Jaar sonder 'n somer: Verskil tussen weergawes
Skakel |
k Burgert Behr het bladsy Jaar sonder somer na Jaar sonder 'n somer geskuif |
(Geen verskil)
|
Wysiging soos op 07:57, 23 Oktober 2021
Die jaar 1816 staan veral in Europa en Noord-Amerika bekend as die Jaar sonder somer, 'n jaar wat deur klimatologiese eienaardighede soos ongewoon koue weer gekenmerk is. Die gemiddelde globale temperature het met tussen 0,4 en 0,7 °C gedaal - 'n afkoeling wat tot misoeste en hongersnood in die Noordelike Halfrond gelei het.
Omstandighede dui daarop dat dié weersverskynsel 'n vulkaniese winter was wat hoofsaaklik deur die massiewe uitbarsting van die vulkaan Tambora in Nederlands-Oos-Indië in April 1815 veroorsaak is - die sterkste uitbarsting in minstens 1 300 jaar. 'n Geskatte 150 kubieke kilometer vulkaanas, magma, gesteentes en gas is destyds in die atmosfeer geblaas. Die stofwolk het sowat 'n jaar lank uitgebrei en het in Wes- en Suid-Europa, maar ook in groot dele van die Verenigde State, somertemperature enkele jare lank merkbaar laat daal.[1]