJ wat musiek in die agtergrond speel)
  • Mullets (Twee mense, Eugene en Jaco, doen dinge wat meesal dieselfde is as AF)
  • myMK (Mense se eie video-keuse (wat kan gekies word op hulle webwerf) word hier uitgesaai)
  • Petrolkop (Snotkop gesels met ander musikante, wat ook probeer om rond Chlorkop in 'n Mini Cooper S te jaag - hulle tye word op 'n muur gesteek en met mekaar vergelyk)
  • Stook (Rowan Cloete krit nuwe DVD's CD's en Konsole-speletjies)
  • Studio 1 (Gewilde groepe speel in 'n ateljee - aangebied deur Henré Pretorius en Lee-Ann Liebenberg - en baie verskillende charts word ook gelys)
  • Trip (MK89 kuier elke week by 'n ander dorp of stad en vra plaaslike mense wat hulle wil hoor. Plekke waar hulle gekuier het slui in Warmbad (Bela-Bela), Stellenbosch, Londen, Witbank, en Ladismith.)

MK Awards

Die kanaal se eerste toekenningsprogram, MK Awards 2007, is op 19 Februarie uitgesaai.[1]. Daar is tien kategorieë, wat strek van meer 'ernstige' kategorieë soos Beste Solo en Beste Groep tot ligte kategories soos Swakste Video. Daar is 3 000 beoordelaars (die kanaal verwys na hulle as 'Judges), wat bestaan uit gewone mense, wat op die webwerf of deur middel van hulle selfone registreer, en dan deur die kanaal gekies was. Daar was omstredenheid oor die feit dat slegs mense van die teikenouderdom van die kanaal as beoordelaars gekies is.

Sien ook

Eksterne Skakels