Neil Armstrong: Verskil tussen weergawes

in Wikipedia, die vrye ensiklopedie
Content deleted Content added
Baccalaureus scientiae-skakel
No edit summary
Etikette: Visuele teksverwerker Selfoonbydrae Wysiging op selfoonwerf Gevorderde mobiele wysiging
Lyn 28: Lyn 28:
}}
}}


'''Neil Armstrong''' ([[5 Augustus]] [[1930]] – [[25 Augustus]] [[2012]]) was 'n [[Verenigde State van Amerika|Amerikaanse]] [[ruimtevaarder]], wat op [[20 Julie]] [[1969]] om 22:56 (VS Oostelike Dagligtyd) die eerste mens geword om op die [[maan]] te loop.<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref> Vier dae vroeër, op [[16 Julie]] [[1969]], het Armstrong, [[Buzz Aldrin|Edwin Aldrin]] en [[Michael Collins]] in die [[Apollo 11]] van die aarde opgestyg onderweg na die maan.Die beveltuig, geloods deur Collins, het in 'n lae wentelbaan om die maan gebly terwyl Armstrong en Aldrin die moedertuig in die "Eagle"-[[Apollo maanmodule|maanlandingstuig]] verlaat het. Hulle het op 'n stowwerige vlakte naby die "See van Kalmte" (''Mare Tranquillitates'') geland en Armstrong was die eerste om met die historiese woorde "''That's one small step for man, one giant leap for mankind''" op die maan te stap (hy moes natuurlik gesê het "''That's one small step for a man...''", maar in die opgewondenheid van die oomblik het hy hom verspreek – ook maar net mens).
'''Neil Armstrong''' ([[5 Augustus]] [[1930]] – [[25 Augustus]] [[2012]]) was 'n [[Verenigde State van Amerika|Amerikaanse]] [[ruimtevaarder]], wat op [[20 Julie]] [[1969]] om 22:56 (VS Oostelike Dagligtyd) die eerste mens geword om op die [[maan]] te loop.<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref> Vier dae vroeër, op [[16 Julie]] [[1969]], het Armstrong, [[Buzz Aldrin|Edwin Aldrin]] en [[Michael Collins]] in die [[Apollo 11]] van die aarde opgestyg onderweg na die maan.Die beveltuig, geloods deur Collins, het in 'n lae wentelbaan om die maan gebly terwyl Armstrong en Aldrin die moedertuig in die "Eagle"-[[Apollo maanmodule|maanlandingstuig]] verlaat het. Hulle het op 'n stowwerige vlakte naby die "See van Kalmte" (''[[Mare Tranquillitatis|Mare Tranquillitates]]'') geland, en Armstrong was die eerste om met die historiese woorde "''That's one small step for man, one giant leap for mankind''" op die maan te stap (hy moes natuurlik gesê het "''That's one small step for a man...''", maar in die opgewondenheid van die oomblik het hy hom verspreek – ook maar net mens).


Armstrong en Aldrin het 2 uur 36 minute op die oppervlak van die maan deurgebring, foto's geneem, die Amerikaanse vlag geplant, wetenskaplike instrumentasie opgestel, 23&nbsp;kg monsters van die oppervlakmateriaal versamel en 'n gedenkplaat onthul met die woorde: "''Here Men From Planet Earth First Set Foot Upon the Moon. July 1969 AD. We Came In Peace For All Mankind''" (Hier het mense van planeet Aarde vir die eerste keer hul voete op die maan geplaas. Julie 1969 n.C. Ons het in vrede gekom vir die ganse mensdom). Op 21 Julie 1969 het hulle met die beveltuig 'n rendezvous gehad en na 8 dae, 3 uur en 18 minute in die ruimte op 24 Julie in die [[Stille Oseaan]] geland, waar hulle opgepik is.
Armstrong en Aldrin het 2 uur 36 minute op die oppervlak van die maan deurgebring, foto's geneem, die Amerikaanse vlag geplant, wetenskaplike instrumentasie opgestel, 23&nbsp;kg monsters van die oppervlakmateriaal versamel en 'n gedenkplaat onthul met die woorde: "''Here Men From Planet Earth First Set Foot Upon the Moon. July 1969 AD. We Came In Peace For All Mankind''" (Hier het mense van planeet Aarde vir die eerste keer hul voete op die maan geplaas. Julie 1969 n.C. Ons het in vrede gekom vir die ganse mensdom). Op 21 Julie 1969 het hulle met die beveltuig 'n rendezvous gehad en na 8 dae, 3 uur en 18 minute in die ruimte op 24 Julie in die [[Stille Oseaan]] geland, waar hulle opgepik is.

Wysiging soos op 14:15, 26 November 2021

Neil Armstrong
Neil Armstrong in Julie 1969
Gebore
Neil Alden Armstrong

(1930-08-05)5 Augustus 1930
Sterf25 Augustus 2012 (op 82)
NasionaliteitVlag van Verenigde State van Amerika Verenigde State
Beroepruimtevaarder, vegvlieënier
Bekend vireerste man wat op die maan geloop het
EggenootJanet Shearon
Kinders2
Ouer(s)Stephen Koenig Armstrong
Viola Louise Engel
Handtekening

Neil Armstrong (5 Augustus 193025 Augustus 2012) was 'n Amerikaanse ruimtevaarder, wat op 20 Julie 1969 om 22:56 (VS Oostelike Dagligtyd) die eerste mens geword om op die maan te loop.[1] Vier dae vroeër, op 16 Julie 1969, het Armstrong, Edwin Aldrin en Michael Collins in die Apollo 11 van die aarde opgestyg onderweg na die maan.Die beveltuig, geloods deur Collins, het in 'n lae wentelbaan om die maan gebly terwyl Armstrong en Aldrin die moedertuig in die "Eagle"-maanlandingstuig verlaat het. Hulle het op 'n stowwerige vlakte naby die "See van Kalmte" (Mare Tranquillitates) geland, en Armstrong was die eerste om met die historiese woorde "That's one small step for man, one giant leap for mankind" op die maan te stap (hy moes natuurlik gesê het "That's one small step for a man...", maar in die opgewondenheid van die oomblik het hy hom verspreek – ook maar net mens).

Armstrong en Aldrin het 2 uur 36 minute op die oppervlak van die maan deurgebring, foto's geneem, die Amerikaanse vlag geplant, wetenskaplike instrumentasie opgestel, 23 kg monsters van die oppervlakmateriaal versamel en 'n gedenkplaat onthul met die woorde: "Here Men From Planet Earth First Set Foot Upon the Moon. July 1969 AD. We Came In Peace For All Mankind" (Hier het mense van planeet Aarde vir die eerste keer hul voete op die maan geplaas. Julie 1969 n.C. Ons het in vrede gekom vir die ganse mensdom). Op 21 Julie 1969 het hulle met die beveltuig 'n rendezvous gehad en na 8 dae, 3 uur en 18 minute in die ruimte op 24 Julie in die Stille Oseaan geland, waar hulle opgepik is.

Die drie Apollo 11-ruimtevaarders is met hul terugkeer na die aarde as helde ontvang. Armstrong het die Medalje van Vryheid, die hoogste toekenning aan 'n Amerikaanse burgerlike, ontvang. Hy het ook die NASA Medalje vir Voortreflike Diens, die NASA Medalje vir Uitsonderlike Diens, sewentien medaljes van ander lande en die Kongres-ereruimtemedalje ontvang.

Lewensgeskiedenis

Neil Armstrong in 1956
Neil Amstrong in 'n Gemini opleidingspak

Neil Armstrong is op 5 Augustus 1930 op sy grootouers se plaas naby Wapakoneta, Ohio, gebore as seun van Stephen en Viola Armstrong. As tweejarige kleuter het hy saam met sy pa die Nasionale Lugwedvlugte bygewoon. Sy geboeidheid met vliegtuie en vlieg het toegeneem en na hy sy eerste vlug in 'n Tin Goose vier jaar later, op die ouderdom van ses jaar, ervaar het, was hy vasbeslote om 'n vlieënier te word. As tiener het hy 'n verskeidenheid werke gedoen om geld te verdien vir vlieglesse en op sy sestiende verjaardag het hy sy leerlingvlieglisensie bekom.

Armstrong het in 1947 van Blume Hoërskool in Wapakoneta gegradueer en kon danksy 'n vlootbeurs by Purdue Universiteit inskryf om vliegtuigboukunde te studeer. In 1949 is hy deur die Vloot opgeroep en word hy 'n vlieënier. In 1950 is hy na Korea gestuur waar hy agt-en-sewentig vegmissies gevlieg het.

Armstrong het na sy studies teruggekeer en in 1955 'n Baccalaureus scientiae in Vliegtuigboukunde aan Purdue Universiteit behaal. In 1962 het hy 'n Magister Scientiae in Ruimtevaartkunde van die Universiteit van Suid-Kalifornië ontvang en in jaar 1970 word 'n Doktorsgraad in Ingenieurswese (honoris causa) deur Purdue Universiteit aan hom toegeken – een van verskeie eredoktorate wat hy ontvang het.

Na voltooiing van sy studies by Purdue het Armstrong in 1955 by die National Advisory Committee for Aeronautics (NACA) se Lewis Vlugaandryflaboratorium aangesluit. Later die jaar het hy verskuif na die NACA Hoëspoed-vlugstasie by Edwards Lugmagbasis in Kalifornië as 'n ruimtevaartnavorsingswetenskaplike en daarna as loods, 'n pos wat hy beklee het tot 1962 toe hy 'n ruimtevaarder geword het. By NACA, die voorganger van NASA, was hy betrokke by die X-15-projek en het hy in verskeie vuurpyle, helikopters en sweeftuie toetsvlugte onderneem. Hy is gekies om die Dyna-Soar, 'n eksperimentele tuig wat die atmosfeer kon verlaat, om die aarde wentel, weer die atmosfeer binnekom en soos 'n konvensionele vliegtuig kon land, te loods. Toe hy egter besef dat die projek nooit tot uitvoer sou kom nie, het hy aansoek gedoen om 'n ruimtevaarder te word en is hy in 1962 as een van NASA se eerste twee burgerlike ruimtevaarders gekies.

By El Lago, Texas, naby Houston se Bemanderuimtetuigsentrum, het hy vier jaar ruimtevaartopleiding ontvang. Op 16 Maart 1966 het Armstrong in sy eerste ruimtemissie as bevelvoerende loods van Gemini VIII met David Scott gevlieg. In 1969 maak hy sy historiese maanlanding. Armstrong het in 1971 by NASA bedank om 'n professor in vliegtuigboukunde aan die Universiteit van Cincinnati te word. Sedert 1979 het hy as voorsitter van die direksie van Cardwell International Corporation, Computing Technologies for Aviation Inc. (CTA) en AIL Systems gedien. Hy was ook 'n direkteur van verskeie belangrike maatskappye.

Armstrong is in 1956 met Janet Shearon getroud. Hulle het twee oorlewende kinders.

Op 25 Augustus 2012 sterf hy ná 'n operasie vroeër in Augustus, op die ouderdom van 82 in Cincinnati, Ohio, aan komplikasies weens verstopping van sy hartvate.

Sien ook

Verwysings

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels